کیا پاکستان کے پاس بھارتی طیاروں کو مار گرانے کا کوئی ثبوت ہے؟ معمہ حل، سوال کا جواب مل گیا
اشاعت کی تاریخ: 9th, May 2025 GMT
اسلام آباد (ویب ڈیسک) پاکستان نے بھارتی ہرزہ سرائی کے جواب میں اسی کے ہی طیارے مار گرائے ہیں جس کے بارے میں کچھ ناقدین ثبوت کے بھی بیانات دے رہے ہیں لیکن اب اس بارے میں واضح جواب آگیا ہے اور پاکستان کے پاس ثبوت بھی موجود ہیں۔
نجی ٹی وی چینل سے گفتگو کے دوران وفاقی وزیراطلاعات عطا تارڑ نے بتایا کہ "جب کسی بھی جہاز پر میزائل فائر کرتے ہیں ، ایئر کرافٹ کا ایک میکنزم ہوتا ہے ،مثال کے طور پر آپ ایک جہاز چلارہے ہیں، آپ نے ایک میزائل فائر کیا ہے تو آپ کے جہاز کا جو کمپیوٹرائز سسٹم ہے وہ اس میزائل کو بھی ٹریک کرتا ہے اور آپ کو دکھاتا ہے کہ آپ کا میزائل کہاں تک پہنچا ہے اور جب آپ کا میزائل اپنا ٹارگٹ اچیو کرلیتا ہے تو اس کی بھی نشاندہی ہوتی ہے ۔
پورا خطہ جنگ کے دہانے پر ہے، قومی سلامتی پر ہرگز آنچ نہیں آنے دینگے: محسن نقوی
انہوں نے مزید بتایا کہ یہ سارا جو الیکٹرانک ڈیٹا پاکستان کے پاس اور بہترین طریقے سے موجود ہے اور آپ اگر فائٹر جیٹ کے سیمولیشنز پر بھی جائیں، آپ آن لائن چلے جائیں، کوئی سافٹ ویئر خریدیں یا گیم خرید لیں تو اس کا ڈیٹا ریکارڈ آٹو میٹک ڈیٹا آپ کے پاس ہوتا ہے، یہ تو سادہ سی بات ہے ہر جہاز کے اندر یہ سسٹم موجود ہے تو ہمارے جن جہازوں نے میزائل فائر کر کے ان کے جہاز گرائے ہیں ان کا تمام ڈیٹا، تمام ریکارڈ الیکٹرانکلی ہمارے پاس موجود ہے ،بطور ثبوت بڑے اچھے طریقے سے پڑا ہوا ہے۔
بھارت بوکھلاہٹ کا شکار، بزدل فوج کی سول آبادی پر گولہ باری، 5 پاکستانی شہری شہید
عطا تارڑ کا مزید کہنا تھا کہ یہ بڑی بنیادی باتی ہیں، فوٹیج اور 100 فیصد کلیئر ہے کہ ہم نے successfully ہٹ کیاہے اور باقی دیکھیں میں ان کو یہ کہوں گا کہ ہمارے پاس تو ڈیٹا ہے ، آپ کو یاد ہوگا کہ صبح انڈیا ٹوڈے نے دکھایا تھا کہ تین جہازوں کا ملبہ اٹھارہے ہیں تو ان کا جو بلڈوزر ملبہ اٹھا کر لے کر جارہا ہے ، ان کے تو چینلز مان چکے ہیں اس بات کو تو ثبوت مانگنے والوں کو میں کہوں گا کہ ثبوت ہمارے پاس ہیں ، جب انڈیا خود مان گیا ہے تو اس کے بعد کوئی دوسرا سوال پیدانہیں نا ہوتا۔
بلوچستان اسمبلی کے حلقہ 21 سے متعلق انتخابی عذرداری پر الیکشن کمیشن کو نوٹس جاری
مزید :.
ذریعہ
ذریعہ: Daily Pakistan
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار