کراچی؛ مسجد کے باہر ٹرانسپورٹر کو قتل کرنے کی ویڈیو سامنے آگئی
اشاعت کی تاریخ: 12th, May 2025 GMT
کراچی:
گلشن اقبال میں مسجد کے باہر ٹرانسپورٹر کو فائرنگ کرکے قتل کے واقعے کی سی سی ٹی وی فوٹیج سامنے آگئی، فائرنگ کے واقعے کو تین روزگزر گئے لیکن اب تک واقعے کا مقدمہ درج نہ کیا جا سکا۔
تفصیلات کے مطابق جمعہ کو عزیز بھٹی تھانے کے علاقے گلشن اقبال بلاک 13 ڈی میں جامعہ مسجد غزالی کے باہر گھات لگائے نامعلوم مسلح ملزمان نے فائرنگ کرکے ٹرانسپورٹر 45 سالہ محمد اکرم کو قتل کیا تھا، واقعے کو تین روز گزر گئے لیکن اب تک واقعہ کا مقدمہ درج نہ کیا جا سکا۔
ارم گارڈن کے رہائشی مقتول محمد اکرم جامعہ مسجد غزالی میں نماز جمعہ کی ادائیگی کے بعد مسجد سے باہر نکلے تھے کہ مسجد کے باہر موٹر سائیکل پر گھات لگائے 3 نامعلوم مسلح ملزمان نے فائرنگ کی تھی۔
واقعے کی سی سی ٹی وی فوٹیج سامنے آگئی جس میں ہیلمٹ پہنے ایک ملزم کو موٹر سائیکل سے اتر کر مقتول محمد اکرم پر فائرنگ کرتے دیکھا جا سکتا ہے، فائرنگ ہوتے ہی مسجد سے نکلنے والے نمازیوں میں بھگڈر مچتے اور انہیں جان بچاتے ہوئے دیکھا جا سکتا ہے۔
ملزم فائرنگ کرنے کے بعد اپنے ساتھیوں کے ہمراہ فرار ہو جاتا ہے جبکہ نمازیوں کی جانب سے مسلح ملزمان پر پتھراؤ بھی کیا گیا۔
سی سی ٹی وی فوٹیج میں ایک شہری کو نامعلوم مسلح ملزمان پر فائرنگ کرتے بھی دیکھا جا سکتا ہے لیکن ملزمان موقع سے فرار ہونے میں کامیاب ہو گئے تھے۔
پولیس نے ابتدائی تفتیش میں واقعے کو ذاتی دشمنی قرار دیا ہے۔ پولیس حکام کا کہنا تھا کہ مقتول محمد اکرم کا آبائی تعلق نارووال سے تھا، مقتول کے اہلخانہ تدفین کے بعد واپس آکر مقدمہ درج کروائیں گے۔
.
ذریعہ
ذریعہ: Express News
پڑھیں:
کراچی: ملیر 15 میں رینجرز اور ایس آئی یو کی کارروائی، 3 بھتہ خور ہلاک
— فائل فوٹوکراچی کے علاقے ملیر 15 میں رینجرز اور اسپیشل انویسٹی گیشن یونٹ پولیس نے بھتہ خوروں کے خلاف مشترکہ کارروائی کی۔
اس دوران فائرنگ کے تبادلے میں 3 بھتہ خور ہلاک جبکہ ایک کو زخمی حالت میں گرفتار کر لیا گیا۔
ترجمان رینجرز کے مطابق بھتہ خوروں کی موجودگی کی خفیہ اطلاع پر ایس آئی یو کے ہمراہ کارروائی کی گئی تو وہاں موجود بھتہ خوروں نے رینجرز اور ایس آئی یو کی نفری پر حملہ کر دیا۔
ڈاکٹر آکاش سے 13جولائی کو ہلاک ڈاکوؤں نے کلفٹن میں اپنے ساتھیوں کے ہمراہ بینک کے باہر لوٹ مار کی تھی۔
ترجمان کے مطابق اس کے بعد مزید نفری کو طلب کیا گیا اور فائرنگ کے تبادلے میں 3 بھتہ خور ہلاک ہو گئے جبکہ 1 کو زخمی حالت میں گرفتار کر لیا گیا۔
ہلاک اور زخمی ہونے والے بھتہ خوروں کی شناخت کا عمل جاری ہے۔
ملزمان سے اسلحہ، موبائل فون اور موٹر سائیکل ملی ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی