کراچی، رات گئے فائرنگ کے مختلف واقعات، ایک شخص جاں بحق، 8 افراد زخمی
اشاعت کی تاریخ: 4th, May 2025 GMT
کراچی:
شہر قائد میں رات گئے فائرنگ کے مختلف واقعات میں ایک شخص جاں بحق جبکہ خاتون اور بچی سمیت 8 افراد زخمی ہوگئے۔
تفصیلات کے مطابق بلدیہ ٹاون رئیس گوٹھ ستارہ بائی پاس کرش پلانٹ کے قریب نامعلوم افراد کی فائرنگ سے ایک شخص جاں بحق ہوگیا جس کی لاش کو اسپتال منتقل کیا گیا۔
پولیس کے مطابق مقتول کی شناخت 50 سالہ عبدالرشید کے نام سے ہوئی، اہل علاقہ کی اطلاع پر موچکو تھا کی پولیس جائے وقوعہ پر پہنچی ، مقتول پریا گوٹھ کا رہائشی تھا اور مزدور تھا۔
مزید پڑھیں: کراچی، ڈیفنس اور بفرزون میں فائرنگ کے واقعات میں 5 سالہ بچی سمیت 2 افراد زخمی
پولیس کے مطابق واقعے کی مختلف پہلوؤں سے تفتیش کی جارہی ہے قتل کی وجوہات تاحال سامنے نہیں آ سکیں۔
دوسری جانب اورنگی ٹاؤن الطاف نگر القریش مسجد کے قریب گھر میں نامعلوم سمت سے گولی لگنے سے ایک بچی زخمی ہوگئی ،بچی کو عباسی شہید اسپتال منتقل کیا گیا ہے۔
زخمی ہونے والی بچی کی شناخت 12 سالہ منیبہ دختر خالد کے نام سے ہوئی ۔ کورنگی مہران ٹاون اندھی گولی لگنے سے ایک شخص زخمی ہوا۔
زخمی کی شناخت سمیر کے نام سے ہوئی، فائرنگ کے زخمی کو اسپتال منتقل کردیا گیا،بلدیہ جنگل اسکول کے قریب ڈکیتی مزاحمت پر فائرنگ ایک شخص زخمی ہوگیا۔
مزید پڑھیں: کراچی، شہر کے مختلف علاقوں میں فائرنگ کے واقعات، 2 افراد زخمی
زخمی کی شناخت 28 سالہ کاشف کے نام سے ہوئی، زخمی کو اسپتال منتقل کردیا گیا۔۔
کورنگی 51 سی موٹر سائیکل مکینک کی دکان پر نامعلوم سمت سے گولی لگنے سے ایک شخص زخمی ہوگیا،زخمی کی شناخت نعمان کے نام سے ہوئی۔
اورنگی ٹاون سیکٹر سیون سی گھر کے اندر نامعلوم سمت سے گولی لگنےسے خاتون زخمی ہوگئیں خاتون کی شناخت 60 سالہ نصرت کے نام سے ہوئی۔
بلدیہ ٹاؤن نمبر 4 بس اسٹاپ کے قریب سر میں گولی لگنے سے14 سالہ لڑکا زخمی ہوگیا،زخمی کی شناخت ارحان کے نام سے ہوئی۔
مزید پڑھیں: کراچی، فائرنگ کے مختلف واقعات میں خاتون سمیت دو افراد جاں بحق، ایک بچی زخمی
پولیس کے مطابق واقعے اندھی گولی لگنے کے باعث پیش آیا تاہم زخمی کو تشویشناک حالت میں اسپتال منتقل کردیا گیا۔
بلدیہ اتحاد ٹاون میں ڈکیتی مزاحمت پر فائرنگ سے ایک شخص زخمی ہوگیا جس کی شناخت امان اللہ کے نام سے ہوئی، گزری چاندی چوک کے قریب فائرنگ سے 25 سالہ فرقان ولد عطاء اللہ زخمی ہوگیا جسے اسپتال منتقل کیا گیا۔۔
.ذریعہ: Express News
کلیدی لفظ: کے نام سے ہوئی زخمی کی شناخت اسپتال منتقل گولی لگنے سے زخمی ہوگیا افراد زخمی فائرنگ کے کے مطابق کے مختلف کے قریب ایک شخص سے ایک
پڑھیں:
کراچی: براق پیٹرول پمپ سچل موڑ کے قریب ڈکیتی کی واردات کے دوران مزاحمت پر بھتیجا جاں بحق، چچا زخمی
سپرہائیوے پرواقع براق پیٹرول پمپ سچل موڑ کے قریب ڈکیتی کی واردات کے دوران مزاحمت بھتیجا جاں بحق اورچچا زخمی ہوگیا،چچا کی فائرنگ مسلح ملزمان کی زخمی ہوئے جوکہ موقع پر سے فرارہوگئے۔رواں سال شہر قائد میں ڈکیتی مزاحمت پر جاں بحق ہونے والے شہریوں کی تعداد 76 ہو گئی۔
رپورٹ کے مطابق سچل تھانے کے علاقے سپرہائیوے پر واقع براق پیٹرول پمپ سچل موڑ کے قریب نامعلوم مسلح ملزمان کی فائرنگ سے بچے سمیت 2 افراد شدید زخمی ہو گئے جنہیں فوری طور پرچھیپا ایمبولنس کے ذریعے اسپارکو روڈ پرواقع ڈاؤ اسپتال منتقل کیا گیا جہاں فائرنگ سے شدید زخمی ہونے والے بچے کے جاں بحق ہونے والے بچے کی تصدیق کردی گئی۔
جاں بحق بچے کی شناخت 12 سالہ حسنین ولد محمد قاسم اورزخمی کی شناخت 55 سالہ علی اصغر ولد حاجی بخش کے نام سے کی گئی فائرنگ سے جاں بحق بچہ اورزخمی شخص چچا بھیجا ہیں اوراندرون سندھ دادو کے رہائشی ہیں۔
ایس ایس پی ایسٹ ڈاکٹر فرخ رضا کا کہنا ہے کہ ابتدائی معلومات کے مطابق چھینا جھپٹی کرتے ہوئے فائرنگ ہوئی جس میں 2 اشخاص شدید زخمی ہوئے۔
اسپتال ذرائع ایک شدید زخمی بچے کے جابحق ہونے کی تصدیق کررہے ہیں ایس ایچ او سچل حسب ضابطہ معاملات کی پڑتال کررہے ہیں اور ملزمان کو گرفتار کرتے ہوئے کیفرکردار تک پہنچائیں گے۔
رابطہ کرنے پر ایس ایچ او سچل امین کھوسو نے بتایا کہ فائرنگ سے جاں بحق و زخمی چچھا بھتیجا سہراب گوٹھ سے حیدر آباد جانے والے سپر ہائیوے پر براق پیٹرول پمپ سچل موڑ کے قریب سڑک کنارے درختوں کے نیچے بیٹھے ہوئے تھے کہ اسی دوران موٹر سائیکل سوار 2 مسلح ملزمان ڈکیتی کی نیت سے ان کے پاس آکر رکے تو چچا نے اپنا اسلحہ نکال لیا جس پرنامعلوم مسلح ملزمان نے فائرنگ کردی۔
چچا کی جانب سے بھی فائرنگ کی گئی، 2 طرفہ فائرنگ کے نتیجے میں چچا بھیجا زخمی ہوگئے جب کہ مسلح ملزمان بھی زخمی حالت میں موقع پر سے فرارہوئے۔
زخمی چچا بھتیجے کو فوری طور پر قریبی اسپتال منقتل کیا گیا جہاں فائرنگ سے شدید زخمی ہونے والا 12 سالہ حسنین ولد محمد قاسم جانبر نہ ہوسکا۔
انھوں نے بتایاکہ فائرنگ کا واقعہ ڈکیتی کی واردات کے دوران مزاحمت پر پیش آیا ہے،پولیس زخمی حالت میں موقع پر سے فرار ہونے والے ملزمان کی گرفتاری کے لیے چھاپے مار رہی ہے۔
ملزمان جلد قانون کی گرفت میں ہوںگے ،ادھرنیوکراچی تھانے کے نارتھ کراچی اللہ والی مسجد کے قریب ڈکیتی کی واردات کے دوران مزاحمت پرمسلح ملزمان کی فائرنگ سے 35 سالہ نجم نواز ولد حق نواز زخمی ہوگیا جسے فوری طور پرعباسی شہید اسپتال منتقل کردیا گیا۔
پولیس نے واقعے کی تفتیش شروع کردی۔رواں سال شہرقائد میں ڈکیتی مزاحمت پرجاں بحق ہونے والے شہریوں کی تعداد 76 ہوگئی ۔
جیولین تھرور ارشد ندیم ٹریننگ کیلئے گراؤنڈ میں لوٹ آئے