ٹیکسلا میں بدھ مت کے مقدس مقام پر عالمی امن کے لیے دعائیں
اشاعت کی تاریخ: 14th, May 2025 GMT
دنیا بھر میں بدھ مت کے ماننے والوں کے لیے ٹیکسلا میں موجود مقدس مقام ’دھرما راجیکا اسٹوپا‘ روحانی منظر کا گواہ بنا جب تھائی لینڈ اور سری لنکا سے تعلق رکھنے والے راہبوں نے یہاں خصوصی عبادات، بھجن خوانی اور دعائیں کیں۔ ان کا مقصد دنیا، خصوصاً جنوبی ایشیا میں امن و ہم آہنگی کے پیغام کو اجاگر کرنا تھا۔
’دھرما راجیکا اسٹوپا‘ اسٹوپا تیسری صدی قبل مسیح میں تعمیر ہوا، اور اسے وہ مقام سمجھا جاتا ہے جہاں پہلی صدی عیسوی میں عظیم موریہ حکمران اشوک نے جنگ و جدل کو خیر باد کہہ کر بدھ مت کے پیغامِ محبت، رواداری اور بھائی چارے کی تبلیغ کا آغاز کیا۔ پانچویں صدی عیسوی میں یہاں سے امن و برداشت کا پیغام دنیا بھر میں پھیلا۔
تھائی راہب فرا سامو سِتچوک نے کہا کہ اس عبادت کا مقصد دنیا کو یہ باور کرانا تھا کہ پاکستان ایک محفوظ ملک ہے، اور یہاں بدھ مت کے مقدس آثار آج بھی محفوظ ہیں۔ ان کے بقول ٹیکسلا وہ سرزمین ہے جہاں گندھارا تہذیب نے بدھ مت کے علم کو عام کیا۔ بدھ مت کے پیروکار جب یہاں آتے ہیں، تو وہ خود کو دنیا کے خوش نصیب ترین افراد میں شمار کرتے ہیں۔
مزید پڑھیں: بازیرہ: ٹیکسلا کے بعد پاکستان کی سب سے بڑی آرکیالوجیکل سائٹ
سری لنکن راہب دھمویرا تھیرو کا کہنا تھا کہ یہ مقام نہ صرف بدھ مت کے لیے مقدس ہے بلکہ یہ وہ زمین ہے جہاں صدیوں پہلے مختلف علاقوں سے راہب علم حاصل کرنے اور عبادات کی غرض سے آیا کرتے تھے۔ انہوں نے مزید کہا کہ ہم نے اس مقام کو اس لیے چُنا کیونکہ یہی وہ جگہ ہے جہاں اشوک اعظم نے امن کی بحالی کا آغاز کیا تھا۔ یہاں کی مٹی آج بھی ہمیں محبت اور یکجہتی کا پیغام دیتی ہے۔
راہب دھمویرا تھیرو نے پاکستانی حکومت کے اقدامات کو سراہا اور کہا کہ پاکستان نے ہمیشہ سری لنکا کی مدد کی ہے۔ انہوں نے امید ظاہر کی کہ پاکستان مذہبی سیاحت کو فروغ دے گا تاکہ دنیا بھر سے لوگ ان تاریخی اور روحانی مقامات کا رخ کر سکیں۔
ان کا مزید کہنا تھا کہ ٹیکسلا کا تاریخی ورثہ 2 ہزار سال پرانا ہے۔ ہمیں خوشی ہے کہ ہم ان مقامات کی حفاظت میں اپنا کردار ادا کر رہے ہیں۔ یہاں کے آثار قدیمہ بہترین حالت میں محفوظ ہیں اور یہ دنیا کے بڑے قدیم خانقاہی مراکز میں شمار ہوتے ہیں۔
بدھ مت میں عالمی امن کے لیے کی جانے والی دعائیں ہمدردی، فہم اور شعور کو بیدار کرنے پر مرکوز ہوتی ہیں، تاکہ دنیا سے نفرت، ناانصافی اور مصیبت کے اندھیرے دور کیے جا سکیں۔ ان دعاؤں کا مقصد منفی جذبات کو مثبت اوصاف میں تبدیل کرنا اور تمام مخلوق کے لیے ہم آہنگی پیدا کرنا ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بدھ مت پاکستان تھائی راہب فرا سامو سِتچوک ٹیکسلا دھرما راجیکا اسٹوپا‘ راہب سری لنکن راہب دھمویرا تھیرو عالمی امن کی دعائیں.ذریعہ: WE News
کلیدی لفظ: پاکستان ٹیکسلا راہب سری لنکن راہب دھمویرا تھیرو عالمی امن کی دعائیں بدھ مت کے ہے جہاں کے لیے
پڑھیں:
سیلا ب سے گلگت میں تباہی، شاہراہ ریشم بند، نالہ ڈیک پل، گجرات میں چناب کا بند بہہ گیا
گلگت؍ لاہور؍ ظفر وال؍ سیالکوٹ؍ گجرات (نوائے وقت رپورٹ+ نیوز رپورٹر+ نمائندگان+ نامہ نگار) دریائے ہنزہ پھر بپھر گیا۔ ریلوں نے تباہی مچا دی۔ جبکہ ظفر وال میں نالہ ڈیک کے بہاؤ میں اضافے سے پل بیٹھ گیا۔ پسرور اور گجرات میں بند ٹوٹ گئے۔ تفصیلات کے مطابق دریائے ہنزہ پھر بپھر گیا۔ گلگت اور گوجال کے مقام پر سیلابی ریلوں نے تباہی پھیر دی جبکہ پچاس سے زائد مزدور ریلے کی زد میں آنے سے بال بال بچے۔ حکومت گلگت کے ترجمان نے کہا کہ پہاڑی پتھر شاہراہ ریشم پر تواتر سے گرتے رہے۔ حکومت نے ہنزہ انتظامیہ کو امدادی کارروائیاں تیز کرنے کی ہدایت کی۔ بلتستان کے علاقہ شگر میں اراضی اور درخت ریلوں میں بہہ گئے۔ ہنزہ کے مقام پر شاہراہ ریشم بلاک ہو گئی جس کے نتیجے میں مسافر پھنس گئے۔ واٹر چینل کی بحالی کے دوران اچانک سیلاب آیا جس کے نتیجے میں 50 مزدوروں نے بھاگ کر جانیں بچائیں۔ دریں اثناء بھارت کی جانب سے آئندہ 2 روز میں دریائے ستلج میں پانی چھوڑے جانے کا خدشہ ہے۔ دریائے ستلج میں گنڈا سنگھ کے مقام پر سیلاب نچلے درجے سے معمول پر آ گیا۔ دریائے ستلج کے بہاؤ میں مزید اضافے کا خدشہ ہے۔ دریائے چناب میں مرالہ، خانکی اور قادر آباد کے مقام پر درمیانے سے اونچے درجے کے سیلاب کی وارننگ جاری کر دی گئی۔ پی ڈی ایم اے پنجاب نے مون سون بارشوں کے ساتویں سپیل کے بارے میں الرٹ جاری کر دیا۔ 13 سے 15 اگست کے دوران پنجاب کے بیشتر اضلاع میں شدید مون سون بارشوں کی پیشگوئی کی ہے۔ راولپنڈی، گوجرانوالہ، لاہور اور ڈیرہ غازی خان میں شدید بارشوں کا امکان ہے۔ لاہور، راولپنڈی، گوجرانوالہ اور سیالکوٹ میں اربن فلڈنگ کا خدشہ ہے۔ ظفروال میں نالہ ڈیک میں پانی کی سطح میں اضافہ سے ہنجلی پل بیٹھ گیا، جس کے بعد ظفر وال تا سیالکوٹ روڈ ہر قسم کی ٹریفک کے لیے بند کر دی گئی ہے۔ موضع منگوال اور موضع لہڑی کے مقام سے نالہ ڈیک کا سیلابی پانی منگوال اور گردو نواح کے کھیتوں میں داخل ہو گیا جبکہ پسرور کے علاقہ مندی پور میں نالہ ڈیک کا بند ٹوٹنے سے کھیتوں میں پانی داخل ہو گیا۔ گجرات میں دریائے چناب کا درجنوں دیہات کو محفوظ بنانے والا 40 فٹ اونچا حفاظتی بند پانی میں بہہ گیا جس سے ملحقہ درجنوں دیہاتوں شیخ چوگانی، سرخ پور، کوٹ نکہ، کوٹ غلام، چوپالہ، شہباز پور، موہلہ، کوٹ نتھو کولوال، سماں سمیت کئی علاقوں کا متاثر ہونے کا خدشہ ہے۔ دریں اثناء ڈپٹی کمشنر نارووال سید حسن رضا اور اسسٹنٹ کمشنر ظفروال کے ہمراہ متاثرہ پل کا دورہ کیا، نالہ ڈیک میں طغیانی سے زمین میں دھنسنے والے چہور بریج کے دو پلر کی مرمت کیلئے ہنگامی اقدامات جاری کر دئیے۔ جستی والا گاؤں کے پاس حفاظتی بند میں کٹائو کی جگہ ایکسین ایریگیشن نارووال کہ زیر نگرانی آپریشن جاری، جستی والا بند کو درختوں کے تنے، پتھر اور مٹی ڈال کر محفوظ بنا دیا گیا۔ دریں اثناء لاہور کے کئی علاقوں میں ہلکی بارش اور بوندا باندی سے موسم خوشگوار ہوگیا۔
امریکا: کتے نے بوتلوں سے ڈھکن ہٹانے کا انوکھا ریکارڈ بنا ڈالا