بھارت کی جانب سے جھوٹے الزامات کا سلسلہ جاری
اشاعت کی تاریخ: 12th, May 2025 GMT
راولپنڈی ( ڈیلی پاکستان آن لائن )بھارت کی جانب سے جھوٹے الزامات کا سلسلہ جاری ہے۔
سیکیورٹی ذرائع نے کہا ہے کہ بھارتی میڈیا، پاکستان کی جانب سے ڈرونز کی خلاف ورزی کی من گھڑت اور جھوٹی خبریں چلا رہا ہے،پاکستان کے کسی بھی ڈرون نے سرحد یا لائن آف کنٹرول پار نہیں کی۔
سیکیورٹی ذرائع نے یہ بھی بتایا کہ بھارتی میڈیا کی خبریں ہمیشہ کی طرح جھوٹ کا پلندہ ہیں،پاکستان سیز فائر کی مکمل پاس داری کر رہا ہے۔حقیقت میں بھارتی ڈرونز لائن آف کنٹرول اور ورکنگ باؤنڈری پر سیز فائر کی خلاف ورزی کر رہے ہیں۔
ذیابیطس کیلئے استعمال ہونے والا وہ انجیکشن جس نے جگر کی انتہائی خطرناک بیماری کا علاج کردیا
مزید :.ذریعہ: Daily Pakistan
پڑھیں:
پاکستان اسپورٹس بورڈ کی جانب سے ارشد ندیم سمیت 36 کھلاڑیوں میں کیش انعامات تقسیم
پاکستان اسپورٹس بورڈ نے ارشد ندیم سمیت 36 کھلاڑیوں میں کیش انعامات تقسیم کیے ہیں، بورڈ کی جانب سے 22 فیڈریشنز کو 6 کروڑ 39 لاکھ کی گرانٹس بھی جاری کی گئی ہے۔
یہ بھی پڑھیں: ارشد ندیم پر انعامات کی برسات جاری، گورنر پنجاب نے تحفے میں کیا کچھ دیا؟
پاکستان اسپورٹس بورڈ نے اسلام آباد میں ایک خصوصی تقریب کا انعقاد کیا جس میں بین الاقوامی سطح پر ملک کا نام روشن کرنے والے کھلاڑیوں اور مختلف کھیلوں کی فیڈریشنز کو مالی انعامات اور گرانٹس سے نوازا گیا۔ اس تقریب میں وزیراعظم کے مشیر برائے بین الصوبائی رابطہ رانا ثنا اللّٰہ نے شرکت کی۔
تقریب میں مجموعی طور پر 36 کھلاڑیوں میں 82 لاکھ روپے کے کیش انعامات تقسیم کیے گئے، جبکہ 22 کھیلوں کی فیڈریشنز کو مجموعی طور پر 6 کروڑ 39 لاکھ روپے کی مالی معاونت فراہم کی گئی۔
ارشد ندیم کو 20 لاکھ روپے کا انعام، ایتھلیٹکس فیڈریشن کو ایک کروڑ کی گرانٹجیولن تھرو میں شاندار کارکردگی دکھانے والے ارشد ندیم کو گولڈ میڈل جیتنے پر 20 لاکھ روپے کا انعام دیا گیا، جب کہ ایتھلیٹکس فیڈریشن آف پاکستان کو ایک کروڑ روپے کی خصوصی گرانٹ جاری کی گئی۔
دیگر فیڈریشنز کو دی جانے والی گرانٹس کی تفصیلالپائن کلب کو 21 لاکھ روپے، پاکستان بیڈمنٹن فیڈریشن کو 11 لاکھ روپے، باڈی بلڈنگ فیڈریشن کو 25 لاکھ روپے، ہینڈ بال فیڈریشن کو 50 لاکھ روپے اور جوڈو فیڈریشن کو 10 لاکھ روپے کی گرانٹ دی گئی۔
جوجٹسو فیڈریشن کو 20 لاکھ روپے، کراٹے فیڈریشن کو 30 لاکھ روپے، کبڈی فیڈریشن کو 30 لاکھ روپے، اور تائیکوانڈو فیڈریشن کو 11 لاکھ روپے کی گرانٹ جاری کی گئی۔
نیشنل رائفل ایسوسی ایشن اور دیگر اداروں کو امدادنیشنل رائفل ایسوسی ایشن کو 20 لاکھ روپے سالانہ گرانٹ کے علاوہ 50 لاکھ روپے کی خصوصی گرانٹ بھی دی گئی۔
پاکستان رگبی یونین کو 11 لاکھ روپے، ونٹر اسپورٹس فیڈریشن کو 20 لاکھ روپے، پاکستان اسکواش فیڈریشن کو 50 لاکھ روپے، سوئمنگ فیڈریشن کو 22 لاکھ 50 ہزار روپے، ٹیبل ٹینس فیڈریشن کو 22 لاکھ 50 ہزار روپے اور ٹینس فیڈریشن کو 10 لاکھ روپے دیے گئے۔
یہ بھی پڑھیں: غیرمجاز طور پر ‘پاکستان’ کا نام استعمال کرنے پر باڈی بلڈنگ کی تربیت دینے والی تنظیم کو نوٹس جاری
پاکستان ٹین پن باؤلنگ فیڈریشن کو 25 لاکھ روپے، والی بال فیڈریشن کو 50 لاکھ روپے، ریسلنگ فیڈریشن کو 30 لاکھ روپے اور ووشو فیڈریشن کو 10 لاکھ روپے کی گرانٹ جاری کی گئی۔
تقریب کا مقصد کھلاڑیوں اور کھیلوں کی تنظیموں کی حوصلہ افزائی کرنا اور ملک میں کھیلوں کے فروغ کے لیے مالی معاونت فراہم کرنا تھا۔ اس اقدام کو کھیلوں سے وابستہ حلقوں نے سراہا اور امید ظاہر کی کہ حکومت کا یہ تسلسل مستقبل میں مزید بہتر نتائج لائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارشد ندیم پاکستان اسپورٹس بورڈ فیڈریشن کیش انعامات
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی