دریاؤں اور آبی ذخائر میں پانی کی صورتحال ہے؟
اشاعت کی تاریخ: 10th, May 2025 GMT
—فائل فوٹو
واپڈا نے ملک میں دریاؤں میں پانی کی صورتِ حال سے متعلق رپورٹ جاری کر دی۔
واٹر اینڈ پاور ڈویلپمنٹ اتھارٹی (واپڈا) کے مطابق تربیلا کے مقام پر دریائے سندھ میں پانی کی آمد 1 لاکھ 36 ہزار 300 جبکہ اخراج 70 ہزار کیوسک ہے۔
ترجمان نے بتایا ہے کہ منگلا کے مقام پر دریائے جہلم میں پانی کی آمد 52 ہزار 400، اخراج 32 ہزار کیوسک ہے۔
واٹر اینڈ پاور ڈویلپمنٹ اتھارٹی (واپڈا) نے دریاؤں میں پانی کی صورتِ حال سے متعلق رپورٹ جاری کر دی ہے۔
واپڈا کی جانب سے جاری اعدد و شمار میں بتایا گیا ہے کہ چشمہ بیراج میں پانی کی آمد ایک لاکھ 33 ہزار 500، اخراج، لاکھ 2 ہزار کیوسک ہے۔
ہیڈ مرالہ کےمقام پردریائےچناب میں پانی کی آمد 29 ہزار 700، اخراج 10 ہزار 300 کیوسک ہے۔
نوشہرہ کے مقام پر دریائے کابل میں پانی کی آمد 46 ہزار کیوسک، اخراج 46 ہزار کوسک ہے۔
تربیلا ریزروائر میں آج پانی کی سطح 1456 اشاریہ 40 فٹ، پانی کاذخیرہ 12 لاکھ 89 ایکڑ فٹ ہے۔
منگلا ریزروائر میں آج پانی کی سطح 1141 اشاریہ 20 فٹ،پانی کاذخیرہ 13 لاکھ 77 ہزار ایکڑ فٹ ہے۔
چشمہ ریزروائر میں آج پانی کی سطح 646 اشاریہ 40 فٹ اور پانی کا ذخیرہ 1 لاکھ 89 ہزار ایکڑ فٹ ہے۔
تربیلا ،منگلااورچشمہ ریزوائر میں قابل استعمال پانی کا مجموعی ذخیرہ 28 لاکھ 55 ہزار ایکڑ فٹ ہے۔
.
ذریعہ
ذریعہ: Jang News
کلیدی لفظ: میں پانی کی ا مد ہزار کیوسک کیوسک ہے
پڑھیں:
ایران سے جنگ نے ایک اور مشکل کھڑی کر دی، امریکا کے تیل کے ذخائر 45 سال کی کم ترین سطح پر پہنچ گئے
واشنگٹن:مشرق وسطیٰ میں ایران کے ساتھ بڑھتی ہوئی کشیدگی کے دوران امریکہ کے خام تیل کے ذخائر میں نمایاں کمی ریکارڈ کی گئی ہے جس نے ملکی توانائی کے تحفظ سے متعلق نئے سوالات کھڑے کر دیے ہیں۔
بینک آف امریکا کی جانب سے جاری کیے گئے اعداد و شمار کے مطابق اس وقت امریکہ کے پاس خام تیل کا ذخیرہ صرف 43 روز کی ضروریات پوری کرنے کے لیے باقی رہ گیا ہے۔
یہ صورت حال جولائی 1983 کے بعد پہلی مرتبہ سامنے آئی ہے جسے توانائی کے شعبے کے لیے غیر معمولی پیش رفت قرار دیا جا رہا ہے۔
امریکی انرجی انفارمیشن ایڈمنسٹریشن کے تازہ ڈیٹا کے مطابق 10 جولائی تک ملک کے کمرشل خام تیل کے ذخائر کم ہو کر 409.7 ملین بیرل رہ گئے، جو گزشتہ پانچ برس کی اوسط کے مقابلے میں تقریباً 6 فیصد کم ہیں۔
ادھر امریکی اسٹریٹیجک پیٹرولیم ریزرو بھی مسلسل دباؤ کا شکار ہے۔ 18 جولائی تک اس کا حجم گھٹ کر 316.5 ملین بیرل رہ گیا، جو اپریل 1983 کے بعد کی سب سے کم سطح ہے۔
اعداد و شمار کے مطابق کمرشل اور اسٹریٹیجک ذخائر کو ملا کر امریکہ کے مجموعی خام تیل کے ذخائر تقریباً 730.8 ملین بیرل رہ گئے ہیں جو گزشتہ چار دہائیوں کی کم ترین سطحوں میں شمار کیے جا رہے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع