موبائل فون خریدنے کے خواہشمندوں کیلئے بڑی خوشخبری
اشاعت کی تاریخ: 14th, May 2025 GMT
سام سنگ کے خریداروں کے لیے اچھی خبر ہے کہ ایس 25 ایج کی پری بکنگ کا آغاز ہو گیا ہے۔
یہ جدید ڈیوائس 13 مئی 2025 کو عالمی سطح پر متعارف کرائی گئی ہے جو ٹیکنالوجی کے شوقین افراد کے لیے ایک اہم سنگ میل ثابت ہو سکتی ہے۔
کئی ممالک میں اس ڈیوائس کی پری بکنگ شروع ہو گئی ہے اور متحدہ عرب امارات میں خریدنے کے خواہشمند افراد 29 مئی تک اس کی پری بکنگ کروا سکتے ہیں۔
یواےای میں 256 جی بی ماڈل کی قیمت 4,299 درہم اور 512 جی بی ویرینٹ 4,799 درہم سے ہے۔
پری آرڈر پروموشن کے حصے کے طور پر، خریدار جو 512GB ماڈل ابھی اور 29 مئی کے درمیان بک کریں گے وہ اسے 256GB ہینڈ سیٹ کی قیمت میں حاصل کر سکتے ہیں۔
فون کی قیمت 1099 ڈالر (تین لاکھ 8 ہزار 662 روپے) ہوگی۔ یہ جدید ڈیوائس ٹائٹینیم جیٹ بلیک، ٹائٹینیم برفانی نیلا اور ٹائٹینیم چاندی رنگوں میں دستیاب ہوگی۔
کمپنی کے مطابق گلیکسی ایس 25 ایج میں 6.
یہ جدید ترین اینڈرائیڈ 15 پر مبنی ون یو آئی 7 پر کام کرے گا جو مزید بہتر صارف تجربہ فراہم کرے گا، فون میں 3900 ملی ایمپیئر آور کی بیٹری دی گئی ہے جو 25 واٹ تیز چارجنگ سپورٹ کرے گی۔
سام سنگ نے گلیکسی ایس 25 ایج میں 200 میگا پکسل کا مرکزی کیمرا دیا ہے، جو شاندار فوٹوگرافی کو یقینی بنائے گا، اس کے ساتھ 12 میگا پکسل الٹرا وائیڈ لینس اور 12 میگا پکسل سامنے والا کیمرا بھی موجود ہوگا۔
ذریعہ
ذریعہ: Daily Ausaf
پڑھیں:
موبائل سم صار فین ہوشیار ، پی ٹی اے کا اہم انتباہ جار ی
اسلام آباد(نیوز ڈیسک)پاکستان ٹیلی کمیونیکیشن اتھارٹی (پی ٹی اے) نے موبائل فون صارفین کو سمز کے محفوظ استعمال کے حوالے سے اہم انتباہ جاری کرتے ہوئے خبردار کیا ہے کہ اپنی رجسٹرڈ سم کسی دوسرے شخص کے حوالے کرنا قابلِ سزا جرم ہے اور اس کے سنگین قانونی نتائج سامنے آ سکتے ہیں۔
پی ٹی اے کی جانب سے جاری کردہ پیغام میں کہا گیا ہے کہ اگر کسی شخص کے نام پر رجسٹرڈ سم غیرقانونی سرگرمیوں میں استعمال ہوتی ہے تو متعلقہ صارف کو بھی قانونی مشکلات کا سامنا کرنا پڑ سکتا ہے۔ اسی لیے شہری اپنی سم کسی دوسرے فرد کے استعمال کے لیے ہرگز نہ دیں۔
اتھارٹی نے صارفین کو ہدایت کی ہے کہ وہ فوری طور پر یہ تصدیق کریں کہ ان کے قومی شناختی کارڈ پر کتنی سمیں رجسٹرڈ ہیں۔ اس مقصد کے لیے cnic.sims.pk پر جا کر یا اپنا 13 ہندسوں پر مشتمل شناختی کارڈ نمبر (بغیر ڈیش کے) 668 پر ایس ایم ایس کر کے معلومات حاصل کی جا سکتی ہیں۔
اگر کسی نامعلوم یا غیر ضروری سم کی نشاندہی ہو تو اسے فوری طور پر بلاک کرایا جائے۔
مزید پڑھیں۔سونے کی قیمت میں نمایاں کمی،فی تولہ نئی قیمت جانئے
پاکستان نے ورلڈ کپ 2028 کیلیے براہ راست کوالیفائی کر لیا