پنجاب میں ہیٹ ویو کا الرٹ جاری
اشاعت کی تاریخ: 14th, May 2025 GMT
پنجاب میں درجہ حرارت میں اضافے اور ہیٹ ویو کا الرٹ جاری کردیا گیا۔
ڈائریکٹر جنرل پی ڈی ایم اے نے صوبے بھر کے کمشنرز و ڈپٹی کمشنرز کو الرٹ رہنے کی ہدایت کرتے ہوئے کہا کہ ضلعی انتظامیہ سمیت تمام متعلقہ محکمے الرٹ رہیں
ترجمان کے مطابق 15 سے 19 مئی تک بڑے شہروں اور میدانی علاقوں میں درجہ حرارت بڑھنے اور ہیٹ ویو کا امکان ہے، آئندہ چند دنوں میں درجہ حرارت میں غیر معمولی اضافہ ہوسکتا ہے۔
پی ڈی ایم اے کے ترجمان کا کہنا ہے کہ 20 مئی تک درجہ حرارت 4 سے 7 ڈگری سینٹی گریڈ معمول سے زیادہ رہنے کا خدشہ ہے۔
انہوں نے کہا کہ مغربی ہواؤں کا سلسلہ 19 مئی کی شام سے پنجاب میں داخل ہونے کا امکان ہے جس کے باعث 19 سے 20 مئی کے دوران پنجاب کے بیشتر اضلاع میں بارش متوقع ہے
.ذریعہ: Nawaiwaqt
پڑھیں:
ملک بھر میں مون سون بارشیں، این ڈی ایم اے کا الرٹ جاری
—فائل فوٹوملک بھر کے مختلف علاقوں میں آئندہ 3 سے 4 روز میں مون سون بارشیں متوقع ہیں۔
اسلام آباد سے این ڈی ایم اے نے مون سون بارشوں اور ممکنہ سیلاب کے حوالے سے الرٹ جاری کر دیا ہے۔
نیشنل ڈیزاسٹر مینجمنٹ اتھارٹی کے مطابق آج سے 5 جولائی تک کشمیر، اسلام آباد میں موسلادھار بارشیں متوقع ہیں۔
این ڈی ایم اے کے مطابق آج سے 5 جولائی تک پوٹھوہار، شمالی و وسطی خیبر پختون خوا میں بھی موسلادھار بارشیں متوقع ہیں جبکہ پشاور، چارسدہ، نوشہرہ اور کوہاٹ میں بارشوں سے اربن فلڈنگ کا خدشہ ہے۔
راولپنڈی، اسلام آباد، اٹک اور چکوال میں آج رات 9 بجے سے صبح 4 بجے تک بارش کا امکان ہے۔
جہلم، منڈی بہاؤالدین، گجرات، سیالکوٹ، گوجرانوالہ، نارووال اور لاہور میں موسلادھار بارشیں متوقع ہیں۔
بارشوں کے باعث فیصل آباد اور سرگودھا ڈویژن کے نشیبی علاقوں میں سیلابی صورتِ حال کا امکان ہے۔
ہزارہ، مالاکنڈ، آزاد کشمیر اور پیر پنجال کے ندی نالوں میں طغیانی اور پہاڑی علاقوں میں لینڈ سلائیڈنگ کا امکان ہے۔
دریائے کابل، سوات اور چترال و ہنزہ کے منسلک ندی نالوں میں پانی کے بہاؤ میں اضافہ متوقع ہے، 2 سے 5 جولائی کے دوران کراچی، حیدر آباد، ٹھٹہ اور بدین میں شدید بارشیں متوقع ہیں۔
موسلادھار بارشوں کے باعث کراچی، حیدر آباد، ٹھٹہ اور بدین میں اربن فلڈنگ کا خدشہ ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی