کیا ٹھنڈا پانی پینا وزن میں اضافے کا سبب بن سکتا ہے؟
اشاعت کی تاریخ: 2nd, May 2025 GMT
پانی پیاس بجھانے کا بہترین ذریعہ ہے۔ کچھ لوگ با آسانی اپنی روزانہ کی پانی کی مقدار پوری کر لیتے ہیں، جبکہ کچھ کے لیے یہ مشکل ہوتا ہے۔ اس پر مستزاد پانی سے متعلق مختلف افواہیں اور غلط فہمیاں ذہنوں کو الجھا دیتی ہیں۔
انہی میں سے ایک مشہور غلط فہمی یہ ہے کہ ٹھنڈا پانی پینے سے وزن بڑھتا ہے۔ لیکن کیا یہ واقعی حقیقت ہے یا صرف ایک مفروضہ؟
حال ہی میں، ماہر غذائیت امیتا گڈرے نے اپنے انسٹاگرام ہینڈل پر اس حوالے سے وضاحت کرتے ہوئے حقیقت کو واضح کیا۔ ان کے مطابق، حقیقت کچھ اور ہی ہے۔
امیتا گڈرے کہتی ہیں کہ پانی وزن کم کرنے کا ایک شاندار ذریعہ ہے، کیونکہ اس میں کوئی کیلوریز نہیں ہوتیں۔ یہ خیال کہ ٹھنڈا پانی جسم میں چربی کو جما دیتا ہے اور وزن بڑھاتا ہے، بالکل غلط ہے۔ اسی طرح، گرم پانی چربی کو پگھلا دیتا ہے، یہ بھی محض ایک مفروضہ ہے۔
ان کا کہنا ہے کہ اصل مقصد یہ ہے کہ جسم کو مناسب مقدار میں پانی ملتا رہے، تاکہ توانائی برقرار رہے اور میٹابولزم (نظامِ ہضم) متاثر نہ ہو۔ پانی کے درجہ حرارت پر زیادہ غور کرنے کے بجائے، مناسب مقدار میں پانی پینے پر توجہ دینی چاہیے۔
البتہ ٹھنڈا پانی (جیسے کہ آئس کریم یا دیگر ٹھنڈی اشیاء) آپ کے نظامِ ہضم کی قوت (آگنی) کو کمزور کر سکتا ہے۔ بہتر ہاضمے کے لیے نیم گرم پانی پینا زیادہ مفید سمجھا جاتا ہے۔
زیادہ ٹھنڈا پانی پینے سے بعض افراد کو نظامِ ہضم کی خرابی، گلا خراب ہونے یا سر درد کی شکایت ہو سکتی ہے، لیکن یہ اثرات ہر کسی پر نہیں ہوتے۔
اب جب کہ آپ کو حقیقت معلوم ہو چکی ہے، تو آپ اطمینان سے ٹھنڈا پانی پی سکتے ہیں، یہ آپ کے وزن میں اضافہ نہیں کرے گا۔
.ذریعہ: Daily Ausaf
پڑھیں:
ترکمانستان توانائی کے شعبے میں پاکستان کے ساتھ بڑی شراکت داری کر سکتا ہے:محمد علی درانی
ترکمانستان توانائی کے شعبے میں پاکستان کے ساتھ بڑی شراکت داری کر سکتا ہے:محمد علی درانی WhatsAppFacebookTwitter 0 30 July, 2025 سب نیوز
اسلام آباد: سابق وفاقی وزیر اور سینئر سیاستدان محمد علی درانی نے ترکمانستان کے سفیر عطا جان مولا (Atadjan Movlamov) سے اسلام آباد میں ملاقات کی۔
ملاقات کے دوران محمد علی درانی نے ترکمانستان کے صدر سردار بردمحمدوف اور عوام کے لیے پاکستانی عوام کی جانب سے خیرسگالی کا پیغام پہنچایا۔
ترکمانستان کے سفیر نے سفارت خانے آمد پر محمد علی درانی کا پرتپاک استقبال کیا اور انہیں غیر ملکی سرمایہ کاروں اور تجارت کے فروغ کے لیے اپنی حکومت کے اقدامات اور مراعات سے آگاہ کیا۔ملاقات میں دونوں رہنماؤں نے عوام اور کاروباری برادری کی سطح پر دوطرفہ روابط بڑھانے اور تاجروں، چیمبرز آف کامرس کے درمیان براہ راست رابطے قائم کرنے پر اتفاق کیا۔
محمد علی درانی نے کہا کہ ترکمانستان شاہراہِ ریشم کا تاریخی سنگم رہا ہے، اسے خطے میں تجارت کے فروغ کے لیے کلیدی شاہراہ کا کردار ادا کرنا ہوگا۔ انہوں نے مزید کہا کہ تیل و گیس سے مالامال ترکمانستان پاکستان میں توانائی کے شعبے میں نجی شعبے کے ساتھ وسیع شراکت داری قائم کر سکتا ہے۔
انہوں نے زور دیا کہ پاکستان اور امن و ترقی پسند ممالک کے خوشگوار تعلقات پورے خطے کو معاشی ترقی کا محور بنا سکتے ہیں۔ترکمانستان کے سفیر عطا جان مولا نے محمد علی درانی کی تجاویز کا خیرمقدم کیا اور ان پر عملدرآمد کے لیے تعاون کی یقین دہانی کرائی۔ ملاقات کے اختتام پر سفیر نے محمد علی درانی کو یادگاری شیلڈ بھی پیش کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچین اور امریکہ کے مابین مشترکہ تشویش کے تجارتی امور پر تعمیری تبادلہ خیال بھارت کا پرلے میزائل کا تجربہ، پاکستان کا کون سا جدید ہتھیار منہ توڑ جواب دے گا؟ پی ٹی آئی نے مشال یوسفزئی کو سینیٹ ٹکٹ جاری کر دیا، دیگر امیدواروں کو دستبرداری کی ہدایت عمران خان کے بیٹوں کو پاکستان آنے سے روکنے پر وزیر دفاع خواجہ آصف کا بیان سامنے آگیا یکم اگست سے پیٹرول اور ڈیزل سستا، لائٹ ڈیزل مہنگا ہونے کا امکان ڈسٹرکٹ پرائس کنٹرول کمیٹی راولپنڈی کا اجلاس، چینی بحران نمٹنے اور اشیائے خوردونوش کی قیمتوں پر اہم فیصلے سدرہ قتل کیس، گورکن اور سیکرٹری قبرستان کمیٹی کا 14 روزہ جوڈیشل ریمانڈ منظورCopyright © 2025, All Rights Reserved
رابطہ کریں ہمارے بارے ہماری ٹیم
مٹھی بھر دہشتگرد بلوچستان اور پاکستان کی ترقی نہیں روک سکتے، ڈی جی آئی ایس پی آر