نیو کراچی میں پولیس سے مقابلے میں 2 ڈاکو مارے گئے
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں چھاپوں، کومبنگ آپریشن اور پولیس مقابلوں کے نتیجے میں دو ڈاکو ہلاک، زخمیوں سمیت 36 ملزمان کو گرفتار کر لیا گیا، ملزمان سے اسلحہ، موٹر سائیکلیں، منشیات، نقدی‘ موبائل فون اور مسروقہ سامان برآمد ہوا۔ تفصیلات کے مطابق نیو کراچی سیکٹر الیون ای کنٹری ٹاور کے قریب سیکورٹی ون میں تعینات پولیس اہلکار کی فائرنگ سے دو ڈاکو ہلاک اور ایک موقع سے فرار ہوگیا۔ فائرنگ کے تبادلے میں ایک ڈاکو موقع پر ہی ہلاک ہوگیا جس کی شناخت یاسین بنگانی ولد محمد بخش کے نام سے ہوئی۔ فائرنگ کے دوران دوسرا ڈاکو زخمی ہوا جسے پولیس نے گرفتار کرکے عباسی شہید اسپتال منتقل کیا تاہم وہ دورانِ علاج دم توڑ گیا۔ پولیس کے مطابق تیسرا زخمی ڈاکو موقع سے فرار ہونے میں کامیاب ہوگیا جس کی تلاش جاری ہے۔ پولیس کا کہنا ہے کہ ہلاک ملزم کے قبضے سے 9 ایم ایم پستول مع 2 راؤنڈ برآمد کیے گئے جبکہ اس کا سابقہ کریمنل ریکارڈ بھی منظرِ عام پر آگیا ہے۔ یاسین کے خلاف تھانہ اسٹیل ٹاؤن میں 2016ء کے دوران متعدد مقدمات درج تھے جن میں ڈکیتی، مزاحمت اور فائرنگ کے واقعات شامل ہیں۔ ایس ایچ اور لعل نند کے مطابق ڈاکس تھانے کی حدود مچھر کالونی شیرازی چوک کے قریب جنگل سائیڈ میں پولیس اور ملزمان کے درمیان مبینہ مقابلہ ہوا۔ اس دوران ملزم دل محمد عرف لنگڑا ولد نور السلام کو زخمی حالت میں گرفتار کرلیا۔ ملزم کا ساتھی موقع سے فرار ہونے میں کامیاب ہوگیا ، ایس ایچ اور لعل نند کا کہنا ہے کہ ایک دوسری کاروائی کے دوران دو مسلح ڈکیتوں کو مائی کولاچی روڈ سے گرفتار کیا ۔ملزمان کی شناخت نور ولی اور عاصم کے ناموں سے ہوئی۔ملزمان کے قبضے سے بوقت گرفتاری دو عدد پستول اور ایک سرقہ شدہ آئی فون برآمد ہوا۔ملزمان نے بوٹ بیسن کے علاقے میں واردات کرتے ہوئے آئی فون موبائل چھینا تھا جوکہ ملزمان کے قبضے سے برآمد کرلیا گیا ہے۔ملزمان کو مزکورہ بالا واردات کی CCTV فوٹیج کی مدد سے شناخت بھی کیا گیا ۔ واضح رہے کہ گرفتار ملزم نور ولی پولیس مقابلے میں ایک اہلکار کو زخمی کرنے کے جرم میں 7 سال جیل بھی کاٹ چکا ہے۔ملزمان کے خلاف سندھ آرمز ایکٹ کے تحت مقدمات درج کر کے مزید تفتیش کی جا رہی ہے۔اسی طرح رضویہ تھانے کی حدود گولیمار جہانگیر آباد ندی کنارے کے قریب پولیس اور مشتبہ ملزمان کے درمیان فائرنگ کا تبادلہ ہوا، جس کے نتیجے میں ایک ملزم 22سالہ اسامہ ولد تنویر کو زخمی حالت میں گرفتار کرلیا گیا۔جبکہ پاک کالونی تھانے کی حدود میں حافظ مل گلی گورنمنٹ اسکول کے قریب پولیس مبینہ مقابلے کے بعد2 زخمیوں سمیت تین ملزمان کو گرفتار کرلیا گیا۔
ذریعہ: Jasarat News
کلیدی لفظ: ملزمان کے کے قریب کو زخمی
پڑھیں:
شاہراہ فیصل پر پولیس لائٹ لگی گاڑی سے 11 کلو چرس برآمد، 2 ملزمان گرفتار
پولیس نے شاہراہ فیصل پر اسٹارگیٹ کے قریب کار سے 11 کلو چرس برآمد کرلی۔ ایس ایچ او کلیم موسیٰ نے بتایا کہ شاہراہ فیصل پر اسٹار گیٹ کے قریب گاڑی کو روکے جانے پر ملزمان نے خودکو سرکاری اہلکار ظاہر کیا اور گاڑی اہم شخصیت کی بتائی۔ پولیس کا کہنا ہے کہ ملزمان نےگاڑی پرغیرقانونی پولیس لائٹ بھی لگا رکھی تھی، گاڑی کی چیکنگ کے دوران اس میں سے چرس کے 18 پیکٹ برآمد ہوئے۔ پولیس کے مطابق گاڑی سے مجموعی طور پر 11کلو چرس برآمد ہوئی جس پر 2 ملزمان کو گرفتار کرلیا گیا ہے۔ ایس ایچ او کلیم موسیٰ نے مزید بتایا کہ ملزمان شریف بازئی اور ذوالقرنین کے خلاف ائیرپورٹ تھانے میں مقدمہ درج کرلیا گیا ہے۔
بلوچستان حکومت کے دعوے صرف دعووں تک محدود ہیں، مولانا واسع