آصفہ بھٹو کی زیرصدارت اجلاس، عوامی رابطہ مہم پر تبادلہ خیال
اشاعت کی تاریخ: 4th, May 2025 GMT
ویب ڈیسک : خاتون اول اور رکن قومی اسمبلی آصفہ بھٹو زرداری اور پی پی پی شعبہ خواتین کی مرکزی صدر فریال تالپور کی سربراہی میں زرداری ہاؤس میں اجلاس ہوا، پیپلزپارٹی سندھ کے صدر نثار کھوڑو، جنرل سیکرٹری وقار مہدی اور سیکرٹری اطلاعات عاجز دھامرا بھی اجلاس میں شریک ہوئے،اجلاس میں سندھ حکومت کے وزرا، بی بی عذرا پیچوہو، ضیاء لنجار، حاجی علی حسن زرداری، شاہد عبدالسلام تھہیم ودیگر بھی موجود تھے۔
پی ایس ایل 10: لاہور قلندرز اور کراچی کنگز میں آج جوڑ پڑے گا
اجلاس میں ملک کی مجموعی سیاسی صورت حال سمیت سندھ میں پیپلزپارٹی کی عوامی رابطہ مہم پر تبادلہ خیال ہوا،اجلاس کے اراکین نے آصفہ بھٹو زرداری اور فریال تالپور کو نو مئی کو نواب شاہ میں ہونے والے جلسے سے متعلق تجاویز دیں۔
آصفہ بھٹو زرداری اور فریال تالپور نے جلسے کے انتظامات کے حوالے سے اراکین پارلیمان، مقامی بلدیاتی نمائندوں اور تنظیمی عہدیداران کو اہم ہدایات جاری کیں،آصفہ بھٹو اور فریال تالپور نے ہدایات دیتے ہوئے کہاکہ ضلع شہید بینظیر آباد کے بھرپور اور کامیاب جلسے کیلئے شہر شہر عوام کو موبلائز کریں، ان کاکہناتھا کہ ضلع شہید بینظیرآباد میں ہونے والے جلسے سے چیئرمین بلاول بھٹو زرداری کا اہم تاریخی خطاب ہوگا۔
9سالہ بچی کے ساتھ زیادتی کی کوشش کرنے والا ملزم عمر گرفتار
اراکین قومی اسمبلی سید غلام مصطفی شاہ، سید ابرار شاہ، ذوالفقار علی بیھن، صلاح الدین جونیجو بھی اجلاس میں شریک ہوئے،اجلاس میں اراکین سندھ اسمبلی سہیل سیال، غلام قادر چانڈیو، ڈاکٹر بہادر ڈاہری، جاوید اقبال آرائیں، سید حسن علی شاہ، سید سرفراز حسین شاہ، ممتاز چانڈیو، جام شبیر اور پارس ڈیرو بھی موجود تھے،شگفتہ جمانی، ڈاکٹر مہرین بھٹو، جاوید نایاب لغاری، منصور شاہانی، ڈاکٹر لال چند اکرانی، قاضی رشید بھٹی، علی اکبر جمالی بھی اجلاس میں شریک ہوئے، اجلاس میں سالم زرداری، سید علی حیدر شاہ، خان بہادر بھٹی، سید عاطف زیدی، سہیل عباسی، علی حسن ہنگورو، نوید ڈیرو، جہانگیر جونیجو، سید ریاض شاہ، مسرور راجپر اور نعمان شیخ نے بھی شرکت کی۔
بانی پی ٹی آئی آج بھی مقبول لیڈر ہیں:مسرت چیمہ
.ذریعہ: City 42
کلیدی لفظ: فریال تالپور بھٹو زرداری اجلاس میں
پڑھیں:
فیلڈ مارشل عاصم منیر اور صدر ٹرمپ کی ملاقات مثبت پیش رفت ہے: بلاول بھٹو زرداری
—فائل فوٹوزپاکستان پیپلز پارٹی کے چیئرمین بلاول بھٹو زرداری کا کہنا ہے کہ آج پاکستان کے چیف آف آرمی اسٹاف فیلڈ مارشل عاصم منیر امریکی صدر ڈونلڈ ٹرمپ سے ظہرانے پر ملاقات کریں گے۔
پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ایکس پر اپنے پیغام میں کہا ہے کہ فیلڈ مارشل عاصم منیر اور صدر ٹرمپ کی یہ ملاقات جنگ بندی کی امریکی کوششوں کے تناظر میں پاک امریکا تعلقات میں ایک مثبت پیش رفت ہے۔
ان کا کہنا ہے کہ حال ہی میں ہونے والی 5 روزہ جنگ میں پاکستان کی فیصلہ کن فتح کے بعد بھارت نے افسوس ناک طور پر مستقل امن کی طرف تمام کوششوں کی مخالفت کی ہے۔
چیئرمین بلاول بھٹو زرداری نے کہا کہ پاکستان سے شکست کھانے کے بعد افسوس ناک طور پر بھارت نے امریکا کی سفارتی مداخلت کی بھی مخالفت کی ہے، پاکستان نہ تو تصادم چاہتا ہے اور نہ ہی بھارت سے مکالمے کے لیے بے چین ہے۔
انہوں نے کہا ہے کہ پاکستان سمجھتا ہے کہ امن دونوں ممالک کے مفاد میں ہے، ہمارے تنازعات کا کوئی عسکری حل نہیں ہے، بھارت کی آبی جارحیت، مقبوضہ کشمیر میں ظلم و جبر اور دہشت گردی کو سیاسی مقاصد کے لیے استعمال کرنا ایسے مؤقف ہیں جو زیادہ دیر تک برقرار نہیں رہ سکتے۔
چیئرمین پیپلز پارٹی بلاول بھٹو زرداری نے یہ بھی کہا ہے کہ پاکستان اور بھارت کے تنازع کا مستقبل انکار یا ہٹ دھرمی میں نہیں بلکہ سچ پر مبنی سفارت کاری ہے۔
اسرائیل بغیر امریکی حمایت ایران پر حملہ نہیں کر سکتا: ملیحہ لودھی