پی ایس ایل 10: احمد دانیال نے مین آف دی میچ کا ایوارڈ والد کے نام کر دیا
اشاعت کی تاریخ: 6th, May 2025 GMT
ایچ بی ایل پی ایس ایل 10 کے 26ویں میچ میں پشاور زلمی کے آل راؤنڈر احمد دانیال نے شاندار کارکردگی کا مظاہرہ کرتے ہوئے مین آف دی میچ کا ایوارڈ جیتا، جو انہوں نے اپنے مرحوم والد کے نام کر دیا میچ کے بعد اپنے ویڈیو پیغام میں احمد دانیال نے جذباتی انداز میں کہا کہ ’’میں نے اس لمحے کے لیے چار سال انتظار کیا، یہ پی ایس ایل میں میرا پہلا مین آف دی میچ ایوارڈ ہے، جو میں اپنے والد کے نام کرتا ہوں کیونکہ ان کی زندگی میں میں کرکٹر نہیں بن سکا۔‘‘ پشاور زلمی نے اس میچ میں ملتان سلطانز کو با آسانی 7 وکٹوں سے شکست دی۔ سلطانز کی پوری ٹیم زلمی کے باؤلرز کی نپی تلی کارکردگی کے باعث صرف 108 رنز پر 19.
ذریعہ: Nawaiwaqt
پڑھیں:
ایشیا کپ: افغانستان کے خلاف میچ کے دوران سری لنکن کرکٹر کے والد انتقال کر گئے
ایشیا کپ 2025 کے گروپ بی کے میچ کے دوران سری لنکا کے نوجوان آل راؤنڈر دونیتھ وللاگے ذاتی سانحے سے دوچار ہو گئے۔
افغانستان کے خلاف میچ جاری تھا کہ ان کے والد سرانگا وللاگے دل کا دورہ پڑنے سے انتقال کر گئے۔
اطلاعات کے مطابق دونیتھ کو والد کے انتقال کی اطلاع میچ ختم ہونے کے بعد دی گئی۔
سوشل میڈیا پر سامنے آنے والی ایک ویڈیو میں سری لنکا کے ہیڈ کوچ اور سابق کپتان سنتھ جے سوریا کو وللاگے کو یہ افسوسناک خبر سناتے اور تسلی دیتے دیکھا جا سکتا ہے۔
کمنٹری کے دوران سابق کرکٹر رسل آرنلڈ نے انکشاف کیا کہ سرانگا وللاگے بھی اسکول کرکٹ کے معروف کھلاڑی تھے اور انہوں نے پرنس آف ویلز کالج کی قیادت کی تھی۔
رسل آرنلڈ کا کہنا تھا ’یہ خبر انتہائی افسوسناک ہے، دونیتھ کو ابھی کچھ دیر پہلے بتایا گیا ہے۔ ہماری تعزیت ان کے خاندان کے ساتھ ہے۔ ٹیم کا ماحول بہت جُڑا ہوا ہے، امید ہے یہ دکھ ان سب کو مزید قریب لائے گا اور ٹیم کو سپر فور مرحلے میں بہتر کھیلنے کا حوصلہ دے گا۔‘
کرکٹ کے اعتبار سے دونیتھ کا میچ یادگار نہ رہا۔ انہوں نے 4 اوورز میں 49 رنز دیے اور صرف ایک وکٹ حاصل کی۔ ان پر محمد نبی نے ایک اوور میں پانچ چھکے بھی لگائے۔ تاہم، افغانستان کی شاندار کوششوں کے باوجود جیت سری لنکا کے حصے میں آئی۔
مرحوم سرانگا وللاگے قومی ٹیم کی نمائندگی تو نہ کر سکے، مگر اسکول کرکٹ میں ان کا نام نمایاں تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ دونیتھ وللاگے سری لنکن کرکٹر
چین میں سفید بال سیاہ کرنے کا انقلابی طبّی طریقہ ایجاد