ایامِ حج؛ غلافِ کعبہ کو زمین سے 3 میٹر اونچا کر دیا گیا
اشاعت کی تاریخ: 14th, May 2025 GMT
ہر سال کی طرح اس برس بھی ایامِ حج سے قبل غلافِ کعبہ کو زمین سے 3 میٹر بلند کر دیا گیا جو 15 ذی الحج تک اسی طرح بلندی پر رکھا جائے گا۔
عرب میڈیا کے مطابق غلاف کعبہ کو اوپر اُٹھانے کے بعد اس حصے کو چاروں طرف سے سفید سوتی کپڑے سے ڈھانپ دیا گیا۔
غلاف کعبہ اٹھانے کا عمل حرمین شریفین کی انتظامیہ کے سربراہ اور اعلی عہدیداران کی موجودگی میں غلاف کعبہ فیکٹری کے ماہرین نے انجام دیا۔
ایام حج کے دوران غلاف کعبہ کو اس لیے اوپر اُٹھایا جاتا ہے کیوں کہ حجاج کی بڑی تعداد عقیدت میں اسے چھونا اور چومنا چاہتے ہیں۔
حجاج میں سے کچھ غلافِ کعبہ کے ٹکڑے کو قینچی یا تیز دھار آلے سے سے کاٹ کر تبرک کے طور پر ساتھ لے جانے کی کوشش بھی کرتے ہیں۔
ان تمام وجوہات کی بنا کر ایام حج کے دوران غلاف کعبہ کو محفوظ رکھنے کے لیے تقریباً 10 فٹ بلند کردیا جاتا ہے۔
.
ذریعہ: Express News
پڑھیں:
گورنر ٹیکساس، مسلم برادرہُڈ اور کیئر پر زمین خریدنے پر پابندی لگا دی
امریکا (ویب ڈیسک)ریاست ٹیکساس کے گورنر گریگ ایبٹ نے ایک غیر معمولی پروکلی میشن جاری کرتے ہوئے مسلم برادرہُڈ اور کونسل آن امریکن اسلامک ریلیشنز یعنی کیئر کو دہشت گرد اور سرحد پار مجرمانہ تنظیمیں قرار دے کر ان تنظیموں اور ان سے وابستہ افراد پر ٹیکساس میں زمین خریدنے پر پابندی عائد کر دی۔
یہ اعلان اس حقیقت کے باوجود کیا گیا کہ نہ مسلم برادر ہُڈ اور نہ ہی کیئر امریکی حکومت کی دہشت گرد فہرست میں شامل ہیں۔
کیئر نے اس اقدام کو بے بنیاد، غیر قانونی اور کھلی اسلام دشمنی قرار دیتے ہوئے کہا ہے کہ گورنر ایبٹ سازشی کہانیوں کو بنیاد بنا کر مسلمانوں کو نشانہ بنا رہے ہیں اور اگر یہ اعلان عملی پالیسی بنا تو وہ اس کے خلاف قانونی کارروائی کریں گے۔
ماہرین کے مطابق یہ پروکلی میشن ٹیکساس کے اس اسلامی رہائشی منصوبے ای پی آئی سی سٹی کے تنازع کے پسِ منظر میں سامنے آئی ہے جسے روکنے کے لیے ایبٹ انتظامیہ پہلے ہی ’شریعت کمپاؤنڈز‘ کے خلاف قانون منظور کر چکی ہے، حالانکہ اس منصوبے میں شریعت یا کسی متوازی نظام کے نفاذ کا کوئی ثبوت موجود نہیں تھا، وفاقی تحقیقات بھی اس منصوبے کے خلاف کسی خلاف ورزی کے بغیر بند کر دی گئی تھیں۔
ناقدین کا کہنا ہے کہ کیئر کو مسلم برادرہُڈ سے جوڑنا پرانا سازشی بیانیہ ہے جسے مسلمانوں کے اجتماعی ترقیاتی منصوبوں اور زمین کی ملکیت کے حق کو روکنے کے لیے استعمال کیا جا رہا ہے۔
ریاستی رکنِ اسمبلی کول ہیفنر نے اس اعلان کو سراہتے ہوئے اسے ریاست کو محفوظ رکھنے کی ضرورت قرار دیا ہے، جبکہ ٹیکساس کے مسلم اسٹیٹ رپریزنٹیٹو سلمان بھوجانی نے اسے مذہبی آزادی پر حملہ قرار دیا ہے۔
انہوں نے کہا ہے کہ ٹیکساس کے مسلمان بھی وہی احترام، اعتماد اور آزادی کے حق دار ہیں جو ریاست میں موجود ہر شہری کو حاصل ہے اور گورنر کو یہ نقصان دہ فیصلہ واپس لینا چاہیے۔
گورنر ایبٹ کے اس اقدام نے ٹیکساس میں مذہبی حقوق، مسلم کمیونٹی کی املاک کی ملکیت اور شہری آزادیوں کے بارے میں نئے سوالات کھڑے کر دیے ہیں، جبکہ کیئر اور انسانی حقوق کی تنظیمیں اس اعلان کو اسلام فوبیا کی تازہ سیاسی مثال قرار دے رہی ہیں۔
پاک روس سیکیورٹی مشاورتی اجلاس، علاقائی امن و تعاون پر گفتگو