بھارت کو جواب دینے کے علاوہ کوئی چارہ نہیں تھا، سب کچھ دفاع میں کیا ہے، اسحق ڈار
اشاعت کی تاریخ: 10th, May 2025 GMT
اسلام آبا د(اُردو پوائنٹ اخبارتازہ ترین - این این آئی۔ 10 مئی2025ء)نائب وزیراعظم اور وزیر خارجہ اسحق ڈار نے کہا ہے کہ ہم نے جواب دیا، دنیا دیکھ رہی ہے، بھارت جارحیت سے باز نہیں آرہا، پاکستان سب کچھ اپنے دفاع میں کر رہا ہے، بھارت کے کئی ڈرون گرادیے گئے۔ایک انٹرویومیں نائب وزیر اعظم اسحق ڈار نے کہا کہ پاکستان دفاعی کارروائی کر رہا ہے، بھارت کے فوجی اقدامات کا جواب دینے کے علاوہ کوئی چارہ نہیں تھا۔
انہوں نے کہا کہ بھارت نے پچھلے 3 دن جو تماشا برپا کیا، ہم بھارت کو تسلط کا دعویٰ کرنے نہیں دیں گے، پاکستان کی مسلح افواج اور حکومت مصمم ارادہ رکھتی ہے کہ یہ نہیں ہونے دیا جائے گا۔انہوں نے کہا کہ آپریشن بنیان مرصوص ختم ہونے کا انحصار اس بات پر ہے کہ بھارت کیا چاہتا ہے، ہماری فوجی سول قیادت نے نور خان ایئر بیس پر حملے کے بعد آپریشن کا فیصلہ کیا، مزید صبر نہیں کرسکتے تھے، ہم صرف انہیں جواب دے رہے ہیں۔(جاری ہے)
اسحٰق ڈار نے کہاکہ اب تک ہم نے بہت صبر دکھایا ہے، ہر چیز کی ایک حد ہوتی ہے، جس سے ہم آگے نہیں بڑھ سکتے، خاص طور پر جب بات منافقت اور دوہرے معیار کی ہو۔نائب وزیراعظم نے کہا کہ پاکستانی فوجی سول قیادت کی طرف سے اٹھایا گیا یہ اقدام متناسب ہے، اب بھی بہت سے مزید اقدامات کیے جا سکتے ہیں، اور ہم اس کے لیے تیار ہیں لیکن یہ اس وقت کیا جانے والا کم از کم اقدام ہے، جو کچھ وقت جاری رہے گا۔ بھارت نے جو کچھ کیا، ہم صرف اس کا بدلہ لے رہے ہیں۔انہوں نے کہا کہ پہلے دن ہم نے اپنی جگہ پر رہتے ہوئے ان طیاروں پر حملہ کیا، جو پاکستان میں داخل ہوئے، جن میں سے ہم نے 5 کو مار گرایا تھا، واضح ہدایات تھیں کہ ہم حملے کے موڈ میں نہ آئیں، ہمارا صبر آزمایا گیا اور اب یہ ختم ہو چکا ہے، اور جو اقدامات کیے گئے، وہ دفاعی ہیں، دنیا یہ دیکھ سکتی ہے۔.ذریعہ: UrduPoint
کلیدی لفظ: تلاش کیجئے نے کہا کہ
پڑھیں:
بلاول بھٹو زرداری کو نشانِ پاکستان دینے کا فیصلہ
بلاول بھٹو زرداری کو نشانِ پاکستان دینے کا فیصلہ WhatsAppFacebookTwitter 0 14 August, 2025 سب نیوز
کراچی: وفاقی حکومت نے چیئرمین پیپلز پارٹی بلاول بھٹو زرداری کو نشانِ پاکستان دینے کا فیصلہ کیا ہے۔
بلاول بھٹو زرداری اور ان کے ساتھ وفد کو آج سب سے بڑا سویلین اعزاز دیا جائے گا۔
بھارت کے خلاف جنگ کے بعد عالمی فورمز پر پاکستان کا مؤقف اجاگر کرنے پر بلاول کو اعلیٰ ترین سول اعزاز دیا جائے گا۔
یاد رہے کہ بھارت کے خلاف جنگ کے بعد وزیراعظم شہباز شریف نے بلاول بھٹو زرداری کی قیادت میں ایک پارلیمانی کمیٹی تشکیل دی تھی جس کا مقصد عالمی سطح پر پاکستان کے مؤقف کو بھرپور انداز میں پیش کرنا تھا۔
بلاول بھٹو زرداری نے بھارتی جارحیت پر عالمی برادری کو پاکستان کے بھرپور مؤقف سے آگاہ کیا۔ بلاول بھٹو زرداری نے یورپی پارلیمنٹ میں پاکستان کا امن بیانیہ پیش کیا۔
بھارت نے پہلگام واقعے کو جواز بنا کر پاکستان پر جارحیت کی جس کا پاکستان نے بھرپور جواب دیتے ہوئے ناصرف 6 بھارتی جنگی طیارے گرائے بلکہ کئی ائیر فیلڈز کو بھی تباہ کیا، 4 روزہ جنگ میں بھارت نے امریکا سے مدد طلب کی جس کے بعد دونوں ممالک کے درمیان جنگ بندی ممکن ہوئی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرصدر ایف پی سی سی آئی کی قوم کو 78 ویں یوم آزادی کی مبارکباد ثابت قدم رہیں کہ کوئی بھی قانون سے بالاتر نہیں، چیف جسٹس کا جشن آزادی پر پیغام پانچ گنا بڑے دشمن کو شکست دینے کے بعد حقیقی یوم آزادی منا رہے ہیں: بیرسٹر گوہر پاکستان مونومنٹ پر پرچم کشائی کی تقریب، وزیراعظم کی شرکت پاکستان کے 78 ویں یوم آزادی پر سوئی ناردرن گیس ہیڈآفس میں پرچم کشائی کی تقریب کا انعقاد سپریم کورٹ میں 1980 کے رولز کی جگہ 2025 کے رولز نافذ معرکہ حق اور آپریشن بنیان مرصوص سے آزادی کی خوشیاں دوبالا ہوگئی ہیں، صدر و وزیراعظمCopyright © 2025, All Rights Reserved
رابطہ کریں ہمارے بارے ہماری ٹیم
وزیر اعظم نے رحمت العالمین و خاتم النبیینﷺ اتھارٹی کے پانچ ارکان تعینات کردیے