صدر مملکت سے ایرانی وزیر خارجہ کی ملاقات، علاقائی صورتحال پر گفتگو
اشاعت کی تاریخ: 5th, May 2025 GMT
تصویر سوشل میڈیا۔
صدر مملکت آصف زرداری سے ایران کے وزیر خارجہ سید عباس عراقچی نے ملاقات کی۔
ایوان صدر کے ترجمان کے مطابق اس موقع پر دو طرفہ اور باہمی دلچسپی کے امور پر بات چیت کی گئی۔ ملاقات میں پہلگام واقعہ کے بعد پاک بھارت جاری کشیدگی پر تبادلہ خیال کیا گیا۔
ایوان صدر کے ترجمان کے مطابق ملاقات میں علاقائی صورتحال پر بھی تبادلہ خیال کیا گیا، صدر مملکت نے خطے میں امن کے لیے مل کر کام کرنے کی اہمیت پر زور دیا۔
ایرانی وزیر خارجہ نے کہا موجودہ صورتحال پر پاکستان کا موقف سمجھتے ہیں، ایرانی وزیر خارجہ نے کشیدگی کم کرنے کےلیے فریقین پر تحمل کا مظاہرہ کرنے پر زور دیا۔
ایرانی وزیر خارجہ کا مزید کہنا تھا کہ ایران پاکستان کے ساتھ تعلقات کو اہمیت دیتا ہے اور باہمی تعلقات مزید مضبوط بنانے کا خواہاں ہے۔
ایوان صدر کے ترجمان کے مطابق ایرانی وزیر خارجہ نے دو طرفہ تجارت بڑھانے کی ضرورت پر بھی زور دیا۔
ترجمان کے مطابق ملاقات میں افغانستان کی صورتحال پر بھی تبادلہ خیال کیا گیا، ایرانی وزیر خارجہ نے خطے کے معاملات پر پاکستان سے مل کر کام کرنے کی یقین دہانی کرائی۔
صدر مملکت نے کہا کہ بھارت کے جارحانہ اقدامات سے علاقائی امن و استحکام کو خطرہ ہے۔
ایوان صدر کے ترجمان کے مطابق ملاقات میں فریقین نے غزہ کی صورتحال پر بھی تبادلہ خیال کیا۔
.
ذریعہ
ذریعہ: Jang News
کلیدی لفظ: ایوان صدر کے ترجمان کے مطابق ایرانی وزیر خارجہ نے تبادلہ خیال کیا صورتحال پر ملاقات میں صدر مملکت پر بھی
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
پاکستان نے ورلڈ کپ 2028 کیلیے براہ راست کوالیفائی کر لیا