احتجاج سے متعلق کل حتمی طریقہ کار وضع کیا جائے گا، جنید اکبر
اشاعت کی تاریخ: 14th, May 2025 GMT
— فائل فوٹو
پی ٹی آئی خیبر پختونخوا کے صدر جنید اکبر نے کہا ہے کہ احتجاج سے متعلق کل حتمی طریقہ کار وضع کیا جائے گا۔
جیو نیوز سے گفتگو کرتے ہوئے جنید اکبر نے کہا کہ کل پارٹی قیادت نے چاروں صوبوں کے صدور کو اعلیٰ سطح اجلاس کے لیے بلا لیا ہے۔ چاروں صوبوں، گلگت بلتستان اور جموں کشمیر کے صدور کو طلب کیا ہے۔
جنید اکبر نے کہا کہ کل ہونے والی نشست میں مستقبل کا لائحہ عمل طے کیا جائے گا، پارٹی نے 9 مئی کے بجائے 11 مئی کو جو احتجاج کیا وہ ملک گیر تھا، 11 مئی کا احتجاج سابقہ مظاہروں سے بہتر تھا۔
بانی پی ٹی آئی کی جانب سے جنید اکبر کو پی اے سی کی چیئرمین شپ چھوڑنے کی ہدایت ملنے کی وجہ سامنے آگئی۔
انہوں نے کہا کہ صدر بننے کے بعد رمضان کے باوجود 24 اضلاع میں جا کر کنونشن کیے، 3 ماہ میں ورکرز کو موبلائز کرنے کے لیے گراؤنڈ پر کردار ادا کیا۔
جنید اکبر نے کہا کہ 26 نومبر کے بعد ورکرز میں مایوسی تھی، ورکرز کو ریاستی اداروں اور قیادت سے سخت مایوسی تھی، ہر ضلع میں جا کر ورکرز کو دوبارہ حوصلہ دلایا۔
.ذریعہ: Jang News
کلیدی لفظ: جنید اکبر نے کہا نے کہا کہ
پڑھیں:
بانی پی ٹی آئی کی جنید اکبر کو پی اے سی کی چیئرمین شپ چھوڑنے کی ہدایت
—فائل فوٹوبانی پی ٹی آئی عمران خان نے جنید اکبر کو پبلک اکاونٹس کمیٹی (پی اے سی) کی چیئرمین شپ چھوڑنے کی ہدایت کردی۔
ذرائع کے مطابق عمران خان کی بہن علیمہ خان نے پی اے سی کی چیئرمین شپ سے متعلق بانی پی ٹی آئی کا پیغام قیادت کو پہنچا دیا۔
ذرائع نے بتایا کہ علیمہ خان نے بانی پی ٹی آئی کا تحریری حکم بیرسٹر گوہر اور سلمان اکرم راجہ کو پہنچایا۔
وزیرِ اعظم شہباز شریف سے بات چیت میں چیئرمین پی ٹی آئی بیرسٹر گوہر نے بانی پی ٹی آئی عمران خان کی رہائی کا مطالبہ کر دیا۔
ذرائع کا کہنا ہے کہ بانی پی ٹی آئی نے ہدایت کی کہ جنید اکبر پارٹی عہدے پر مکمل توجہ دیں، جنید اکبر کی جگہ عمر ایوب کو پی اے سی کا چیئرمین بنائے جانے کا امکان ہے۔
اس حوالے سے جنید اکبر کا کہنا ہے کہ بانی پی ٹی آئی جب کہیں گے، پبلک اکاؤنٹس کمیٹی کی چیئرمین شپ چھوڑ دوں گا۔
دوسری جانب پی ٹی آئی کے سیکریٹری جنرل سلمان اکرم راجہ نے کہا کہ یہ پارٹی کا اندرونی معاملہ ہے، فی الحال کوئی مؤقف نہیں دینا چاہتا۔
بری خبر ، سینکڑوں ملازمین کو فارغ کر دیا گیا