شہباز شریف کا آپریشن بنیان مرصوص کی فرنٹ لائنز کا دورہ
اشاعت کی تاریخ: 14th, May 2025 GMT
— فائل فوٹو
وزیر اعظم شہباز شریف نے آپریشن بنیان مرصوص کی فرنٹ لائنز میں شامل پسرور چھاؤنی سیالکوٹ کا دورہ کیا۔
وزیرِاعظم شہباز شریف نے پسرور چھاؤنی سیالکوٹ کے دورے کے دوران آپریشن بنیان مرصوص میں شریک افسران و جوانوں سے ملاقات کی۔
اس موقع پر وزیراعظم کے ہمراہ نائب وزیراعظم و وزیر خارجہ اسحاق ڈار، وزیر دفاع خواجہ آصف، آرمی چیف جنرل سید عاصم منیر، ایئر چیف مارشل ظہیر احمد بابر سدھو بھی موجود تھے۔
سینئر وزیر سندھ شرجیل میمن نے کہا کہ بلاول بھٹو نے مودی کو گجرات اور کشمیر کا قصائی قرار دیا تھا، اب تو کہا جائے گا کہ مودی جنوبی ایشیا کا قصائی ہے۔
کور کمانڈر سیالکوٹ، اعلیٰ سول اور عسکری قیادت بھی وزیراعظم کے ساتھ دورے میں شامل رہی۔
وفاقی وزرا احسن اقبال، عطا تارڑ نے بھی وزیراعظم کے ساتھ دورہ کیا۔
ذرائع کے مطابق وزیر اعظم آئندہ چند روز کے دوران ایئر اور نیول بیسز کا بھی دورہ کریں گے جس دوران وہ پاک فضائیہ اور بحریہ کے افسران و جوانوں سے ملاقات بھی کریں گے۔
.ذریعہ: Jang News
پڑھیں:
وزیرِ اعظم شہباز شریف کا معرکہ حق کے شہداء کو خراج عقیدت، بھارتی جارحیت کے خلاف آپریشن “بنیان المرصوص” کی کامیابی کو قوم کی فتح قرار
اسلام آباد(نیوز ڈیسک) وزیرِ اعظم محمد شہباز شریف نے “معرکہ حق” کے شہداء کو زبردست خراج عقیدت پیش کرتے ہوئے کہا ہے کہ وطن عزیز کے تحفظ کے لیے جانوں کا نذرانہ پیش کرنے والے پاک فضائیہ کے 5 اور پاک فوج کے 6 افسران و جوانوں نے قربانی کی عظیم مثال قائم کی۔ وزیرِ اعظم نے شہداء کے اہل خانہ کو خراج تحسین پیش کرتے ہوئے کہا کہ پوری قوم کو اپنے بہادر سپوتوں پر فخر ہے، اور ان کی قربانیوں کو کبھی فراموش نہیں کیا جائے گا۔
وزیرِ اعظم نے کہا کہ ہم نے نہ صرف ملک کا دفاع کامیابی سے کیا بلکہ پاکستان کی سالمیت اور خودمختاری پر کوئی آنچ نہیں آنے دی۔ افواجِ پاکستان نے اپنے عزم اور جذبے سے دشمن کی عددی برتری اور غرور کو خاک میں ملا دیا۔
بھارتی جارحیت کے نتیجے میں 15 کم سن بچوں اور 7 خواتین سمیت 40 معصوم شہریوں کی شہادت پر گہرے دکھ اور افسوس کا اظہار کرتے ہوئے وزیرِ اعظم نے کہا کہ شہداء کے اہل خانہ کو تنہا نہیں چھوڑا جائے گا، اور ریاست ان کی بھرپور کفالت کرے گی۔
وزیرِ اعظم نے بتایا کہ شہداء پیکیج کا اعلان کیا جا چکا ہے اور شہداء کی بلندی درجات کے لیے دعا بھی کی۔ انہوں نے زخمیوں کی جلد صحت یابی کی بھی دعا کی۔
“آپریشن بنیان المرصوص” کو بھارتی جارحیت کا مؤثر جواب قرار دیتے ہوئے وزیرِ اعظم نے کہا کہ اس نے بھارت کو واضح پیغام دیا ہے کہ وہ نہ صرف پاکستان بلکہ خطے کے دوسرے ممالک کی خودمختاری کا احترام کرے۔
وزیرِ اعظم نے ایک بار پھر واضح کیا کہ پاکستان ایک پرامن قوم ہے، لیکن کسی بھی جارحیت کا منہ توڑ جواب دینے کی مکمل صلاحیت رکھتا ہے، اور “بنیان المرصوص” اس کا منہ بولتا ثبوت ہے۔
Post Views: 6
کراچی: خواجہ سراؤں کا بھارت مخالف احتجاج، مودی مردہ باد کے نعرے