پوری قوم کو اپنی باوقار پاک افواج پر ناز اور بھرپور اعتماد ہے، سید ناصر شاہ
اشاعت کی تاریخ: 12th, May 2025 GMT
تقریب میں گفتگو کرتے ہوئے وزیر توانائی سندھ نے آپریشن بنیان مرصوص کی کامیابی پر بری فوج، پاک فضایہ اور بحری افواج کے سپہ سالار اور جوانوں کو خراج تحسین پیش کرتے ہوئے کہا کہ پوری دنیا میں اپنا لوہا منوانے والی پاک افوج کو سلام پیش کرتے ہیں۔ اسلام ٹائمز۔ وزیر توانائی، منصوبہ بندی سندھ سید ناصر حسین شاہ نے کہا ہے کہ پوری قوم کو اپنی باوقار پاک افواج پر ناز اور بھرپور اعتماد ہے افواج پاکستان نے دشمن کی بزدلانہ جارحیت کا منہ توڑ جواب دے کر قوم کا سر فخر سے بلند کردیا ہے۔ یہ بات انہوں نے سندھ ٹرانسمیشن اینڈ ڈسپیج کمپنی کے زیر اہتمام آپریشن بنیان مرصوص کی کامیابی پر یوم تشکر کی تقریب میں گفتگو کرتے ہوئے کہی۔ تقریب میں وزیر داخلہ سندھ ضیا لنجار، سیکریٹری انرجی مشتاق سومرو، ایس ٹی ڈی سی کے سی ای او سلیم شیخ، سینیر جی ایم ٹیکنیکل طارق سعید، چیف فنانشل آفیسر سجاد جونیجو اور انرجی ڈپارٹمنٹ کے افسران و ملازمین نے شرکت کی۔ اس موقع پر کیک کاٹنے کی رسم ادا کی گئی۔ ناصر حسین شاہ نے آپریشن بنیان مرصوص کی کامیابی پر بری فوج، پاک فضایہ اور بحری افواج کے سپہ سالار اور جوانوں کو خراج تحسین پیش کرتے ہوئے کہا کہ پوری دنیا میں اپنا لوہا منوانے والی پاک افوج کو سلام پیش کرتے ہیں۔
.
ذریعہ
ذریعہ: Islam Times
پڑھیں:
ٹرمپ پر قاتلانہ حملے کے بعد منسوخ ہونے والے وائٹ ہاؤس پریس ڈنر کے دوبارہ انعقاد کا فیصلہ
واشنگٹن: امریکی صدر ڈونلڈ ٹرمپ پر قاتلانہ حملے کے بعد منسوخ کر دیے گئے وائٹ ہاؤس پریس ڈنر کو دوبارہ منعقد کرنے کا اعلان کر دیا گیا ہے۔ تقریب اب 24 جولائی کو منعقد ہوگی اور صدر ٹرمپ اس میں شرکت کریں گے۔
امریکی میڈیا رپورٹس کے مطابق صدر ڈونلڈ ٹرمپ نے تقریب میں شرکت کی دعوت قبول کر لی ہے۔ یہ تقریب واشنگٹن میں صحافیوں اور میڈیا نمائندوں کے اعزاز میں منعقد کی جاتی ہے اور امریکی سیاسی و میڈیا حلقوں کی اہم تقریبات میں شمار ہوتی ہے۔
صدر ٹرمپ نے اس حوالے سے اپنے بیان میں کہا کہ وہ ’پاگل عناصر‘ کو اپنی طرزِ زندگی یا اپنے شیڈول میں تبدیلی لانے کی اجازت نہیں دے سکتے۔ ان کا کہنا تھا کہ عوامی سرگرمیاں اور سرکاری تقریبات معمول کے مطابق جاری رہیں گی۔
انہوں نے یہ بھی کہا کہ فی الحال یہ کہنا مشکل ہے کہ آیا وہ تقریب میں پہلے کی طرح سخت اور دوٹوک انداز میں خطاب کریں گے یا نہیں، تاہم اس بارے میں جلد ہی صورتحال واضح ہو جائے گی۔
صدر ٹرمپ کے مطابق یہ تقریب پنسلوانیا ایونیو پر واقع والڈورف آسٹوریا کے بال روم میں منعقد ہوگی۔ انہوں نے کہا کہ اس مقام کی تعمیر میں ان کا بھی کردار رہا ہے۔
یاد رہے کہ رواں سال اپریل میں واشنگٹن میں وائٹ ہاؤس کے میڈیا نمائندوں کے اعزاز میں منعقدہ عشائیے کے دوران فائرنگ کا واقعہ پیش آیا تھا۔ اس واقعے میں صدر ٹرمپ محفوظ رہے جبکہ حملہ آور کو موقع پر گرفتار کر لیا گیا تھا۔
بعد ازاں امریکی حکام نے ملزم پر صدر ڈونلڈ ٹرمپ کو قتل کرنے کی کوشش کا باضابطہ الزام عائد کیا تھا، جس کے بعد سکیورٹی خدشات کے پیش نظر پریس ڈنر کو منسوخ کر دیا گیا تھا۔
اب تقریب کی دوبارہ میزبانی کے اعلان کو صدر ٹرمپ کی معمول کی سرگرمیوں کی بحالی اور سکیورٹی اداروں کے اعتماد کا اظہار قرار دیا جا رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ