76 سالہ فرانسیسی اداکار کو 2 خواتین کیساتھ جنسی ہراسانی پر قید کی سزا
اشاعت کی تاریخ: 14th, May 2025 GMT
فرانسیسی عدالت نے عالمی شہرت یافتہ اداکار جیرار دیپارڈیو کو جنسی ہراسانی کا مجرم قرار دیتے ہوئے قید کی سزا سنادی۔
عالمی خبر رساں ادارے کے مطابق فرانس کے عالمی شہرت یافتہ اداکار جیرار دیپارڈیو کو دو خواتین کے ساتھ جنسی ہراسانی کے الزام میں 18 ماہ قید کی ’معطل‘ سزا سنائی گئی ہے۔
عدالت نے فیصلے میں حیرانی کا اظہار کیا کہ اداکار نے اپنے کیے پر ندامت یا پشیمانی ظاہر نہیں کی۔ اس لیے وہ متاثرہ خواتین کو گیارہ گیارہ سو ڈالر ہرجانہ بھی ادا کریں۔
عدالت نے حکم دیا کہ 76 سالہ جیرار دیپارڈیو کو جنسی مجرم کے طور پر بھی رجسٹرڈ کیا جائے اور نگرانی کی جائے۔
اداکار جیرار دیپارڈیو فیصلہ سنائے جانے کے وقت عدالت میں موجود نہیں تھے۔ اداکار کے وکیل نے اعلان کیا ہے کہ وہ اس فیصلے کے خلاف اپیل کریں گے۔
خیال رہے کہ یہ سزا ایسے وقت میں سنائی گئی ہے جب کانز فلم فیسٹیول 2025 کا آغاز ہوا۔ جیرار دیپارڈیو کو کانز فلم فیسٹیول 1990 میں بہترین اداکار کا ایوارڈ بھی دیا گیا تھا۔
وہ کئی دہائیوں تک فرانسیسی سینما کے سب سے کامیاب اداکار تصور کیے جاتے رہے ہیں تاہم می ٹو مہم کے دوران 20 سے زائد خواتین نے ان پر جنسی ہراسانی کے الزامات عائد کیے تھے۔
مذکورہ کیس ان کے خلاف جنسی ہراسانی کا عدالت میں زیر سماعت پہلے مقدمہ تھا۔ یہ مقدمہ 2021 میں فلم "Les Volets Verts" کی شوٹنگ کے دوران پیش آنے والے واقعات پر مبنی تھا۔
متاثرہ خواتین 54 سالہ سیٹ ڈریسر اور 34 سالہ اسسٹنٹ ڈائریکٹر نے عدالتی فیصلے پر کہا کہ وہ ایک مشکل اور کٹھن دور کے بعد اب راحت محسوس کر رہی ہیں۔
.
ذریعہ: Express News
پڑھیں:
’مجھے بھائی تو نہ کہیں‘، فہد مصطفیٰ کی خاتون کے ساتھ دلچسپ ویڈیو وائرل
معروف پاکستانی اداکار، پروڈیوسر اور میزبان فہد مصطفیٰ کی ایک ویڈیو سوشل میڈیا پر وائرل ہو رہی ہے جس میں انہوں نے ایک خاتون کو خود کو بھائی کہنے سے روک دیا۔
فہد مصطفیٰ پاکستان سیلیبرٹی کرکٹ لیگ (PCCL) میں شرکت کے لیے ہیوسٹن میں موجود ہیں۔ PCCL کی ہیوسٹن میں ہونے والی پریس کانفرنس میں فہد مصطفیٰ کے ہمراہ ندا یاسر، شائستہ لودھی، فیصل قریشی، اعجاز اسلم، علی رضا، یاسر حسین، سمیع خان، کامران اکمل اور سابق کرکٹر عبدالرزاق سمیت دیگر اداکار اور کرکٹرز بھی موجود تھے۔
یہ بھی پڑھیں: ’اسے بہت سنبھال کر رکھنا‘، فہد مصطفیٰ کا ثمر جعفری کو سالگرہ پر انوکھا تحفہ
پریس کانفرنس کے دوران میڈیا نمائندہ دیا مسعود نے سوال کیا کہ ان کی ٹیم غیر متوقع میچ پیش کرے گی اور ساتھ ہی خاتون نمائندہ نے کہا کہ اس کا جواب فہد بھائی دیں۔ جس پر فہد مصطفیٰ نے ان کو کہا کہ آپ مجھے بھائی تو مت بولیں، اور ساتھ ہی کہا کہ بات کرتی رہیں آپ بہت اچھی لگ رہی ہیں۔
View this post on Instagram
A post shared by WE News (@wenewspk)
دیا مسعود نے اپنے ردعمل میں کہا کہ امید ہے کہ یہ لمحے سب ریکارڈ کر رہے ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فہد مصطفی ویڈیو وائرل
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن