27ویں ترمیم دراصل آئین کی تدفین ہے‘حلیم عادل
اشاعت کی تاریخ: 10th, November 2025 GMT
data-id="863a0a8" data-element_type="widget" data-widget_type="theme-post-content.default">
251111-02-21
کراچی ( اسٹاف رپورٹر )پاکستان تحریک انصاف سندھ کے صدر حلیم عادل شیخ نے انصاف ہاؤس کراچی میں ایک ہنگامی اور اہم پریس کانفرنس سے خطاب کیا۔ حلیم عادل شیخ نے کہا کہ ہم 27ویں ترمیم کو مکمل طور پر مسترد کرتے ہیں۔ آج میڈیا کو ہماری بات سننی چاہیے تھی کیونکہ یہ ترمیم دراصل آئین کی تدفین ہے، 1973 کے آئین کا جنازہ نکال دیا گیا ہے۔ انہوں نے کہا کہ ملک میں آئین کی بالادستی، عدلیہ اور میڈیا کی آزادی اور قانون کی حکمرانی ختم ہو چکی ہے۔ اب نہ عدلیہ آزاد ہے نہ قانون باقی رہا۔ بلاول زرداری نے ذوالفقار علی بھٹو کی امانت آئین میں خیانت کی ہے، اور کہا کہ بھٹو کے آئین میں خامیاں تھیں یہ الفاظ بھٹو کی فکر اور جدوجہد کی توہین ہیں۔ حلیم عادل شیخ نے کہا کہ اگر 26ویں ترمیم کے وقت کچھ لوگ جاگ جاتے تو آج یہ یہ نوبت نہ آتی۔ اب تو اٹھائیسویں ترمیم کی باتیں بھی ہو رہی ہیں۔ پاکستان کا تماشہ بنا دیا گیا ہے۔ جو بھی ترامیم ہوئیں، انہوں نے قانون کی حکمرانی کو ختم کر دیا۔ سپریم کورٹ کی خودمختاری کو دفن کر دیا گیا ہے۔ انہوں نے کہا کہ آئین میں ترمیم کا اختیار صرف اوصل عوامی نمائندوں کے پاس ہوتا ہے، مگر یہ ترامیم ان چوروں نے کی ہیں جنہیں عوام کا مینڈیٹ حاصل نہیں۔ ہماری نشستوں پر ڈاکا ڈالا گیا، اور یہ ترمیم فارم 47 کے ذریعے چور دروازے مسلحط کئے گئے نمائندوں نے پاس کی۔ یہ لوگ جیلوں میں ہونے چاہییں تھے کیوں کہ انہوں نے عوام ووٹ چوری کیا ہے،لیکن بدقسمتی سے یہ لوگ ایوانوں میں بیٹھے ہیں۔
ذریعہ: Jasarat News
کلیدی لفظ: حلیم عادل نے کہا کہ انہوں نے
پڑھیں:
27ویں ترمیم کے ذریعے آئین اور جمہوریت کو روندا جارہا ہے، وزیراعلیٰ خیبرپختونخوا
data-id="863a0a8" data-element_type="widget" data-widget_type="theme-post-content.default">
پشاور : وزیراعلیٰ خیبر پختونخوا سہیل آفریدی نے کہا ہے 27ویں ترمیم کے ذریعے آئین اور جمہوریت کو روندا جارہا ہے، جتنے بھی طاقتور لوگ آئے انہوں نے آئین کو پامال کیا ہے، 27 ویں آئینی ترمیم نہ آئینی ہے اور نہ جمہوری ۔
پشاور بی آر ٹی کے دورے کے موقع پر میڈیا سے گفتگو میں وزیراعلیٰ کے پی کا کہنا تھا کہ بی آر ٹی عمران خان کا تحفہ ہیں، انہوں نے خیبر پختونخوا کے عوام کے لیے ضلع خیبر تک بی آر ٹی بسوں کو بڑھانے کا اعلان کیا۔
سہیل آفریدی نے کہا کہ میں خود جائزہ لینے آیا ہوں، نئے روٹس جس میں باڑہ کا روٹ بھی شامل ہے شروع کررہے ہیں، 50 بسیں منگوائی گئیں ہیں جبکہ مزید 50 بسیں منگوانے کا فیصلہ کیا ہے۔
وزیراعلیٰ کے پی کا کہنا تھا 27 ویں آئینی ترمیم کی ضرورت نہیں تھی کیونکہ طاقتور تو پہلے سے ہی طاقتور ہیں، یہ ترمیم کسی کے فائدہ اٹھانے کے لیے لائی جارہی ہے۔
سہیل آفریدی کا کہنا تھا کہ پہلے دن سے جب وہ وزیر اعلیٰ بنے تب سے میرے خلاف منفی پروپیگنڈا جاری ہے،انہوں نے کہا کہ میں قبائلی علاقے سے پہلا وزیراعلیٰ ہوں، میری کردار کشی دراصل قبائلی عوام کی کردار کشی ہے۔
وزیراعلیٰ نے کہا کہ 27ویں ترمیم کے ذریعے آئین اور جمہوریت کو روندا جارہا ہے، جتنے بھی طاقتور لوگ آئے انہوں نے آئین کو پامال کیا ہے۔
سہیل آفریدی نے کہا کہ عمران خان کا کہنا ہے کہ آپریشن میں کسی کا فائدہ نہیں،ملٹری آپریشن مسائل کا حل نہیں کیونکہ اس میں جزا اور سزا نہیں ہوتی، ملٹری آپریشن اور بند کمروں میں فیصلے نہیں ہونے چاہیے۔ انہوں نے کہا کہ بارہ نومبر کو امن وامان کا جرگہ ہورہا ہے۔
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ