معرکہ حق میں افواج پاکستان نے بھارت کی عددی برتری کے غرور کو خاک میں ملا دیا، وزیراعظم
اشاعت کی تاریخ: 13th, May 2025 GMT
معرکہ حق میں افواج پاکستان نے بھارت کی عددی برتری کے غرور کو خاک میں ملا دیا، وزیراعظم WhatsAppFacebookTwitter 0 13 May, 2025 سب نیوز
اسلام آباد(آئی پی ایس) وزیرِ اعظم محمد شہباز شریف نے کہا ہے کہ معرکہ حق میں افواج پاکستان نے بھارت کی عددی برتری کی خوش فہمی اور غرور کو خاک میں ملا دیا۔
وزیرِ اعظم نے معرکہ حق کے شہداء کو خراج عقیدت اور ملک کی خاطر اپنی جانوں کا نذرانہ پیش کرنے والوں کے اہل خانہ کو خراج تحسین پیش کیا۔ انہوں نے ارض وطن کے تحفظ کے دوران پاک فضائیہ کے 5 اور پاک فوج کے 6 افسران و جوانوں کی شہادت پر انہیں نذرانہ عقیدت پیش کیا۔
شہباز شریف نے کہا کہ ہم نے نہ صرف ملک کا بھرپور دفاع کیا بلکہ پاکستان کی سالمیت اور خودمختاری پر کوئی آنچ نہیں آنے دی۔ افواج پاکستان کے بہادر افسران و جوانوں نے وطن کی حفاظت کا اپنی قوم سے کیا ہوا عہد پورا کیا۔
انہوں نے کہا کہ مجھ سمیت پوری قوم کو اپنے شہداء اور ان کے اہل خانہ پر فخر ہے، اپنے بہادر سپوتوں کی قربانیوں کو قوم کبھی فراموش نہیں کرے گی۔
وزیراعظم نے کہا کہ آپریشن بنیان المرصوص نے بھارت کو بھرپور جواب دیا اور بھارت کو واضح کر دیا کہ اسے خطے میں موجود دوسرے ممالک کی سالمیت اور خودمختاری کا احترام کرنا ہوگا۔ ہم پر امن قوم ہیں، مگر کسی بھی جارحیت کا جواب دینا جانتے ہیں اور آپریشن بنیان المرصوص اس کا واضح ثبوت ہے۔
وزیرِ اعظم نے بھارتی جارحیت کے نتیجے میں 15 کم سن بچوں اور 7 خواتین سمیت 40 معصوم لوگوں کی شہادت پر گہرے دکھ اور رنج کا اظہار کیا۔
انہوں نے کہا کہ ہم شہدائے وطن کو نہ بھولے ہیں نہ بھولیں گے اور انکے اہل خانہ کو تنہا نہیں چھوڑیں گے، شہداء پیکیج کا اعلان کیا جا چکا، شہداء کے اہل خانہ کی کفالت کی ذمہ داری ریاست بھرپور طریقے سے انجام دے گی۔
وزیرِ اعظم نے شہداء کی بلندی درجات اور ان کے اہل خانہ کے لیے صبر کی دعا کی جبکہ معرکہ حق میں زخمیوں کی جلد صحت یابی کی دعا بھی کی۔
صدر آصف علی زرداری نے پاکستان پر بلااشتعال بھارتی حملوں کے نتیجے میں شہید ہونے والوں کو خراجِ عقیدت پیش کیا۔
آصف علی زرداری نے کہا کہ ملکی سلامتی کی خاطر جان کا نذرانہ پیش کرنے پر پوری قوم پاک فوج اور پاک فضائیہ کے بہادر سپوتوں کو سلام پیش کرتی ہے، ہمیں اپنے شہداء کی قربانیوں پر فخر ہے۔
صدر مملکت نے کہا کہ پاکستانی قوم اور مسلح افواج بھارتی جارحیت کے خلاف سیسہ پلائی دیوار کی طرح کھڑے رہیں، ہماری بہادر افواج نے قوم اور ملکی سالمیت کا کامیابی سے دفاع کیا۔ آپریشن بنیان مرصوص سے ہماری بہادر افواج نے دشمن کا غرور خاک میں ملا دیا۔
آصف علی زرداری نے کہا کہ بھارتی صریح جارحیت نے پوری پاکستانی قوم کو مزید متحد اور مضبوط کر دیا، پاکستانی قوم اور اسکی بہادر افواج کسی بھی جارحیت کا جواب دینے کے لیے ہر وقت تیار ہیں، ملکی سلامتی و خودمختاری پر ہونے والے ہر حملے کا منہ توڑ جواب دیں گے۔
صدر مملکت نے بھارتی حملوں کے دوران بچوں اور خواتین سمیت قیمتی جانی نقصان پر گہرے دکھ اور رنج کا اظہار کیا۔ انہوں نے شہدا کے لواحقین کے ساتھ اظہار تعزیت اور صبر جمیل کی دعا کی جبکہ زخمیوں کے لیے بھی جلد صحتیابی کی دعا کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاک بھارت کشیدگی کے بعد پاکستان کا فلائٹ آپریشن معمول پر آگیا مذاکرات میں آبی تنازع حل نہ ہوا تو پاک بھارت جنگ بندی خطرے میں پڑسکتی ہے، اسحاق ڈار بھارت کیساتھ کشیدگی کا پاکستان پر کوئی بڑا مالی اثر نہیں پڑیگا: وفاقی وزیر خزانہ پاک فوج نے 6 اور 7 مئی کی درمیانی شب بھارتی جارحیت میں شہید افسران اور شہریوں کی تعداد جاری کردی آپریشن سندور ،بھارت ماتا کی مانگ میں راکھ بھر گیا، سینیٹر عرفان صدیقی پشاور میں ڈرونز اور کواڈ کاپٹر اڑانے پر پابندی، دفعہ 144نافذ جی ایچ کیو حملہ کیس، رہنما پی ٹی آئی کی امریکا جانے کی اجازت سے متعلق درخواست مستردCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: خاک میں ملا دیا افواج پاکستان معرکہ حق میں کے اہل خانہ نے کہا کہ انہوں نے بھارت کی نے بھارت کی دعا کے لیے
پڑھیں:
جنگ جیت چکے، بھارت کے ساتھ جامع اور نتیجہ خیز مذاکرات کے لیے تیار ہیں: وزیراعظم کا جنرل اسمبلی میں خطاب
وزیراعظم شہباز شریف نے کہا ہے کہ بھارت کو دیا گیا فیصلہ کن جواب تاریخ میں ہمیشہ یاد رکھا جائے گا، ہم جنگ جیت چکے ہیں اور اب ہم اپنے خطے میں امن چاہتے ہیں. پاکستان بھارت کے ساتھ تمام تصفیہ طلب امور پر جامع اور نتیجہ خیز مذاکرات کے لیے تیار ہے۔جمعے کو نیویارک میں اقوام متحدہ کی جنرل اسمبلی میں وزیراعظم شہبازشریف کے خطاب کے دوران اسرائیلی وزیراعظم نیتن یاہو کا بائیکاٹ کرنے والے متعدد عرب اور مسلم ممالک کے اراکین واپس آگئے، جس کے بعد مندوبین نے تالیاں بجا کر وزیراعظم شہبازشریف کو خوش آمدید کہا۔وزیراعظم نے اقوام متحدہ کی جنرل اسمبلی میں تقریر کا آغاز کا قرآنی آیت کے ساتھ کیا اور مظلوم فلسطینیوں سے اظہار یکجہتی کیا جب کہ شہبازشریف نے اقوام متحدہ کے سیکرٹری جنرل انتونیو گوتریس کو بھی خراج تحسین پیش کیا۔وزیراعظم نے اپنے خطاب میں کہا کہ آج دنیا جس مشکل کا شکار ہے کبھی نہیں ہوئی، جعلی خبروں نے اعتماد کی فضا کم کی ہے، موسمیاتی تبدیلی ہماری بقا کو داؤ پر لگارہی ہے. پاکستان کی خارجہ پالیسی امن، احترام اور تعاون کی بنیاد پر ہے، ہماری پالیسی تمام اختلافات کو مزاکراتی کے ذریعے حل کرنا ہے۔شہبازشریف نے کہا کہ میرا ملک مشرق فرنٹ سے مسلسل حملوں کی زد میں ہے. بھارت انسانی المیے پر سیاست کررہا ہے.میری مخلص پیشکش کے باوجود بھارت ہمارے معصوم شہریوں کو ٹارگٹ کررہا ہے. فیڈل مارشل اور ظہیر بابر ظہیر سدھو نے بھارت کو جواب دیا. بھارت کے 7 لڑاکا طیاروں کو مٹی کا ڈھیر بنادیا۔اقوام متحدہ کی جنرل اسمبلی سے خطاب کے دوران بھارت کی دہشت گردی پر بات کی تو وزیراعظم شہباز شریف کی آڈیو رک گئی۔
وزیراعظم شہباز شریف نے بنیان مرصوص آپریشن کا تذکرہ کرتے ہوئے کہا کہ بھارت کو ایسا فیصلہ کن جواب دیا جسے تاریخ میں ہمیشہ یاد رکھا جائے گا. بھارت کے 7 جنگی طیاروں کو ملبے کا ڈھیر بنا دیا گیا، فیلڈ مارشل عاصم منیر کی قیادت میں جرات کا مظاہرہ کیا. ایئر چیف کی قیادت میں شاہینوں نے دشمن کو زیر کیا۔انہوں نے مزید کہا کہ بھارت نے انسانی المیے سے سیاسی فائدہ اٹھانے کی کوشش کی، بھارت نے شہری علاقوں پر حملہ کرکے معصوم شہریوں کو نشانہ بنایا، پاکستان نے اقوام متحدہ کے چارٹر کے مطابق حق دفاع استعمال کیا، ہم جنگ جیت چکے ہیں اور اب ہم اپنے خطے میں امن چاہتے ہیں، پاکستان بھارت کے ساتھ تمام تصفیہ طلب امور پر جامع اور نتیجہ خیز مذاکرات کے لیے تیار ہے۔امریکی صدر کا شکریہ اداکرتے ہوئے وزیراعظم نے کہا کہ ڈونلڈ ٹرمپ نے جنوبی ایشیا میں جنگ رکوائی، امریکی صدر کے امن کے لیے اس کردار پر پاکستان نے انہیں نوبیل انعام دینے کی سفارش بھی کی۔وزیراعظم کے بقول غزہ میں اسرائیل کی نسل کشی جاری ہے، ہر روز اسرائیل کی بربیت کی ایک نئی داستان رقم ہوتی ہے، ہم نے کبھی ایسی دہشتگری اور بربریت نہیں دیکھی، ہند رجب ہمیں کبھی معاف نہیں کرے گی، سب سے چھوٹا تابوت اٹھانا سب سے مشکل ہوتا ہے، میں نے 7 سالہ بچے کا تابوت اٹھایا۔
پاکستان نے غزہ میں فوری جنگ بندی کا مطالبہ کردیا۔ شہباز شریف نے کہا کہ ایک آزاد فلسطینی ریاست اور القدس اسکا دارالحکومت ہو، فلسطین اسرائیل کے تلسط میں نہیں رہ سکتا.فلسطین کو فوری طور پر آزاد ہونا چاہیے، وقت کسی کا انتظار نہیں کرتا، ٹرمپ کا مسلم ممالک کے اجلاس بلائے جانے پر شکریہ ادا کرتا ہوں، غزہ میں جنگ بندی ہوئی تو کریڈٹ ٹرمپ کا جائے گا، ہم یوکرین جنگ کا بھی پرامن حل چاہتے ہیں۔وزیراعظم نے کہا کہ نیو یارک میں کوئی قتل ہو تو وہ لاہور میں قتل ہے، ہم ایک گلوبل ولیج میں رہتے ہیں، ہم دہشت گردوں کو نہیں روکتے تو وہ نیویارک میں گھوم رہے ہوتے، آج ہم ٹی ٹی پی، فتنہ الخوارج، فنتہ الہندوستان، بی ایل اے، مجید بریگیڈ کے حملوں کا سامنا کررہے ہیں، جعفر ایکسپریس کو ہائی جیک کیا گیا، 400 افراد شہید ہوئے۔وزیراعظم شہباز شریف نے بتایا کہ پاکستان کا پرامن افغانستان میں براہ راست اسٹیک ہے، افغان حکومت انسانی اور خواتین کے حقوق کا احترام کرے، افغان حکومت یقینی بنائے کہ سرزمین کسی ملک کے خلاف دہشتگردی کے خلاف استعمال نہیں ہوگی۔شہباز شریف کے بقول 2022 میں پاکستان نے بدترین سیلاب کا سامنا کیا، 34 ارب ڈالر اور جانوں کا نقصان ہوا، اس سال بھی سیلاب سے 1 ہزار سے زائد جاں بحق ہوئے، ہزاروں گھر تباہ ہوئے، فصلیں تباہ ہوئیں، لاکھوں بے گھر ہوئے، یہ سیلاب ماحولیاتی تبدیلی کے باعث آئے، موسمیاتی تبدیلی میں پاکستان کا حصہ ایک فیصد سے بھی کم ہے، اس کے باوجود ہم سیلاب بھگتے ہیں، پھر ہمیں کہا جاتا ہے کہ قرضہ لو اور اس پرسود دو، یہ جائز نہیں ہے، یہ انصف نہیں ہے۔انہوں نے مزید کہا کہ ہم سیلاب کا بھی سامنا کریں اور قرضے بھی چکائیں جب کہ ہمارا اس میں کوئی قصور نہیں ہے، آپ کیسے ایک ترقی پزیر ملک سے یہ توقع کرتے ہیں. قرضے لینے سے ہماری معیشت تباہ ہورہی ہے۔قبل ازیں اقوام متحدہ جنرل اسمبلی اجلاس میں شریک وزیراعظم شہباز شریف نے بھارتی میڈیا کو منہ توڑ جواب دے دیا۔جمعے کو اقوام متحدہ کی جنرل اسمبلی اجلاس میں ہال سے باہر جاتے ہوئے بھارتی نیوز چینل کے صحافی نے سرحد پار دہشت گردی سے متعلق سوال کیا جس پر وزیراعظم شہباز شریف جاتے ہوئے رک گئے اور ترکی بہ ترکی جواب دیا۔وزیراعظم نے کہا کہ ہم بھارت کی جانب سے کی جانے والی سرحد پار دہشت گردی کو شکست دے رہے ہیں۔
غیرملکیوں کو بلیک میل کرنے والا ملزم افغان سرحد کے قریب سے گرفتار