ایک جانب بھارت تو دوسری جانب افغانستان دہشت گردوں کی سرپرستی کررہا ہے، ملک عثمان ڈوگر
اشاعت کی تاریخ: 13th, November 2025 GMT
اسلام آباد میں وکلاء کی شہادت پر اپنے مذمتی بیان میں پی ٹی آئی رہنما کا کہنا تھا کہ وانا کیڈٹ کالج میں دہشت گردی کا واقعہ لمحہ فکریہ سے کم نہیں ہے، ملک میں بڑھتی ہوئی دہشت گردی کی وارداتیں خطرے کی گھنٹی ہیں، ضرورت اس امر کی ہے کہ سیکورٹی ادارے پہلے سے زیادہ جانفشانی سے اپنے فرائض ادا کرتے ہوئے ان دہشت گردوں کو جہنم واصل کریں۔ اسلام ٹائمز۔ ضلع کچہری اسلام آباد میں ہونے والے خودکش دھماکے سے معزز وکلا کی شہادتیں اور وکلا کا زخمی ہونا نہ صرف قابل مذمت ہے بلکہ وانا کیڈٹ کالج میں دہشت گردی کا واقعہ لمحہ فکریہ سے کم نہیں ہے، ملک میں بڑھتی ہوئی دہشت گردی کی وارداتیں خطرے کی گھنٹی ہیں۔ ایک جانب بھارت تو دوسری جانب افغانستان دہشت گردوں کی سرپرستی کرتے ہوئے پاکستان میں خاک و خون کی بساط بچھانے میں مصروف ہیں۔ ضرورت اس امر کی ہے کہ سیکورٹی ادارے پہلے سے زیادہ جانفشانی سے اپنے فرائض ادا کرتے ہوئے ان دہشت گردوں کو جہنم واصل کریں۔ اس صورتحال میں ہمارے فوجی جوانوں کی کارکردگی بے مثال ہے جنہوں نے اپنے خون سے وطن کے تحفظ کو یقینی بنایا اور عوام کو تحفظ فراہم کیا۔ ان خیالات کا اظہار پاکستان تحریک انصاف کے رہنما و قانون دان بیرسٹر ملک محمد عثمان ڈوگر نے اسلام آباد کچہری میں بم دھماکہ اور وانا کیڈٹ کالج میں دہشت گردی کی مذمت کرتے ہوئے اپنے ایک بیان میں اظہار خیال کرتے ہوئے کیا۔
ملک محمد عثمان ڈوگر نے مزید کہا کہ ریاست کے خلاف یہ گوریلا کاروائیاں گزشتہ چار دہائیوں سے ہمارے ملک میں جاری ہیں۔ ان دہشت گردوں کے پروردہ کسی نہ کسی صورت ملک کے سکون کے درپے ہیں یہ ملائیت کے دفاع میں لڑتے ہیں یہ مشرف کے جدید اسلام کے تصور پہ کاری ضربیں لگاتے رہے یہی فکر بلوچستان میں اور دوسری جگہوں پہ فوجیوں پہ حملے کرتی ہے اور یہی لوگ کبھی ٹرین اور کبھی بسوں سے لوگوں کو اتار کے تعصب کے نام پہ شہید کرتے ہیں، یہ کسی واحد شخص کے درپے نہیں ہیں ان کا ٹارگٹ ملکی و ریاستی رٹ ہے۔
ذریعہ: Islam Times
کلیدی لفظ: کرتے ہوئے
پڑھیں:
جنگ میں شکست کے بعد بھارت پراکسی وار کررہاہے، عطا تارڑ
data-id="863a0a8" data-element_type="widget" data-widget_type="theme-post-content.default">
251112-08-25
اسلام آباد (مانیٹرنگ ڈیسک) وفاقی وزیر اطلاعات عطا تارڑ نے کہا ہے کہ جنگ میں شکست کے بعد بھارت اب پراکسی وار کے ذریعے پاکستان کو کمزور کرنے کی کوشش کر رہا ہے۔ اپنے بیان میںانہوں نے کہا کہ پاکستان نے افغانستان کو دہشت گردی سے متعلق ٹھوس ثبوت بھی فراہم کیے ہیں، دورانِ جنگ پوسٹیں چھوڑ کر بھاگنے والوں نے سفید جھنڈے لہرائے تھے اور اب وہی عناصر بیرونی مدد کے ساتھ دوبارہ سرگرم ہو رہے ہیں‘ پوری دنیا بھارت اور افغانستان کا مکروہ چہرہ دیکھ رہی ہے اور پاکستان نے مذاکرات میں دہشت گردی کے تمام ثبوت پیش کیے ہیں۔ وزیر اطلاعات نے زور دیا کہ سیکورٹی فورسز ایسے فتنوں سے نمٹنے کی بھرپور صلاحیت رکھتی ہیں اور دہشت گردوں کے ساتھ کسی قسم کی رعایت نہیں برتی جائے گی‘ شکست دہشت گردوں کا مقدر ہوگی اور پاکستان کی قیادت ہر حال میں دہشت گردوں کو شکست دینے کے عزم پر قائم ہے۔ عطا تارڑ نے مزید کہا کہ ریاست پاکستان اپنے شہریوں کا تحفظ کرنا جانتی ہے اور اس کے لیے ضروری اقدامات کیے جائیں گے تاکہ ملک کی ترقی و خوشحالی کے لیے حالات درست رہیں۔
ریاست ِ مدینہ کے معالم اور جدید عالمی ترکیب