راجستھان سرحد پر پاکستان نے جنگی جہاز اور توپ خانے کے یونٹس تعینات کردیئے، بھارتی میڈیا کا دعویٰ
اشاعت کی تاریخ: 5th, May 2025 GMT
بمبئی (اوصاف نیوز) مودی سرکار کی دھمکیوں اور اشتعال انگیزیوں کے تناظر میں پاکستان کسی بھی ممکنہ بھارتی جارحیت کا منہ توڑ جواب دینے کی تیار تو ہے ہی، لیکن بھارت میں پاکستان کے ایک ایک قدم کو مانیٹر کیا جا رہا ہے۔
پاکستان ایئر فورس ایک ہی وقت میں تین بڑی فضائی مشقیں ”فضائے بدر“، ”للکارِ مومن“ اور ”ضربِ حیدری“ جاری رکھے ہوئے ہے، جن میں ایف-16، جے-10 اور جے ایف-17 جیسے جدید لڑاکا طیارے شامل ہیں۔
یہ مشقیں 29 اپریل سے جاری ہیں، اور ان میں سویڈن سے حاصل شدہ سیب (Saab) ایئر بورن وارننگ اینڈ کنٹرول سسٹم (AWACS) طیارے بھی شریک ہیں، جو دشمن کی ہر حرکت پر نظر رکھ رہے ہیں۔
ادھر پاکستان آرمی کے اسٹرائیک کور کے یونٹس بھی اپنی متعلقہ حدود میں بھرپور جنگی تربیت کر رہے ہیں۔
بھارتی میڈیا نے دعویٰ کیا ہے کہ سرحدی علاقوں میں ایئر ڈیفنس یونٹس، جدید ریڈار سسٹمز اور چینی ساختہ SH-15 ہاوٹزر توپیں تعینات کی جا چکی ہیں۔ جو ہر طرح کی بھارتی مہم جوئی کا جواب دینے کے لیے تیار ہیں۔
دعویٰ کیا جارہا ہے کہ پاکستانی فوج نے اپنے ہوائی اڈوں کی حفاظت کے لیے ایئرپورٹ سیکیورٹی فورسز کو بھی متحرک کر دیا ہے جبکہ نیوی کو بھی ہائی الرٹ پر رکھا گیا ہے۔
بھارتی میڈیا کی رپورٹ میں ذرائع کے حوالے سے دعویٰ کیا گیا کہ سیاچن، سیالکوٹ، اور فاضلکہ کے علاقوں میں ریڈار اور الیکٹرانک وارفیئر سسٹمز کی صف بندی مکمل کر لی گئی ہے تاکہ دشمن کی فضائی یا زمینی پیش قدمی کا بروقت پتہ چلایا جا سکے۔
دعویٰ کیا جارہا ہے کہ پاکستانی فوج نے بھارت کے ساتھ سرحد پر اپنی عسکری موجودگی میں اضافہ جاری رکھا ہے، اور اگلی صفوں میں فضائی دفاع اور توپ خانے کے یونٹس تعینات کر دیے ہیں۔ ساتھ ہی کہا گیا کہ راجستھان کے ضلع بَرمیڑ کے لونگے والا سیکٹر کے قریب جدید ریڈار سسٹمز اور فضائی دفاعی ہتھیاروں کے نظام بھی نصب کیے جا چکے ہیں۔
بھارتی قیادت کو یہ بات سمجھ لینی چاہیے کہ پاکستان نہ صرف ایٹمی طاقت ہے بلکہ اپنی خودمختاری اور سلامتی کا تحفظ کرنا بخوبی جانتا ہے۔ اگر بھارت نے مہم جوئی کی حماقت کی، تو اس کا خمیازہ اسے نہ صرف سرحد پر بلکہ عالمی سطح پر بھی بھگتنا پڑے گا۔
تیسری بار صدارتی امیدوار،امریکی صدر ٹرمپ کا الیکشن لڑنے سے انکار، جے ڈی وینس کا نام دیدیا
ذریعہ
ذریعہ: Daily Ausaf
پڑھیں:
معروف میکسیکن انفلوئنسر گھر میں مردہ پائی گئیں، قتل کا شبہ
میکسیکو کی معروف سوشل میڈیا انفلوئنسر پاؤلا مارکیز اپنے گھر میں مردہ حالت میں پائی گئی ہیں، جس کے بعد پولیس نے واقعے کی تحقیقات شروع کر دی ہیں۔
غیر ملکی میڈیا رپورٹس کے مطابق 30 سالہ پاؤلا مارکیز کی لاش 30 مئی کو ان کے گھر کے اندر سے اس وقت برآمد ہوئی جب ایک اہلِ خانہ نے انہیں بے ہوش حالت میں پایا۔ بعد ازاں طبی عملے نے موقع پر ہی ان کی موت کی تصدیق کر دی۔
ابتدائی تحقیقات میں پولیس مختلف پہلوؤں کا جائزہ لے رہی ہے جن میں خودکشی اور ممکنہ قتل دونوں امکانات شامل ہیں۔ حکام کا کہنا ہے کہ حتمی نتیجے تک پہنچنے کے لیے تمام شواہد کا باریک بینی سے تجزیہ کیا جا رہا ہے۔
غیر ملکی میڈیا کے مطابق پاؤلا مارکیز سوشل میڈیا پر خاصی مقبول تھیں اور مختلف پلیٹ فارمز پر ان کے فالوورز کی تعداد 20 لاکھ سے زائد تھی۔ وہ زیادہ تر لائف اسٹائل، سفر اور پرتعیش زندگی سے متعلق مواد شیئر کرتی تھیں۔
ان کی ایک حالیہ ٹک ٹاک ویڈیو بھی سامنے آئی ہے جس میں انہوں نے اپنی زندگی سے متعلق مایوس کن انداز میں گفتگو کی تھی۔ ویڈیو میں ان کا کہنا تھا کہ ’’میں نے جو کچھ چاہا وہ مانگا، لیکن شاید الٹا مانگا، کیونکہ جو تھوڑا بہت میرے پاس تھا وہ بھی ہاتھ سے نکل رہا ہے۔‘‘
افسوسناک خبر کے بعد ان کے والد ہیرکولیس مارکیز بالڈیرس نے فیس بک پر جذباتی پیغام میں اپنی بیٹی کو خراجِ عقیدت پیش کیا۔ انہوں نے لکھا کہ ان کی ’’پیارا بیٹی پاؤلا اب اس دنیا میں نہیں رہی‘‘ اور وہ دعا گو ہیں کہ اللہ انہیں بہترین مقام عطا کرے۔
والد کی پوسٹ پر صارفین کی جانب سے تعزیتی پیغامات کا سلسلہ بھی جاری رہا، جہاں مداحوں اور قریبی افراد نے اہلِ خانہ سے ہمدردی اور صبر کی دعا کی۔ بعد ازاں اہلِ خانہ نے تصدیق کی کہ پاؤلا مارکیز کی آخری رسومات یکم جون کو سان لوئیس پوٹوسی کے علاقے ہویچی ہوان میں ادا کی گئیں۔
پاؤلا مارکیز نے اپنی سوشل میڈیا پوسٹوں میں دنیا بھر کے سفر، لگژری ٹرپس اور ایونٹس کی جھلکیاں شیئر کرکے بڑی شہرت حاصل کی تھی۔ ان کے انسٹاگرام بائیو میں درج ایک جملہ ’’انسٹاگرام اصل زندگی نہیں ہے‘‘ بھی ان کی سوچ کی عکاسی کرتا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ