مریم نواز کا بے گھر افراد کیلئے 2 ہزار پلاٹس مفت دینے کا اعلان
اشاعت کی تاریخ: 3rd, May 2025 GMT
— فائل فوٹو
وزیراعلیٰ پنجاب مریم نواز نے بےگھر افراد کو ’اپنی زمین، اپنا گھر‘ منصوبے کے تحت 2 ہزار پلاٹس بالکل مفت دینے کا اعلان کردیا۔
مریم نواز نے ’اپنی چھت، اپنا گھر‘ پروگرام کی کامیابی کے بعد ’اپنی زمین، اپنا گھر‘ کے ای پورٹل کا افتتاح کردیا۔
انہوں نے اس منصوبے کی لانچنگ کی تقریب میں خطاب کرتے ہوئے کہا کہ پنجاب کے 19 اضلاع کی 23 ہاؤسنگ اسکیموں میں بےگھر افراد کو 2 ہزار پلاٹ دیے جائیں گے۔ ایک سال کے اندر ایک لاکھ گھر تعمیر کرنے کا ٹارگٹ پورا کرنا چاہتے ہیں۔
انہوں نے کہا کہ اسکیم کی کامیابی کا بتاتی ہوں تو نواز شریف کو سب سے زیادہ خوشی ہوتی ہے، اسکیم کے لیے اقساط بہت آسان رکھی گئی ہیں۔
وزیرِ اعلیٰ پنجاب مریم نواز شریف نے کہا ہے کہ ’اپنا گھر اپنی چھت‘ اسکیم بنانے میں کامیاب ہوئے، ہم جلد گھر بنا کر لوگوں کو دیں گے۔
صوبائی وزیر اعلیٰ نے کہا کہ اپنی زمین، اپنا گھر میرے خواب کی تعبیر ہے، ہماری پوری کوشش ہے کہ ایک سال میں ایک لاکھ 5 سال میں 5 لاکھ گھر بنا کردیں۔
مریم نواز نے کہا کہ ’اپنی چھت، اپنا گھر‘ منصوبے کے تحت گھروں کی تکمل کے لیے لیے گئے قرضے کی قسطیں واپس آنا شروع ہوگئی ہیں۔ اسکیم میں 100 فیصد لوگوں نے قرض لے کر اپنا گھر تعمیر کیا اور اب قسط بھی ادا کررہے ہیں۔ 6 ماہ کی قلیل مدت میں تقریباً 34 ہزار گھر بن رہے ہیں، 2 ہزار مکمل بھی ہوچکے ہیں۔
انہوں نے کہا ہے کہ بہت بڑی تعداد ایسے لوگوں کی بھی ہے جن کے پاس پلاٹ بھی نہیں، جن کے پاس کوئی پلاٹ نہیں انہیں اس پروگرام کے تحت قرعہ اندازی کے ذریعے 3 مرلے کے پلاٹ بالکل مفت دیے جائیں گے۔ صرف یہی نہیں بلکہ قرعہ اندازی میں پلاٹ حاصل کرنے والے خوش نصیب گھر کی تعمیر کے لیے قرض بھی حاصل کرسکیں گے۔
ان کے مطابق پہلے فیز میں جہلم، پتوکی، ماموں کانجن، لودھراں، رینالہ خورد میں مفت پلاٹ دیے جائیں گے۔ بےگھر افراد کےلیے پنجاب میں ہر روز مزید 300 گھر بننے لگے۔
انہوں نے کہا کہ پنجاب کے مستحق اور نادار افراد کےلیے کام جاری رہے گا، صوبے کے عوام کی فلاح و بہبود کےلیے کام کرنا میری ترجیح ہے۔ بےگھر افراد کو چھت کی فراہمی قائد محمد نواز شریف کا وژن ہے، پنجاب حکومت کے ہر منصوبے کی تکمیل پر نواز شریف بہت خوش ہوتے ہیں۔
.ذریعہ: Jang News
کلیدی لفظ: مریم نواز نے نواز شریف گھر افراد نے کہا کہ اپنا گھر اپنی چھت انہوں نے
پڑھیں:
سیریز جیتنے پر وزیر اعظم اور وزیر اعلیٰ پنجاب کی قومی ٹیم کو مبارکباد
وزیر اعظم شہباز شریف اور وزیر اعلیٰ پنجاب مریم نواز نے قومی ٹیم کو جنوبی افریقا کے خلاف ٹی ٹوئنٹی سیریز جیتنے پر مبارکباد پیش کی ہے۔ سماجی رابطے کی ویب سائٹ ایکس پر جاری پیغام میں وزیر اعظم شہباز شریف نے قومی ٹیم کی شاندار کارکردگی پر چیئرمین پی سی بی اور ٹیم کی تعریف کی۔ وزیر اعلیٰ پنجاب مریم نواز نے مبارکباد دیتے ہوئے کہا کہ جنوبی افریقا کے خلاف ٹی ٹوئنٹی سیریز میں شاندار کامیابی پوری قوم کے لیے باعث فخر ہے۔ مریم نواز کا کہنا تھا کہ قومی ٹیم نے جیت کے لیے جس عزم، محنت اور اتحاد کا مظاہرہ کیا، وہ قابل تحسین ہے۔ امید ہے کرکٹ ٹیم وننگ ٹریک کو برقرار رکھے گی۔ یاد رہے کہ گزشتہ رات کھیلے گئے تیسرے ٹی ٹوئنٹی میچ میں پاکستان نے جنوبی افریقا کو 4 وکٹوں سے شکست دے کر تین مچیز کی سیریز 1-2 سے اپنے نام کرلی۔
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر