عمران خان سے تینوں بہنوں کی ملاقات
اشاعت کی تاریخ: 13th, May 2025 GMT
راولپنڈی(ڈیلی پاکستان آ ن لائن)بانیٔ پی ٹی آئی عمران خان سے ان کی تینوں بہنوں کی راولپنڈی کی اڈیالہ جیل میں ملاقات ہوگئی۔بانیٔ پی ٹی آئی سے علیمہ خان، نورین خان اور عظمیٰ خان نے ملاقات کی۔
واضح رہے کہ آج پاکستان تحریکِ انصاف (پی ٹی آئی ) کے بانی عمران خان کی تینوں بہنوں کو ان سے ملاقات کی اجازت مل گئی تھی۔
اڈیالہ جیل انتظامیہ نے علیمہ خان، نورین خان اور عظمیٰ خان کو ملاقات کےلیے پیغام بھجوایا تھا جس کے بعد وہ اپنے بھائی سے ملنے اڈیالہ جیل پہنچی تھیں۔بانیٔ پی ٹی آئی کے وکیل سلمان صفدر اور ظہیر عباس چوہدری بھی ملاقات کی اجازت ملنے کے بعد جیل کے اندر گئے تھے۔بشریٰ بی بی کی بھابی مہرالنساء کو بھی ان سے ملاقات کی اجازت ملی تھی۔اس موقع پر اڈیالہ جیل کے اطراف سیکیورٹی بہت سخت اور پولیس کی اضافی نفری تعینات کی گئی تھی، جیل آنے جانے والے راستوں پر پولیس نے ناکے لگا دیے تھے۔پولیس نے ناکے داہگل اور گورکھپور کے مقام پر لگائے اور جیل کی طرف جانے والی گاڑیوں کو چیکنگ کے بعد جانے دیا۔
سول ڈیفنس کو جدید خطوط پر استوار کرنے کیلئے 500 ملین روپے کے فنڈز جاری
مزید :.ذریعہ: Daily Pakistan
کلیدی لفظ: اڈیالہ جیل پی ٹی ا ئی ملاقات کی
پڑھیں:
بانیٔ پی ٹی آئی سے ملاقات نہ کروانے پر سیکریٹری داخلہ اور جیل سپرنٹنڈنٹ کو نوٹس جاری
— فائل فوٹواسلام آباد ہائی کورٹ نے عدالتی حکم کے باوجود بانیٔ پی ٹی آئی سے ملاقات نہ کروانے پر سیکریٹری داخلہ، جیل سپرنٹنڈنٹ اور دیگر فریقین کو نوٹس جاری کرکے جواب طلب کر لیا۔
عدالت میں جسٹس ارباب محمد طاہر نے وکیل سلمان اکرم راجا کی درخواست پر سماعت کی۔
وکیل سلمان اکرم راجا نے عدالت کو بتایا کہ آپ کے تحریری حکم کے باوجود آخری منگل کو ملاقات نہیں کروائی گئی، ایس ایچ او نے آپ کا حکم مانا ہی نہیں۔
اُنہوں نے عدالت سے اپیل کی کہ آج ڈپٹی رجسٹرار جوڈیشل کو ساتھ بھجوا دیں۔
جسٹس ارباب محمد طاہر نے کہا کہ کسی کو ساتھ نہیں بھیج سکتے، نوٹس جاری کرتے ہیں، قانون کے مطابق کارروائی کریں گے۔
سلمان اکرم راجا نے یہ استدعا بھی کی کہ عدالت اگلی سماعت کی تاریخ دے دے۔ جسٹس ارباب محمد طاہر نے کہا کہ آپ کو ایکس کیس سے پہلے کی تاریخ مل جائے گی جس پر سلمان اکرم راجا نے جواب دیا کہ وہ کیس تو دسمبر میں ہے، آج ملاقات کا دن ہے، عدالت ملاقات کی اجازت تو دے۔
جسٹس ارباب محمد طاہر نے اسسٹنٹ اٹارنی جنرل کو روسٹرم پر طلب کیا اور سوال کیا کہ ’اے جی صاحب ہمارے حکم کے بعد ان کی ملاقات کیوں نہیں ہوئی؟‘
جس پر اسسٹنٹ اٹارنی جنرل نے جواب دیا کہ ’ہم نے آگے بتا دیا تھا، میں متعلقہ حکام کو آج پھر آگاہ کر دوں گا۔‘
جسٹس ارباب محمد طاہر نے استفسار کیا کہ سلمان اکرم راجا ملاقات نہ کرسکے تو وہ کیس میں معاونت کیسےکریں گے؟
عدالت نے اسسٹنٹ اٹارنی جنرل کو سلمان اکرم راجا کی جیل ملاقات کا معاملہ دیکھنے کی ہدایت کردی اور توہین عدالت درخواست پر فریقین کو نوٹس جاری کرتے ہوئے سماعت ملتوی کر دی۔
جامعات میں 200+ افغان اسٹوڈنٹس کے زیرِتعلیم ہونے کا انکشاف