بھارت اس وقت پوری دنیا میں آئسولیشن میں ہے اسے تاریخی شکست نصیب ہوئی، شرجیل میمن
اشاعت کی تاریخ: 14th, May 2025 GMT
کراچی:
سندھ کے سینئر وزیر شرجیل انعام میمن نے کہا ہے کہ بھارت نے دہشت گردی کو بنیاد بنا کر پرامن پاکستان پر جنگ مسلط کی جس کا پاکستان نے منہ توڑ جواب دیا۔
کراچی میں پریس کانفرنس کرتے ہوئے انہوں نے کہا کہ پوری پاکستانی قوم متحد ہو کر اپنی تاریخی فتح کا جشن منا رہی ہے پیپلز پارٹی کی جانب سے بھی تقریبات کا سلسلہ جاری ہے آج بھی حیدرآباد میں ایک ریلی ہو رہی ہے، کل بھی حکومت سندھ اور پیپلزپارٹی کی جانب سے تقریبات کا اہتمام کیا گیا ہے۔
ان کا کہنا تھا کہ پاکستان ہمیشہ دہشت گردی کے خلاف فرنٹ فٹ پر دہشت گردی سے مقابلہ کر رہا تھا دہشت گردی سے پاکستان نبرد آزما تھا اس کا فائدہ بھارت کو ہو رہا تھا، بھارت اور دہشت گرد تنظیمیں ممکنہ طور پر مشترکہ مفادات رکھتی ہیں جو مغربی ممالک کی دہشت گردی کے خلاف کوششوں کو کمزور کرنے اور ایک دوسرے کی مدد کرنے میں فائدہ مند ہو سکتے ہیں۔
دہشت گرد بھارت نے دہشت گردی کو بنیاد بنا کر پرامن پاکستان پر جنگ مسلط کی جس کا پاکستان نے منہ توڑ جواب دیا، بھارت اس وقت پوری دنیا میں آئسولیشن میں ہے، بھارت کو تاریخی شکست نصیب ہوئی، وہ بھی بھارت کے لئے ایک تاریخی سبق ہے پاکستان کی مسلح افواج، خاص طور پر پاک فضائیہ کے شاہینوں نے وہ کارنامہ سرانجام دیا ہے اس پر پوری قوم کو فخر ہے۔
انہوں نے کہا کہ مودی نے پاکستان پر جنگ مسلط کی، مودی کا طویل المدتی جنگ کا خواہاں تھا جس سے وہ اپنے آپ کو ایشین ٹائیگر ثابت کرنا چاہ رہا تھا، لیکن اس کو ناکامی نصیب ہوئی، پاکستان نے واضح طور پر کہا تھا کہ شروعات کروگے تو اختتام ہم کریں گے، پھر ٹارگٹ اور وقت ہماری مرضی کا ہوگا اور پاکستان نے وہ کر دکھایا۔
سینئر وزیر شرجیل انعام میمن نے کہا کہ مودی کا ماضی اس بات کا گواہ ہے کہ وہ ایسے واقعات کو انصاف فراہم کرنے یا داخلی احتساب کے عمل پر توجہ دینے کے بجائے سیاسی فائدے کے لیے استعمال کرتا ہے، ہم ایک پُرامن قوم ہیں، اور صدر ٹرمپ کی امن کوششوں کا خیرمقدم کرتے ہیں۔
انہوں نے کہا کہ بھارت دہشت گردی کے خلاف جنگ کا اصل فائدہ اٹھانے والا ملک ہے، نائن الیون کے بعد، حق خود ارادیت کی جائز جدوجہد کو دہشت گردی قرار دینے سے سب سے زیادہ فائدہ بھارت نے اٹھایا ہے، پہلگام واقعے کے بعد اس نے سندھ طاس معاہدہ معطل کیا، اور بالاکوٹ کے بعد اس نے آرٹیکل 370 اور 35A ختم کر دیے۔ بھارت نے کشمیریوں کو ان کی دہائیوں پر محیط جدوجہد کے باوجود نظرانداز اور پس پشت ڈالا ہے۔
شرجیل انعام میمن نے کہا کہ تمام ہمسایہ ممالک بھارت سے ناخوش اور بے چین ہیں۔ خواہ چین ہو، بنگلادیش ہو، یا نیپال ہو کوئی بھی بھارت سے خوش نہیں ہے اس پوری ایپی سوڈ میں جس طریقے سے پاکستان کا کیس ہمارے میڈیا ہاؤسز نے لڑا اس پر مبارکباد کے مستحق ہیں۔
ایک سوال کے جواب میں سینئر وزیر شرجیل انعام میمن نے کہا کہ پاکستان کا مقدمہ لڑنے کے لیے بلاول بھٹو زرداری کو کسی عہدے کی ضرورت نہیں، انہوں نے پوری دنیا میں پاکستان کا موقف بھرپور انداز میں پیش کیا۔
ایک اور سوال کے جواب میں انہوں نے کہا کہ جنگ میں کامیابی کا سب سے بڑا کریڈٹ ہمارے شاہینوں کا جاتا ہے، جس بہادری سے ہمارے شاہینوں نے بھارت کا نقشہ تبدیل کیا اور واپس آئے، وہ ہمارے قومی ہیرو ہیں۔
شرجیل میمن نے کہا کہ ہمارے اتحاد کی وجہ سے بھارت کو ہزیمت کا سامنا کرنا پڑا ہے، ہمارے اتحاد کی وجہ سے بھارت اندرونی انتشار کا شکار ہے، ایک شخص نے جنگی جنون میں آکر پورے ایشیا کے لوگوں کی زندگیوں کو دائو پر لگایا، یہ محض جنگی جرم نہیں اس سے کہیں آگے ہے۔
ایک اور سوال کے جواب میں انہوں نے کہا کہ پہلگام کا بہانہ بنا کر سندھ طاس معاہدہ معطل کیا گیا، پہلگام بہانہ تھا سندھ طاس معاہدہ نشانہ تھا۔
.ذریعہ: Express News
کلیدی لفظ: شرجیل انعام میمن نے کہا انہوں نے کہا کہ میمن نے کہا کہ پاکستان نے بھارت نے
پڑھیں:
حکومت سندھ اور ٹرانسپورٹرز میں مذاکرات کامیاب، ٹرانسپورٹرز کا احتجاج ختم کرنے کا فیصلہ
حکومت سندھ اور ٹرانسپورٹرز میں مذاکرات کامیاب ہوگئے جس کے بعد ٹرانسپورٹرز نے احتجاج ختم کرنے کا فیصلہ کیا جب کہ سینئر وزیر شرجیل انعام میمن نے ٹرانسپورٹرز سے ملاقات کی، حادثے اور پرتشدد واقعات پر تشویش کا اظہار کیا۔
کمشنر ہاؤس کراچی میں ٹرانسپورٹرز کے وفد نے حاجی یوسف اور جام عالم کی قیادت میں سینئر وزیر شرجیل انعام میمن سے ملاقات کی، ملاقات میں کمشنر کراچی سید حسن نقوی، سیکریٹری ٹرانسپورٹ اسد ضامن، کراچی پولیس چیف جاوید عالم اوڈھو اور دیگر بھی موجود تھے۔
شرجیل انعام میمن نے حادثے میں ہونے والے جانی نقصان پر گہرے رنج و غم کا اظہارکیا اور شرجیل انعام میمن نے واقعے کے بعد ہونے والے پرتشدد واقعات کی شدید مذمت کی۔
شرجیل انعام میمن نے کہا کہ سندھ حکومت ان کے جائز مسائل کو ترجیحی بنیادوں پر حل کرے گی، انسانی جان کا ضیاع ناقابلِ تلافی ہے اور یہ ہمارے لیے انتہائی افسوسناک ہے، تشدد اور توڑ پھوڑ مسائل کا حل نہیں، ہم تمام فریقین کے ساتھ مل کر ٹرانسپورٹ سیکٹر کے مسائل حل کریں گے۔
سینئر صوبائی وزیر نے کہا کہ اس بات کو یقینی بنایا جائے گے کہ آئندہ ایسے واقعات رونما نہ ہوں، جنہوں نے قانون ہاتھ میں لیا اور فسادات کو ہوا دی ان پر انسداد دہشتگردی کے تحت مقدمات درج ہونگے، ڈمپر مالکان ڈمپرز میں کیمرا، ٹریکر کے ساتھ انشورنس اور ڈرائیورز کا لائسنس یقینی بنائیں گے، ٹرانسپورٹرز کے نقصان کے تعین کے لئے کمیٹی تشکیل دے رہے ہیں۔
حکومت سندھ اور ٹرانسپورٹرز میں مذاکرات کامیاب، ٹرانسپورٹرز کا احتجاج ختم کرنے کا فیصلہ
سینئر وزیر شرجیل انعام میمن کی ٹرانسپورٹرز سے ملاقات، حادثے اور پرتشدد واقعات پر تشویش کا اظہار
کمشنر ہاؤس کراچی میں ٹرانسپورٹرز کے وفد نے حاجی یوسف اور جام عالم کی قیادت میں سینئر وزیر شرجیل… pic.twitter.com/adlut3NtUS
تحریک انصاف کا لاہور سے 300سے زائد کارکنان کی گرفتاری کادعویٰ