بھارت کے 70 سے 80 جیٹ فائٹرز نے پاکستان پر حملے میں حصہ لیا، اسحاق ڈار
اشاعت کی تاریخ: 7th, May 2025 GMT
نائب وزیراعظم و وزیر خارجہ اسحاق ڈار نے کہا ہے بھارت کے 70 سے 80 جیٹ فائٹرز نے پاکستان پر حملے میں حصہ لیا، ہم نے تحمل سے کام لیتے ہوئے صرف اس بھارتی طیارے کو نشانہ بنایا جس نے ہم پر حملہ کیا، بھارت کے 5 جیٹ فائٹرز اور 2 ڈرونز گرائے گئے۔
یہ بھی پڑھیں: وزیر خارجہ اسحاق ڈار کی سوئس ہم منصب سے ٹیلی فونک گفتگو، بھارتی پروپیگنڈے سے آگاہ کردیا
قومی اسمبلی اجلاس میں اظہار خیال کرتے ہوئے وزیر خارجہ اسحاق ڈار نے کہا کہ میں سمجھتا ہوں کہ ہم نے پوری دنیا کے ساتھ جو کمٹمنٹ تھی کہ ہم پہل نہیں کریں گے، وہ ہم نے کردکھائی تاہم کل بھارت نے جو مذموم کوشش کی جس میں بھارت کے 70 سے 80 جیٹ فائٹرز نے پاکستان پر حملے میں حصہ لیا، لائن آف کنٹرول اور پاکستانی سرحدوں پر تقریباً ایک گھنٹے تک دونوں اطراف جنگ جاری رہی۔
نائب وزیراعظم کا کہنا تھا کہ ہم نے پھر بھی تحمل سے کام لیتے ہوئے بھارت کے صرف اس جیٹ فائٹر کو نشانہ بنایا جس نے ہم پر حملہ کیا، پاکستان کی جانب سے بھارت کے 5 جیٹ فائٹرز اور 2 ڈرونز گرائے گئے، اگر ہماری ایئرفورس کو مکمل اجازت ہوتی کہ فری فار آل جس کو مرضی گرادیں تو شاید یہ 5 کے بجائے تعداد زیادہ ہوتی، بھارت نے جو بھی کیا وہ عالمی قوانین کی خلاف ورزی ہے۔
یہ بھی پڑھیں: نائب وزیراعظم اسحاق ڈار کا اماراتی ہم منصب سے ٹیلیفونک رابطہ، پاک بھارت کشیدگی پر گفتگو
اسحاق ڈار نے کہا کہ اسحاق ڈار نے کہا کہ بھارت کا آبی ذخائر پر حملہ سب سے سنگین خلاف ورزی ہے، اقوام متحدہ اور سیکیورٹی کونسل کو تمام حقائق سے آگاہ کردیا گیا ہے، بھارتی قونصل جنرل کو طلب کر کے ڈیمارش کیا ہے، ہم امریکا سمیت تمام ممالک سے رابطے میں ہیں۔
ان کا کہنا تھا کہ پاکستان پہلگام واقعے کی آزادانہ تحقیقات کی پیشکش کر چکا ہے، جس کا بھارت کی جانب سے اب تک مثبت جواب نہیں ملا، اگر ہمارے ہاتھ صاف نہ ہوتے ہو ہم یہ آزادانہ تحقیقات کی پیشکش نہ کرتے،پاکستان کو بھارت پر برتری حاصل ہے، ہم نے پہل بھی نہیں کی اور حملہ بھی نہیں کیا۔
یہ بھی پڑھیں: نائب وزیراعظم اسحاق ڈار سے اطالوی وزیر داخلہ کی ملاقات، بھارتی جارحیت پر اظہارِ تشویش
انہوں نے کہا کہ بھارتی طیارے پے لوڈ پھینک چکے تھے جس کے بعد انہیں گرایا گیا، بھارت نے جتنا پلواما کی طرح معاملہ بڑھا چڑھا دیا تھا شاید ان کو یہ کرنا تھا، بھارت کے ایک ارب ڈالرز کے تو طیارے ہم نے مار گرائے ہیں، پہلے بھی کہا تھا کہ بھارت کو ترکی بہ ترکی جواب دیں گے، پہلے بھی کہا تھا بھارت نے حملہ کیا تو اینٹ کا جواب پتھر سے دیں گے۔
ان کا کہنا تھا کہ بہادر افواج پاکستان نے پاکستان کی قوم کا سر فخر سے بلند کیا ہے، رات کو ہی ہم نے اقوام متحدہ کی سیکیورٹی کونسل کے سربراہ کو خط بھجوایا کہ 5 مئی کو اجلاس ہوا لیکن اس کے باوجود بین الاقوامی قوانین کی خلاف ورزی کرتے ہوئے بھارت نے شہریوں کو نشانہ بنایا، جس کے نتیجے میں 26 لوگ شہید ہوئے اور 46 لوگ زخمی ہوئے ہیں۔
یہ بھی پڑھیں: بھارت کابزدلانہ حملہ: ریاستی سرپرستی میں دہشتگردی اقوام عالم کےلیےخطرہ بن گئی
اسحاق ڈار نے بتایا کہ بھارت نے ہائیڈرو پاور نیلم جہلم منصوبے کو نشانہ بنایا، حالانکہ اس حوالے سے عالمی قوانین موجود ہیں کہ حالت جنگ میں بھی پانی کے منصوبوں کو ٹارگٹ نہیں کیا جاسکتا، ہمارے جن جیٹ طیاروں نے بھارتی رافیل طیارے گرائے ہیں، ہمارے جے 10 سی طیارے تھے جو چین کے اشتراک سے بنائے گئے ہیں۔
ان کا کہنا تھا کہ کچھ لوگ رافیل طیاروں پر تنقید کررہے ہیں، سوشل میڈیا پر ایک پوسٹ میں دیکھا کہ فرانسیسی کہہ رہے ہیں کہ ہمارے طیاروں کی مشین تو بہت بہترین اور پاور فل ہے دراصل بھارتی پائلٹ نکمے تھے جو صحیح طریقے سے نہیں لڑسکے، پاک فضائیہ نے بھارت کا رافیل طیاروں پر تکبر خاک میں ملا دیا اور بھارتی طیارے گراکر قوم کا سر فخر سے بلند کردیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسحاق ڈار بلاول بھٹو زرداری بھارت پاکستان جنگ نائب وزیراعظم وزیرخارجہ.ذریعہ: WE News
کلیدی لفظ: اسحاق ڈار بلاول بھٹو زرداری بھارت پاکستان اسحاق ڈار نے کہا کو نشانہ بنایا کا کہنا تھا کہ جیٹ فائٹرز نے پاکستان نے کہا کہ بھارت نے کہ بھارت بھارت کے
پڑھیں:
بھارتی وزیر داخلہ کا پاکستان سے سندھ طاس معاہدہ بحال کرنے سے انکار
بھارتی وزیر داخلہ کا پاکستان سے سندھ طاس معاہدہ بحال کرنے سے انکار WhatsAppFacebookTwitter 0 21 June, 2025 سب نیوز
نئی دہلی (سب نیوز )بھارتی وزیر داخلہ امت شاہ نے کہا کہ سندھ طاس معاہدہ کبھی بحال نہیں ہو گا، ہم وہ پانی جو پاکستان جا رہا تھا، نہر بنا کر راجستھان لے جائیں گے، پاکستان کو وہ پانی نہیں ملے گا جو اسے مل رہا تھا۔امت شاہ نے کہا ہے کہ نئی دہلی اسلام آباد کے ساتھ سندھ طاس معاہدہ کبھی بحال نہیں کرے گا اور پاکستان جانے والے پانی کا رخ اندرون ملک استعمال کے لیے موڑ دیا جائے گا۔
ٹائمز آف انڈیا کو انٹرویو امت شاہ نے دعوی کیا کہ پاکستان کو وہ پانی کبھی نہیں ملے گا جو اسے ناجائز طور پر مل رہا تھا۔یاد رہے کہ بین الاقوامی سطح پر متفقہ طور پر تسلیم شدہ قوانین کے تحت پانی پر زیریں علاقوں کا حق ہوتا ہے یعنی ان دریاں کے پانی پر پاکستان کا حق ہے اور یہ پاکستان کے دریا ہیں۔ واضح رہے کہ پاکستان متعدد بار کہہ چکا ہے کہ سندھ طاس معاہدے میں یک طرفہ طور پر دستبرداری کی کوئی گنجائش نہیں اور پاکستان جانے والے دریائی پانی کو روکنا جنگی اقدام تصور کیا جائے گا۔حکومت پنجاب بھارت کی جانب سے معاہدے کو معطل کرنے کے فیصلے کے خلاف بین الاقوامی قانون کے تحت قانونی چارہ جوئی کے امکانات بھی تلاش کر رہی ہے۔
پہلگام میں 26 شہریوں کی اموات کا الزام اسلام آباد پر عائد کرکے انڈیا نے سندھ طاس معاہدے میں اپنی شرکت کو معطل کر دیا تھا، 1960 میں ہونے والا یہ معاہدہ دریائے سندھ کے پانی کے نظام کے استعمال کو کنٹرول کرتا ہے۔نئی دہلی نے پہلگام واقعے کو دہشت گردی قرار دیا تھا جبکہ پاکستان نے اس واقعے میں ملوث ہونے کی تردید کی اور شفاف تحقیقات کی پیشکش بھی کی جس سے بھارت فرار ہو گیا۔بعدازاں بھارت نے اسی واقعہ کو بنیاد بنا کر پاکستان پر جارحانہ حملے کیے جس کا پاکستان نے منہ توڑ جواب دیا تو بھارت نے امریکہ سے درخواست کر کے جنگ بندی کرائی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسینیٹ نے قائمہ کمیٹی خزانہ کی بجٹ سفارشات کثرت رائے سے منظور کرلیں سینیٹ نے قائمہ کمیٹی خزانہ کی بجٹ سفارشات کثرت رائے سے منظور کرلیں مودی سرکار کی ایک اور ناکامی، خودساختہ جنگی کارنامے عالمی سطح پر مسترد اسرائیل کے پاس ایران کی جوہری طاقت مٹانے کی صلاحیت نہیں،ٹرمپ کا انکشاف مسلم ممالک اسرائیل پر موثر پابندیوں کے نفاذ کیلئے اپنی کوششیں تیز کریں، رجب طیب اردوان جلاو گھیراو کیس، بیرسٹر گوہر، عمر ایوب، علی بخاری اور شعیب شاہین بری قومی اسمبلی سیکرٹریٹ کی کفایت شعاری، 3ارب روپے قومی خزانے میں واپسCopyright © 2025, All Rights Reserved
رابطہ کریں ہمارے بارے ہماری ٹیم
بجٹ کے فوری بعد بلدیاتی انتخابات کرائیں گے:عظمیٰ بخاری