جنگی تناؤ میں کمی کے بعد پی ایس ایل کے بقیہ میچز پاکستان میں ہونے کی راہ ہموار
اشاعت کی تاریخ: 11th, May 2025 GMT
لاہور(نیوز ڈیسک)پاکستان اور بھارت کے درمیان جنگی تناؤ کے بعد امن کی فضا کے قیام سے کھیلوں کے میدان میں بھی سرگرمیاں دوبارہ شروع ہونے کا امکان ہے۔
پاکستان کرکٹ بورڈ (پی سی بی) نے ایچ بی ایل پاکستان سپر لیگ (پی ایس ایل) 2025 کے بقیہ میچز کی بحالی کی کوششیں تیز کر دی ہیں۔
یاد رہے کہ بھارتی جارحیت کے سبب پی ایس ایل کے فائنل سمیت 8 اہم میچز کو ملتوی کر دیا گیا تھا۔ تاہم، حالیہ جنگ بندی اور امن کی صورتحال کے بعد، پی سی بی نے لیگ کی بحالی کی کوششوں کو تیز کر لیا ہے۔
پی سی بی نے اس سلسلے میں ٹیم مالکان سے مشاورت کا آغاز کر دیا ہے اور غیر ملکی کھلاڑیوں کی دستیابی کو یقینی بنانے کے لیے اقدامات اٹھا رہا ہے۔
ذرائع کے مطابق، پی سی بی اور ٹیم مالکان کے درمیان ایک اہم اجلاس جلد متوقع ہے، جس میں لاجسٹک مسائل، سیکیورٹی کے معاملات اور غیر ملکی کھلاڑیوں کی شرکت جیسے اہم امور پر بات چیت کی جائے گی۔
ممکنہ طور پر بقیہ میچز راولپنڈی اور لاہور میں دوبارہ شیڈول کیے جا سکتے ہیں۔
واضح رہے کہ اس سے قبل پاک بھارت کشیدگی میں اضافے کے بعد پی ایس ایل کے بقیہ میچز دبئی منتقل کیے گئے تھے جس کیلیے غیر ملکی کھلاڑیوں کی اکثریت اس وقت متحدہ عرب امارات میں موجود ہے۔
اگر تمام معاملات خوش اسلوبی سے طے پاتے ہیں، تو وہ جلد پاکستان پہنچ کر پی ایس ایل کے بقیہ میچز میں شرکت کریں گے۔
اس سے نہ صرف لیگ کے دوبارہ آغاز کی راہ ہموار ہو گی، بلکہ کرکٹ کے مداحوں کو بھی انٹرنیشنل کرکٹ کی واپسی کا خوشگوار موقع ملے گا۔
پاکستان کرکٹ بورڈ اور ٹیم مالکان کی مشترکہ کوششوں سے امید کی جا رہی ہے کہ پی ایس ایل 2025 کے میچز دوبارہ اپنے شیڈول کے مطابق شروع ہو جائیں گے، جس سے پاکستان میں کرکٹ کے میدانوں میں رنگ دوبارہ بحال ہوں گے اور شائقین کرکٹ کو بہترین کرکٹ کا لذت ملے گی۔
پاک بھارت جنگ بندی کے باوجود ملک بھر کی 150 پروازیں منسوخ
.ذریعہ: Daily Ausaf
کلیدی لفظ: پی ایس ایل کے کے بقیہ میچز پی سی بی کے بعد
پڑھیں:
وہاب ریاض ویمن کرکٹ ٹیم کے کنسلٹنٹ مقرر؟، پی سی بی کی وضاحت بھی آگئی
data-id="863a0a8" data-element_type="widget" data-widget_type="theme-post-content.default">
لاہور: پاکستان کے سابق ٹیسٹ کرکٹر اور فاسٹ بولر وہاب ریاض کو ایک مرتبہ پھر پاکستان کرکٹ بورڈ (پی سی بی) کی جانب سے اہم ذمہ داری سونپ دی گئی ہے۔
نجی ٹی وی کی رپورٹ میں ذرائع کے حوالے سے بتایا گیا ہے کہ وہاب ریاض کو پاکستان ویمن کرکٹ ٹیم کا کنسلٹنٹ مقرر کیا گیا ہے۔ وہ گزشتہ چند ہفتوں سے ویمنز کرکٹ ڈیپارٹمنٹ کے ساتھ منسلک تھے اور اب وہ باضابطہ طور پر ٹیم کے معاملات میں کردار ادا کریں گے۔
اطلاعات کے مطابق وہاب ریاض عارضی طور پر ویمن ٹیم کے امور سنبھالیں گے اور ڈائریکٹر ویمن کرکٹ کے ساتھ مل کر مستقبل کی حکمت عملی ترتیب دینے میں مدد دیں گے۔
ذرائع کا کہنا ہے کہ مطابق پاکستان ویمن کرکٹ ٹیم کے سپورٹ اسٹاف میں بھی تبدیلیوں کا عمل جاری ہے اور کئی نئے ناموں پر غور کیا جا رہا ہے۔ امکان ظاہر کیا جا رہا ہے کہ سابق ٹیسٹ کرکٹر عمران فرحت کو بھی سپورٹ اسٹاف میں شامل کیا جائے گا۔ پی سی بی جلد ہی ویمن ٹیم کے ہیڈ کوچ اور سپورٹ اسٹاف کے حتمی ناموں کا اعلان کرے گا، جس سے مستقبل کی ٹیم مینجمنٹ کی سمت واضح ہو جائے گی۔
خبر میڈیا میں گردش کیے جانے کے بعد پاکستان کرکٹ بورڈ کی جانب سے وضاحت بھی سامنے آ گئی ہے۔ پی سی بی کے ترجمان کے مطابق وہاب ریاض اس وقت بورڈ کے ساتھ بطور کنسلٹنٹ وابستہ ہیں اور مختلف ٹیموں کے ساتھ مشاورتی کردار ادا کر رہے ہیں، تاہم انہیں کسی نئی یا مستقل ذمہ داری کے لیے مقرر نہیں کیا گیا۔
ترجمان نے واضح کیا کہ ویمن ٹیم کے حوالے سے سوشل میڈیا پر چلنے والی خبریں جزوی طور پر درست ہیں مگر ابھی کوئی باضابطہ تقرری عمل میں نہیں آئی۔
سپریم کورٹ کی بیسمنٹ کینٹین میں دھماکا