کراچی، ڈاکوؤں کی فائرنگ سے تین بچوں کا باپ اسپتال میں دم توڑ گیا
اشاعت کی تاریخ: 13th, May 2025 GMT
کراچی:
شہر قائد کے علاقے اورنگی ٹاؤن میں پیر کی شب ڈاکوؤں کی فائرنگ سے زخمی ہونے والا شخص دوران علاج زخموں کی تاب نہ لاتے ہوئے جاں بحق ہوگیا ، مقتول نجی کمپنی کا ملازم اور تین بچوں کا باپ تھا
تفصیلات کے مطابق پیرآباد کے علاقے اورنگی ٹاؤن سیکٹر فائیو ای غوثیہ مسجد کے قریب فائرنگ سے ایک شخص شدید زخمی ہوگیا جسے طبی امداد کے لیے عباسی شہید اسپتال منتقل کیا گیا جہاں سے ابتدائی طبی امداد کے بعد نارتھ ناظم آباد میں واقعے نجی اسپتال لے جایا گیا۔
ترجمان کراچی پولیس کے مطابق زخمی ہونے والے شخص کی شناخت 38 سالہ محمد کاشان ولد ارشاد حسین کے نام سے کی گئی ، کاشان کے سینے پر گولی لگی تھی جو پیر اور منگل کی درمیانی شب نجی اسپتال میں دوران علاج زخموں کی تاب نہ لاتے ہوئے جاں بحق ہوگیا۔
مزید پڑھیں: کراچی؛ مسجد کے باہر ٹرانسپورٹر کو قتل کرنے کی ویڈیو سامنے آگئی
ترجمان کراچی پولیس کے مطابق واقعہ ڈکیتی کی واردات کے دوران مزاحمت کرنے پر پیش آیا ، مقتول کے کزن نے بتایا کہ محمد کاشان اورنگی ٹاون نمبر پانچ ای ڈاکخانہ کے قریب کا رہائشی اور نجی کمپنی میں ملازمت کرتا تھا جبکہ مقتول تین بچوں کا باپ تھا دو لڑکیاں اور ایک لڑکی ، چھوٹی بیٹی کی 8 ماہ قبل پیدائش ہوئی تھی۔
مقتول کے کزن نے واقعے کے بارے میں بتایا کہ موٹر ساٸیکل سوار ملزمان لوٹ مار کر کے فرار ہو رہے تھے اور پولیس اہلکار ان کے تعاقب میں لگے ہوگئے تھے اسی دوران ملزمان موٹرسائیکل سے گرے تاہم انہوں نے اٹھتے ہی اندھا دھند فائرنگ شروع کر دی۔
ملزمان کی فاٸرنگ کی زد میں آکر راہگیر کاشف سینے میں گولی لگنے سے زخمی ہوا تھا ، پولیس نے ضابطے کی کارروائی کے بعد لاش ورثا کے حوالے کر دی ۔
.ذریعہ: Express News
پڑھیں:
شاہ لطیف ٹائون میں فائرنگ سے 2 افراد زخمی ہوگئے
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شاہ لطیف ٹائون میں فائرنگ سے 2 افراد زخمی ہوگئے۔پولیس کا کہنا ہے کہ زخمیوں ک دعویٰ ہے کہ یہ واقعہ ڈکیتی مزاحمت کی وجہ پیش آیا ہے۔تفصیلات کے مطابق شاہ لطیف ٹائون تھانہ کے علاقے شیدی گوٹھ میں موٹرسائیکل سوار ملزمان نے مرغی کے انڈے کی سپلائی کرنیوالی سوزوکی پک میں سوار افرادکو روکنے کی کوشش نہ رکنے پر فائرنگ کردی اور فرار ہوگئے فائرنگ کے نتیجے میں 55سالہ عبدالخالق اور43سالہ سجاد زخمی ہوگئے جنہیں ایمبولنس کی مددسے جناح اسپتال منتقل کیا گیا۔ ایس ایچ او شاہ لطیف ممتاز مروت نے بتایا کہ مضروبین کے بیان کے مطابق وہ انڈے کی سپلائی کررہے تھے کہ اس دوران انھیں ایک موٹرسائیکل پر سوار دو ملزمان نے روکنے کی کوشش کی جنھو ں نے چہرے پر ماسک لگائے ہوئے تھے نہ رکنے پر ملزمان نے فائرنگ کردی اور فرار ہوگئے۔ پولیس کے مطابق مضروبین کے پاس سے دو سے ڈھائی لاکھ روپے کی رقم موجود تھی لیکن لوٹ مار نہیں ہوئی تاہم پولیس کی مزید تفتیش کررہی ہے۔
عوام کی حفاظت ذمہ داری، انتشار پھیلانے کی ہرگز اجازت نہیں دیں گے: مریم نواز