لاہور: گورنر ہاؤس کے ملازم اور اس کی ماں کے ساتھ لوٹ مار، بزرگ خاتون سڑک پر گر کر جاں بحق
اشاعت کی تاریخ: 7th, May 2025 GMT
لاہور میں ڈاکوؤں نے گورنر ہاؤس کے ڈسپنسری ملازم اور اس کی ماں سے لوٹ مار کی جس دوران مزاحمت پر بزرگ خاتون سڑک پر گر کر جاں بحق ہوگئی۔پولیس کے مطابق گورنر ہاؤس کا ڈسپنسری ملازم معین اپنی والدہ کے ساتھ بینک سے رقم لے کر سندر داس روڈ پر زمان پارک کےقریب پہنچا تو موٹر سائیکل پر سوار 2 ڈاکوؤں نے انہیں گھیر لیا۔پولیس نے بتایا کہ ملزمان نے ماں سے پرس چھیننے کی کوشش کی، معین کی والدہ 62 سالہ سلمٰی بیگم نے مزاحمت کی تو چھینا جھپٹی میں خاتون سڑک پر گر کر زخمی ہوگئی اور ڈاکو پرس لے کر فرار ہو گئے جب کہ خاتون کو اسپتال لے جایا گیا مگر وہ جانبر نہ ہو سکی۔پولیس کے مطابق ڈکیتی کا مقدمہ درج کرکے ملزمان کی تلاش شروع کردی گئی ہے۔دوسری جانب اقبال ٹاؤن میں بھی ڈاکوؤں نے دن دیہاڑے 2 شہریوں کو لوٹ لیا جس کی سی سی ٹی وی فوٹیج بھی سامنے آئی۔ فوٹیج میں دیکھا گیا کہ موٹر سائیکل سوار 2 ڈاکوؤں نے گھر کے باہر کھڑے افراد سے موبائل فون اورپرس چھین لیا اورموٹر سائیکل کی چابی بھی ساتھ لے گئے جب کہ ڈاکو شہریوں کو اسلحہ دکھا کر جان سے مارنے کی دھمکی دیتے رہے۔ پولیس نے اس واقعے کا مقدمہ بھی درج کر لیا تاہم کوئی ملزم گرفتار نہیں ہو سکا۔
.ذریعہ: Nawaiwaqt
کلیدی لفظ: ڈاکوؤں نے
پڑھیں:
غیرت کے نام پر ایک اور شادی شدہ خاتون قتل
’جیو نیوز‘ گریبغیر ت کے نام پر ایک اور شادی شدہ خاتون کی جان لے لی گئی۔
بہاولپور کے علاقے تلہڑ میں خاتون کو شوہر، سسر اور دیور نے قتل کر دیا۔
ملزمان تدفین کر رہے تھے کہ پولیس موقع پر پہنچ گئی۔
پولیس کی مدعیت میں ملزمان کے خلاف مقدمہ درج کر کے 3 ملزمان کو گرفتار کر لیا گیا۔
واضح رہے کہ 17 جولائی کو جرگے کے حکم پر شادی شدہ خاتون کو گلا دبا کر قتل کیا گیا تھا۔
کسی عالمی رہنما نے بھارت کو جنگ روکنے کیلئے نہیں کہا