بھارت کی جانب سے کرتارپور راہداری آج دوسرے روز بھی بند
اشاعت کی تاریخ: 12th, May 2025 GMT
پاکستان اور بھارت کے درمیان سیز فائر کے بعد آج دوسرے روز بھی بھارت کی جانب سے کرتار پور راہداری بند ہے۔
دربار انتظامیہ کا کہنا تھا کہ موجودہ صورتحال میں بھارت کی جانب سے نہ تو یاتریوں کی تفصیلات دی جا رہی ہیں اور نہ ہی راہداری سے یاتری آرہے ہیں۔
دربار انتظامیہ کے مطابق ہم اپنے سکھ بھائیوں کی میزبانی کےلیے ہر وقت تیار ہیں اور پاکستان کی جانب سے کرتار پور راہداری معمول کے مطابق کھلی ہے۔
دربار بابا گرو نانک پر پاکستان سمیت دنیا بھر سے یاتریوں کی آمد کا سلسلہ جاری ہے۔
دربار انتظامیہ نے مزید کہا کہ بھارت کی جانب سے کب تک راہداری بند رہے گی یہ بتانا مشکل ہے۔
Post Views: 2.ذریعہ: Daily Mumtaz
کلیدی لفظ: بھارت کی جانب سے
پڑھیں:
کوئٹہ، محرم الحرام کی سکیورٹی اور انتظامات کے سلسلے میں ضلعی انتظامیہ کا اجلاس
ڈی سی کوئٹہ نے محرم الحرام سے متعلق اجلاس میں متعلقہ محکموں کی ہدایات دیں کہ یکم محرم تا یوم عاشور صفائی، گیس، بجلی اور پانی فراہمی یقینی بنائی جائے۔ اسلام ٹائمز۔ ڈپٹی کمشنر کوئٹہ کیپٹن (ر) مہراللہ بادینی کی زیر صدارت محرم الحرام کے دوران امن و امان اور سہولیات کی فراہمی سے متعلق اہم اجلاس ضلعی دفتر میں منعقد ہوا۔ جس بلوچستان شیعہ کانفرنس کے نمائندوں، انجمن تاجران، ایس ایس پی آپریشن محمد بلوچ، ایڈیشنل ڈپٹی کمشنر (جنرل) محمد انور کاکڑ، اسسٹنٹ کمشنر سٹی، اسسٹنٹ کمشنر کچلاک، میٹروپولیٹن کارپوریشن، صفاء کوئٹہ، واسا، کیسکو، سوئی سدرن گیس کمپنی، ایف سی، ڈی ایچ او کوئٹہ، بی ایم سی ہسپتال، سول ہسپتال، بے نظیر ہسپتال اور شیخ زید ہسپتالوں کے نمائندگان، سول ڈیفنس، سمیت دیگر متعلقہ اداروں کے نمائندوں نے شرکت کیں۔ اجلاس میں محرم الحرام کے تمام جلوسوں اور امام بارگاہوں کی سکیورٹی کے لئے موثر پلان مرتب کیا گیا۔ اس موقع پر ڈی سی کوئٹہ نے احکامات جاری کرتے ہوئے کہا کہ کیسکو یکم سے 10 محرم تک بلا تعطل بجلی کی فراہمی یقینی بنائے گی۔
واسا کو ہدایت دی گئی کہ پانی اور واٹر ٹینکر کی فراہمی یقینی بنائے۔ صفا کوئٹہ جلوسوں کے روٹس، امام بارگاہوں اور سڑکوں کی صفائی کا عمل مکمل کرے گا۔ میٹروپولیٹن کارپوریشن اسٹریٹ لائٹس کی مرمت اور اہم شاہراہوں نئی لائٹس کی تنصیب کرے گا۔ تمام ہسپتالوں میں ایمرجنسی نافذ کی جائے گی اور پی ڈی ایم اے، سول ڈیفنس و پی پی ایچ آئی ایمبولینسز فراہم کریں گے۔ انجمن تاجران سے جلوسوں کے روٹس پر دکانوں کی سیلنگ اور دیگر امور میں انتظامیہ کے ساتھ تعاون کی درخواست کی گئی۔ اس موقع پر ڈپٹی کمشنر نے تمام اداروں کو ہدایت دی کہ محرم الحرام کے دوران امن و امان اور شہری سہولیات کی فراہمی کو ہر صورت یقینی بنایا جائے اور باہمی رابطہ و تعاون کو موثر بنایا جائے۔ اس سلسلے میں ڈی سی آفس میں ایک کنٹرول روم قائم کیا جائے گا۔ جہاں تمام متعلقہ محکموں کے نمائندے ہمہ وقت موجود رہیں گے اور کسی بھی ہنگامی صورتحال سے فوری نمٹنے کے لئے اپنی ذمہ داریاں انجام دیں گے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی