بھارتی جارحیت کا منہ توڑ جواب دیا ہے، عطا تارڑ
اشاعت کی تاریخ: 7th, May 2025 GMT
وزیر اطلاعات عطا تارڑ نے کہا ہے کہ پاکستان نے بھارتی جارحیت کا منہ توڑ جواب دیا ہے، ہم نے بھارتی ڈرون اور متعدد کواڈ کاپٹر مار گرائے ہیں۔
بین الاقوامی میڈیا کو انٹرویو دیتے ہوئے وزیر اطلاعات عطا تارڑ نے کہا کہ ہم پوری طرح تیار تھے، اس لیے بھارت کو فوری جواب دیا۔
عطا تارڑ نے بتایا کہ پاکستان نے بھارت کے دو طیارے مار گرائے ہیں۔
انہوں نے کہا کہ پاکستان اپنےدفاع کا مکمل حق رکھتا ہے، بھارت نے شہری آبادی کو نشانہ بنایا ہے۔
وفاقی وزیر کا مزید کہنا تھا کہ بھارت کے پاس پہلگام حملے کا کوئی ثبوت نہیں ہے۔
.ذریعہ: Jang News
کلیدی لفظ: عطا تارڑ
پڑھیں:
پاکستان نے بھارتی طیاروں کے لیے فضائی حدود کی بندش میں ایک ماہ کی توسیع کر دی
اسلام آباد: پاکستان نے بھارتی رجسٹرڈ طیاروں کے لیے اپنی فضائی حدود کی بندش میں مزید ایک ماہ کی توسیع کرتے ہوئے اب یہ پابندی 24 اکتوبر 2025 تک نافذ کر دی ہے۔
پاکستان ایوی ایشن اتھارٹی (پی اے اے) کے ترجمان سیف اللہ خان نے تصدیق کی ہے کہ یہ فیصلہ بھارت کی جانب سے مقبوضہ کشمیر میں 26 سیاحوں کی ہلاکت کے بعد کیے گئے اقدامات کے ردعمل میں کیا گیا ہے۔ یاد رہے کہ بھارت نے 23 اپریل کو سندھ طاس معاہدہ معطل کرنے کا اعلان کیا تھا، جس کے فوری بعد پاکستان نے بھارتی طیاروں کے لیے فضائی حدود بند کرنے سمیت تجارت اور سرحدی آمد و رفت بھی معطل کر دی تھی۔
ترجمان کے مطابق یہ پابندی ان تمام بھارتی رجسٹرڈ طیاروں پر لاگو ہوگی، چاہے وہ بھارتی ایئرلائنز یا کسی آپریٹر کے زیر انتظام ہوں، فوجی پروازیں بھی اس میں شامل ہیں۔
ڈان نیوز کو حاصل “نوٹم” (NOTAM) کی کاپی میں بھی اس فیصلے کی تصدیق کی گئی ہے۔ اس نوٹم کے مطابق:
’’پاکستانی فضائی حدود بھارتی طیاروں کے لیے 19 ستمبر 2025 کو دوپہر 1 بجے سے بند رہے گی، اور یہ بندش 24 اکتوبر 2025 کی صبح 4:59 بجے تک مؤثر رہے گی۔‘‘
یہ مسلسل پانچواں مہینہ ہے کہ پاکستان نے بھارتی طیاروں کے لیے اپنی فضائی حدود بند رکھی ہے، اور ہر ماہ اس میں توسیع کی جاتی رہی ہے:
پہلی بار توسیع: 23 مئی
دوسری بار: 23 جون
تیسری بار: 24 اگست
چوتھی بار: 23 ستمبر
اب: 24 اکتوبر تک
پی اے اے کے مطابق یہ ایک واضح پالیسی فیصلہ ہے جو نہ صرف بھارت کے جارحانہ اقدامات کے جواب میں کیا گیا ہے، بلکہ پاکستان کے سفارتی اور قومی سلامتی کے اصولوں کی روشنی میں جاری رکھا جا رہا ہے۔
Post Views: 2
سی پیک کو روک کر پاکستان کے معاشی راستے کو روکا جا رہا ہے، مولانا فضل الرحمان