مسائل نے طویل عرصے سے خطے کو متاثر کر رکھا ہے، وزیراعظم شہباز شریف
اشاعت کی تاریخ: 10th, May 2025 GMT
وزیراعظم شہباز شریف نے کہا ہے کہ حل طلب مسائل نے طویل عرصے سے خطے کو متاثر کر رکھا ہے۔
اسلام آباد سے جاری بیان میں شہبازشریف نے پاک بھارت جنگ بندی پر ردعمل دیا۔
وزیراعظم شہباز شریف نے مزید کہا کہ ہم صدر ڈونلڈ ٹرمپ کی قیادت اور خطے میں امن کےلیے فعال کردار پر ان کا شکریہ ادا کرتے ہیں۔
انہوں نے کہا کہ امریکی نائب صدر اور وزیر خارجہ کا بھی جنوبی ایشیا میں امن کے لیے خدمات پر شکریہ ادا کرتے ہیں۔
شہباز شریف نے یہ بھی کہا کہ اس نتیجے کو ہم نے خطے میں امن و استحکام کے مفاد میں قبول کیا ہے، یہ پیشرفت ان مسائل کے حل کے لیے ایک نئے آغاز کی علامت ہے۔
اُن کا کہنا تھا کہ ان مسائل نے طویل عرصے سے خطے کو متاثر کیا اور امن، خوشحالی اور استحکام کی راہ میں رکاوٹ ڈالی۔
.ذریعہ: Jang News
کلیدی لفظ: شہباز شریف شریف نے
پڑھیں:
وزیراعظم شہباز شریف کا کا آذربائیجان اور آرمینیا کے تاریخی امن معاہدے کا خیرمقدم
اسلام آباد (نیوز ڈیسک) وزیراعظم نے آذربائیجان اور آرمینیا کے درمیان ہونے والےامن معاہدے کو خوش آئند قرار دیتے ہوئے کہا ہے کہ یہ جنوبی قفقاز میں امن، استحکام اور تعاون کے ایک نئے دور کا آغاز ہے۔
سماجی رابطے کی ویب سائٹ ایکس پر جاری بیان میں وزیراعظم نے فریقین کو قریب لانے اور معاہدہ طے کرانے میں امریکی صدر ڈونلڈ ٹرمپ کے کردار کو سراہا۔ انہوں نے کہا کہ پاکستان خطے میں امن کے لیے امریکہ کے سہولت کار کردار کی قدر کرتا ہے۔
شہباز شریف کا کہنا تھا کہ جنوبی قفقاز کئی دہائیوں سے تنازعات اور انسانی المیوں کا شکار رہا ہے، لیکن یہ معاہدہ خطے میں دیرپا امن اور خوشحالی کے لیے ایک مضبوط بنیاد فراہم کرے گا۔ انہوں نے صدر الہام علیوف اور آذربائیجان کے عوام کو مبارکباد دیتے ہوئے کہا کہ پاکستان ہمیشہ کی طرح اپنے برادر ملک آذربائیجان کے ساتھ ہے اور آئندہ بھی رہے گا۔
یاد رہے کہ حالیہ معاہدے کے تحت آذربائیجان اور آرمینیا کے درمیان مکمل جنگ بندی ہو گئی ہے۔ یہ معاہدہ امریکی صدر ٹرمپ کی موجودگی میں آذربائیجان کے صدر اور آرمینیا کے وزیراعظم نے دستخط کر کے طے کیا۔
اس موقع پر وائٹ ہاؤس میں بات کرتے ہوئے صدر ٹرمپ نے ایک بار پھر پاکستان اور بھارت کے درمیان جنگ بندی کرانے کا ذکر کیا۔ انہوں نے بتایا کہ اس وقت دونوں ممالک ایک بڑی جنگ کے قریب پہنچ چکے تھے، فضائی جھڑپیں جاری تھیں اور طیارے گرائے جا رہے تھے۔ ٹرمپ کے مطابق، انہوں نے دونوں کو پیغام دیا کہ وہ جنگ نہیں بلکہ تجارت چاہتے ہیں، کیونکہ ان کا مقصد لڑائیاں نہیں بلکہ امن اور معاشی ترقی ہے۔
Post Views: 6
پاکستانی پاسپورٹ پر سفر کا مزہ جو اب آیا پہلے کبھی نہیں آیا تھا: شرجیل انعام میمن