پنجاب میں ہیٹ ویو کا الرٹ جاری
اشاعت کی تاریخ: 14th, May 2025 GMT
---فائل فوٹو
پنجاب میں درجہ حرارت میں اضافے اور ہیٹ ویو کا الرٹ جاری کردیا گیا۔
ڈائریکٹر جنرل پی ڈی ایم اے نے صوبے بھر کے کمشنرز و ڈپٹی کمشنرز کو الرٹ رہنے کی ہدایت کرتے ہوئے کہا کہ ضلعی انتظامیہ سمیت تمام متعلقہ محکمے الرٹ رہیں۔
15 سے 20 مئی کے دوران سندھ بلوچستان اور جنوبی پنجاب میں دن کا درجۂ حرارت معمول سے 4 سے 6 ڈگری سینٹی گریڈ زائد رہنے کا امکان ہے ۔
ترجمان کے مطابق 15 سے 19 مئی تک بڑے شہروں اور میدانی علاقوں میں درجہ حرارت بڑھنے اور ہیٹ ویو کا امکان ہے، آئندہ چند دنوں میں درجہ حرارت میں غیر معمولی اضافہ ہوسکتا ہے۔
پی ڈی ایم اے کے ترجمان کا کہنا ہے کہ 20 مئی تک درجہ حرارت 4 سے 7 ڈگری سینٹی گریڈ معمول سے زیادہ رہنے کا خدشہ ہے۔
انہوں نے کہا کہ مغربی ہواؤں کا سلسلہ 19 مئی کی شام سے پنجاب میں داخل ہونے کا امکان ہے جس کے باعث 19 سے 20 مئی کے دوران پنجاب کے بیشتر اضلاع میں بارش متوقع ہے۔
.ذریعہ: Jang News
کلیدی لفظ: ہیٹ ویو کا کا امکان
پڑھیں:
کراچی میں آئندہ 3روز کے دوران موسم کیسا رہے گا؟
کراچی:محکمہ موسمیات نے شہر قائد میں موسم کے حوالے سے آئندہ تین روز کے لیے پیش گوئی کر دی۔
محکمہ موسمیات ارلی وارننگ سینٹر پیش گوئی کے مطابق اگلے 3 روز کے دوران کراچی کا موسم گرم و مرطوب رہنے کا امکان ہے۔
شہر کا زیادہ سے زیادہ درجہ حرارت 34 تا 36 ڈگری کے درمیان ریکارڈ ہو سکتا ہے تاہم صبح و شام کے وقت نمی کا تناسب زیادہ رہنے کے سبب اصل درجہ حرارت سے زیادہ گرمی محسوس کی جا سکتی ہے۔
آئندہ چند روز کے دوران سمندر کی جنوب مغربی سمت کی ہوائیں فعال رہنے کی توقع ہے۔
صوبے کے بیشتر اضلاع میں موسم زیادہ تر گرم اور خشک رہنے کا امکان ہے جبکہ جامشورو، مٹیاری، حیدرآباد، ٹنڈو محمد خان، ٹنڈو الہ یار اور بدین میں گرد آلود ہوائیں اور گرج چمک کے ساتھ ہلکی بارش کا امکان ہے۔
کراچی: خواجہ سراؤں کا بھارت مخالف احتجاج، مودی مردہ باد کے نعرے