پاک بھارت کشیدگی کے دوران پاکستانی شہری کی بچوں کو فزکس کا سبق دینے کی ویڈیو وائرل
اشاعت کی تاریخ: 12th, May 2025 GMT
پاک بھارت حالیہ کشیدگی کے دوران سوشل میڈیا پر ایک ویڈیو وائرل ہو گئی ہے جس میں ایک پاکستانی شخص ممکنہ میزائل حملے کے فوری بعد بچوں کو نہایت سکون سے فزکس کا بنیادی اصول سمجھا رہا ہے۔
ویڈیو میں دیکھا جا سکتا ہے کہ جنگی صورتحال کے باوجود وہ شخص بچوں کو سمجھاتا ہے کہ روشنی کی رفتار آواز سے زیادہ تیز ہوتی ہے، اسی لیے تم کو پہلے روشنی نظر آئی پھر آواز سنائی دی۔
یہ منظر دیکھنے والوں کے لیے حیرت اور مزاح کا امتزاج بن گیا ہے۔ سوشل میڈیا صارفین نے اس ویڈیو پر مختلف تبصرے کیے ہیں۔
صارفین کا کہنا تھا کہ جنگ کے سائے میں بھی تعلیم اور شعور کا دامن نہ چھوڑنا قابلِ ستائش ہے، ایک صارف نے لکھا یہ بندہ فزکس کے ساتھ ساتھ حوصلے کا بھی استاد ہے!"۔
ویڈیو کے منظرِ عام پر آنے کے بعد مختلف پلیٹ فارمز پر اس پر درجنوں تبصرے اور شیئرز ہو چکے ہیں۔
اس سے قبل ایک اور وائرل ویڈیو میں دیکھا گیا تھا کہ پاک فوج کی جانب سے میزائل فائر کرنے کے دوران لوگ بے خوف اور پُرسکون انداز میں بیٹھے سارا منظر دیکھ رہے ہیں۔
.
ذریعہ: Express News
پڑھیں:
پاکستانی نژاد لڑکی کی چین میں وائرل کہانی، مداح سے شادی نے دل جیت لیے
پاکستانی نژاد چینی سوشل میڈیا انفلوئنسر فین زیہے (Fan Zihe) کی کہانی نے چین اور پاکستان دونوں ممالک کے عوام کو اپنے سحر میں جکڑ لیا ہے۔ 20 سالہ فین زیہے بچپن میں پاکستان میں ایک کارڈ بورڈ کے ڈبے میں لاوارث حالت میں ملی تھیں، بعد ازاں انہیں ایک چینی جوڑے نے گود لے لیا جو اس وقت پاکستان میں ملازمت کر رہا تھا۔
یہ بھی پڑھیں: حسن سے آگے کی کہانی: مس پاکستان گلوبل مثبت تبدیلی کی مثال بن گئیں
فین زیہے کو چین کے صوبہ ہینان کے دیہی علاقے میں پالا گیا، جہاں ان کی زندگی سادہ مگر محنت طلب رہی۔ ان کی قسمت کا دھارا اس وقت بدلا جب 2023 کے آخر میں ان کی ایک مختصر ویڈیو، جس میں وہ ہینان لہجے میں نوڈلز کھاتے ہوئے نظر آئیں۔
ان کی ویڈیو سوشل میڈیا پر وائرل ہو گئی۔ اس ایک ویڈیو نے انہیں یکدم شہرت کی بلندیوں پر پہنچا دیا اور دیکھتے ہی دیکھتے ان کے فالوورز کی تعداد 18 لاکھ سے تجاوز کر گئی۔
فین زیہے اپنی دلکش شخصیت اور دیہی زندگی کے روزمرہ مناظر شیئر کرنے کے باعث مشہور ہوئیں۔ وہ مقامی کسانوں کی پیداوار کو آن لائن فروغ دے کر ان کی مدد بھی کرتی ہیں۔ ان کے عاجزانہ مزاج اور نرمی نے انہیں لاکھوں دلوں میں جگہ دی۔
یہ بھی پڑھیں: پاکستانی نژاد طالبہ کی تحقیق اسپین کے شہریوں کی زندگیاں کیسے بدل رہی ہے؟
ان کے مداحوں میں سے ایک لیو شیاوشوائی بھی تھے، جو ان کی کہانی اور حوصلے سے متاثر ہوئے۔ باہمی دوستوں کے ذریعے ہونے والی ملاقات نے آہستہ آہستہ محبت کا روپ اختیار کیا۔
لیو شیاوشوائی نے فین زیہے کے ساتھ زندگی گزارنے کا فیصلہ کیا، اپنی ملازمت چھوڑ دی اور فین کے آن لائن کیریئر میں ان کے سب سے بڑے معاون بن گئے۔ وہ ویڈیوز کی ایڈیٹنگ سے لے کر آلات کے انتظام اور فین کے گود لینے والے والدین کی کھیتوں پر مدد تک سب کچھ کرتے ہیں۔
تین سال کے رشتے کے بعد 17 ستمبر کو فین اور لیو نے شادی کر لی۔ یہ شادی ایک سادہ مگر روایتی تقریب پر مشتمل تھی جس میں دونوں خاندان شریک ہوئے۔ اس موقع پر کسی قسم کا ’بریڈ پرائس‘ (حق مہر نما رقم) نہیں رکھا گیا، بلکہ تقریب میں سادگی اور خلوص نمایاں رہا۔ لیو نے تقریب میں سمندر سے متعلق تھیم شامل کیا کیونکہ فین نے اپنی زندگی میں کبھی سمندر نہیں دیکھا تھا۔
یہ بھی پڑھیں: محبت کی خاطر بھارت جانے والی پاکستانی لڑکی واپس وطن پہنچ گئی
شادی کی تصاویر اور لائیو اسٹریمز نے سوشل میڈیا پر دھوم مچا دی۔ لاکھوں مداحوں نے اس محبت بھری کہانی کو ایک ’پریوں کی داستان‘ قرار دیا۔ صارفین نے لیو کو یاد دلایا کہ وہ اپنی ’ہینان پرنسز‘ کی ہمیشہ قدر کریں۔
فین زیہے کی زندگی کی یہ جدوجہد اور محبت کی کہانی اب چین میں نہ صرف ایک متاثر کن مثال سمجھی جا رہی ہے بلکہ پاکستان میں بھی اسے دلچسپی اور محبت کے ساتھ دیکھا جا رہا ہے۔ یہ کہانی اس بات کی علامت ہے کہ قسمت اور محبت مل کر کیسے زندگی کو ایک نئی شکل دے سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستانی نژاد لڑکی چینی جوڑا شادی فین زیہے گود ہینان ہینان پرنسز
ترکیہ میں دنیا کا سب سے بڑا ایوی ایشن اینڈ ٹیکنالوجی میلہ