’قرآن میرے سرہانے رہتا ہے، روحانی سکون کا ذریعہ ہے‘، ہالی ووڈ اداکار کا انکشاف
اشاعت کی تاریخ: 5th, May 2025 GMT
لاس اینجلس (شوبز ڈیسک)نیٹ فلکس کی مشہور سیریز ’یو‘ میں جو گولڈبرگ کا کردار ادا کرنے والے امریکی اداکار پین بیجلی نے حالیہ انٹرویو میں اپنی روحانی زندگی کے متعلق دلچسپ اور متاثر کن انکشافات کیے ہیں۔
معروف جریدے یو ایس اے ٹوڈے سے گفتگو کرتے ہوئے بیجلی نے بتایا کہ وہ روزمرہ کی زندگی کے دباؤ سے نمٹنے کے لیے روحانیت کو اپنا سہارا بناتے ہیں۔
اداکار نے انکشاف کیا کہ ان کی بیڈ سائیڈ پر قرآن پاک ہر وقت موجود ہوتا ہے، اور وہ اکثر اس کی آیات کا مطالعہ کرتے ہیں اور ان پر غور و فکر کرتے ہیں۔
پین بیجلی کا کہنا تھا کہ وہ صرف قرآن ہی نہیں بلکہ مختلف مذاہب کی روحانی کتابیں بھی پڑھتے ہیں تاکہ اپنی روح اور دل کو سکون فراہم کر سکیں۔ ان کا ماننا ہے کہ یہ مطالعہ انہیں زندگی کی گہرائی، مقصد اور توازن کا احساس دلاتا ہے۔
انہوں نے مزید بتایا کہ ان کے روزمرہ معمولات میں بہائی مذہب کی معروف ’لانگ اوبلیگیٹری پریئر‘ یعنی طویل فرض نماز بھی شامل ہے، جسے وہ زبانی یاد کر چکے ہیں اور ہر دن کے آغاز میں ضرور پڑھتے ہیں، چاہے ان کا شیڈول کتنا ہی مصروف کیوں نہ ہو۔
پین بیجلی نے کہا، ’’صبح کے وقت بچوں، کام اور دیگر ذمہ داریوں کے باعث وقت نکالنا مشکل ہوتا ہے، مگر میں روزانہ کم از کم 15 سے 20 منٹ روحانی مراقبے یا عبادت کے لیے ضرور نکالتا ہوں۔ یہی چند لمحے میرے لیے سکون اور زندگی کے اصل مقصد کی یاد دہانی بن جاتے ہیں۔‘‘
View this post on InstagramA post shared by Business Buzz (@businessbuzzofficial)
مزیدپڑھیں:غیر ملکی اسپانسرڈ دہشتگردی بلوچستان کی سلامتی و ترقی کیلئے بڑا خطرہ ہے، آرمی چیف
ذریعہ: Daily Ausaf
پڑھیں:
دودھ کی قیمتوں میں اضافہ ، بڑا انکشاف سامنے آگیا
دودھ کی قیمتوں میں اضافے کی تحقیقات میں تینوں ڈیری ایسوسی ایشنز کے براہ راست ملوث ہونے کا انکشاف ہوا، مہنگے داموں بیچنے کے لیے دودھ کو آئس فیکٹریوں میں ذخیرہ بھی کیا جاتا۔
تفصیلات کے مطابق کمپٹیشن اپیلٹ ٹربیونل نے کراچی ڈیری فارمر ایسوسی ایشنز کے عہدیداران کی اپیل پر فیصلہ سنا دیا اور ڈیری ایسوسی ایشنز کو گٹھ جوڑ سے باز رہنے کا حکم دے دیا
ٹربیونل نے بتایا کہ کراچی کی تینوں ایسوسی ایشنز کے عہدیداران تحریری یقین دہانی جمع کرائیں جبکہ عہدایداران کی درخواست پر عائد جرمانوں میں کمی کردی اور عہدیداران کو ڈیڑھ لاکھ روپے فی کس جرمانہ ادا کرنے کا حکم دیا۔
کمیشن نے بتایا کہ کمپٹیشن کمیشن نے گزشتہ برس کراچی میں دودھ کی قیمتوں میں اضافے پر تحقیقات کا آغاز کیا، کراچی کی تینوں ڈیری ایسوسی ایشنز قیمتوں میں اضافے میں براہ راست ملوث پائی گئیں، مہنگے داموں بیچنے کے لیے دودھ کو آئس فیکٹریوں میں ذخیرہ بھی کیا جاتا۔
کمپٹیشن کمیشن نے ایسوسی ایشنز کے عہدیداران پر 10 اور 5 لاکھ روپے کے جرمانے عائد کیے اور کہا بزنس ایسوسی ایشنز تجارتی لحاظ سے حساس معلومات کے اشتراک کا ذریعہ نہ بنیں، کاروباری ادارے اور ایسوسی ایشنز مسابقت مخالف اقدامات کی سہولت کاری سے باز رہیں۔
عوامی تعاون کے بغیر پائیدار تبدیلی ممکن نہیں: شرجیل میمن