نوشکی حادثے کا زخمی پولیس اہلکار دم توڑ گیا، تعداد 27ہوگئی
اشاعت کی تاریخ: 11th, May 2025 GMT
نوشکی میں آئل ٹینکر دھماکے کے باعث جھلس کر زخمی ہونے والا پولیس اہلکار بھی جاں بحق ہو گیا جس کے بعد مرنے والوں کی تعداد 27 ہوگئی۔ذرائع کے مطابق پولیس اہلکار عبدالمنان کراچی کے نجی اسپتال میں زیر علاج تھا جو زخموں کی تاب نہ لاتے ہوئے چل بسا۔واضح رہے کہ بلوچستان کے ضلع نوشکی میں ٹرک اڈے کے قریب پیٹرول سے بھرا ٹرک دھماکے سے پھٹ گیا تھا جس کے باعث ایک ٹرک ڈرائیور موقع پر جاں بحق اور متعدد افراد جھلس کر زخمی ہوگئے تھے۔تیل بردار ٹرک میں آگ لگنے کے بعد لوگ آگ بھجانے میں مصروف تھے کہ ٹرک کا ایک ٹینک دھماکے سے پھٹ گیا۔
.ذریعہ: Nawaiwaqt
پڑھیں:
اسرائیلی جارحیت: غزہ میں شہادتوں کی تعداد 65 ہزار 500 سے تجاوز کر گئی
data-id="863a0a8" data-element_type="widget" data-widget_type="theme-post-content.default">
مقبوضہ بیت المقدس: غزہ میں اسرائیل کی جاری جارحیت اور نسل کشی پر مبنی جنگ میں اکتوبر 2023 سے اب تک کم از کم 65 ہزار 502 فلسطینی شہید اور 167 ہزار 376 زخمی ہو چکے ہیں۔
عالمی میڈیا رپورٹس کےمطابق گزشتہ 24 گھنٹوں کے دوران اسپتالوں میں 83 شہداء کی لاشیں اور 216 زخمی منتقل کیے گئے، اب بھی بڑی تعداد میں لاشیں اور زخمی ملبے کے نیچے اور سڑکوں پر پڑے ہیں، جن تک امدادی کارکنوں کی رسائی ممکن نہیں ہو پا رہی۔
وزارت صحت نے مزید بتایا کہ صرف گزشتہ روز امداد لینے کی کوشش کرنے والے 7 فلسطینیوں کو اسرائیلی فوج نے شہید اور 50 کو زخمی کیا، اس طرح 27 مئی کے بعد سے اب تک امداد کے حصول کی کوشش میں 2 ہزار 538 فلسطینی شہید اور 18 ہزار 581 زخمی ہو چکے ہیں۔
اسرائیلی فوج نے 18 مارچ کو جنگ بندی اور قیدیوں کے تبادلے کے معاہدے کو توڑتے ہوئے دوبارہ حملے شروع کیے، جن میں اب تک 12 ہزار 939 فلسطینی شہید اور 55 ہزار 335 زخمی ہو چکے ہیں۔
یاد رہے کہ گزشتہ نومبر میں بین الاقوامی فوجداری عدالت (ICC) نے اسرائیلی وزیراعظم بنیامین نیتن یاہو اور سابق وزیردفاع یوآف گیلنٹ کے خلاف غزہ میں جنگی جرائم اور انسانیت کے خلاف جرائم پر گرفتاری کے وارنٹ جاری کیے تھے، اسی طرح بین الاقوامی عدالت انصاف (ICJ) میں اسرائیل کے خلاف نسل کشی کا مقدمہ بھی زیر سماعت ہے۔
غزہ کے حوالے سے ماہرین اور انسانی حقوق کے ادارے مسلسل خبردار کر رہے ہیں کہ فلسطینی عوام کو ایک منظم منصوبے کے تحت صفحہ ہستی سے مٹانے کی کوشش کی جا رہی ہے، مگر عالمی ادارے اس قتل عام کے باوجود خاموش تماشائی بنے ہوئے ہیں۔
دوسری جانب، غزہ میں انسانی ہمدردی کی امداد کے نام پر امریکا اور اسرائیل اپنی دہشت گردانہ کارروائیاں جاری رکھے ہوئے ہیں، امداد کی آڑ میں عام شہریوں کو نشانہ بنایا جاتا ہے جبکہ عالمی برادری اور مسلم حکمران مجرمانہ خاموشی اختیار کیے ہوئے ہیں۔
ایف بی آر کا شاہانہ لائف اسٹائل دکھانے والے امیروں کیخلاف گھیرا تنگ