ارشد ندیم نے اسلامک یک جہتی گیمز میں گولڈ میڈل جیت لیا
اشاعت کی تاریخ: 19th, November 2025 GMT
ریاض:
پاکستان کے مایہ ناز جیولن تھرو ایتھلیٹ ارشد ندیم نے اسلامک سالیڈیریٹی گیمز میں شان دار کارکردگی کا مظاہرہ کرتے ہوئے گولڈ میڈل جیت لیا۔
سعودی عرب میں جاری اسلامی یک جہتی گیمز کے فائنل میں ارشد ندیم نے سب سے لمبی 83.05 میٹر کی تھرو کی اور تمام حریفوں کو پیچھے چھوڑتے ہوئے ایک بار پھر طلائی تمغہ اپنے نام کرلیا۔
ارشد ندیم نے مسلسل دوسری بار اسلامی یک جہتی گیمز میں گولڈ میڈل جیت کر پاکستان کا سر فخر سے بلند کر دیا ہے۔
جیولین تھرو مقابلے کے پہلے راؤنڈ میں ارشد ندیم نے 75.
دوسرے راؤنڈ میں بھی ارشد نے اپنی برتری برقرار رکھتے ہوئے 83.05 میٹر کی بہترین تھرو کی جبکہ یاسر سلطان نے 74.43 میٹر تھرو کی اور تیسرے راؤنڈ میں ارشد ندیم نے 82.48 میٹر کی ایک اور شان دار تھرو کی اور اپنی پہلی پوزیشن مضبوط کرلی جبکہ یاسر سلطان نے 72.82 میٹر تھرو کی اور تیسرے نمبر پر رہے۔
چوتھے راؤنڈ میں ارشد ندیم نے 77.06 میٹر اور یاسر سلطان نے 73.78 میٹر کی تھرو کی اور راؤنڈ کے اختتام پر بھی ارشد سب سے آگے رہے اور گولڈ میڈل جیت لیا۔
Who else but HIM? ????????????
His second Men's Javelin Throw Gold at the #IslamicSolidarityGames, and the first Pakistani Gold Medallist at #Riyadh2025... ARSHAD NADEEM! ???? pic.twitter.com/5ZvrxTCCeh
فائنل میں پاکستان کے یاسر سلطان نے چاندی کا تمغہ حاصل کرلیا۔
اسلامک یکجہتی گیمز میں پاکستان کا یہ پہلا گولڈ اور سلور میڈل ہے۔ اس سے پہلے باکسنگ مین پاکستان نے دو برانز میڈل جیتے تھے۔ اب گیمز میں پاکستان کے میڈلز کی تعداد چار ہوگئی ہے۔
اسلامی یکجہتی گیمز2025 میں پاکستان کا یہ پہلا گولڈ اور سلور میڈل ہے، اس سے پہلے باکسنگ مین پاکستان نے دو برانز میڈل جیتے تھے، جس کے بعد اب گیمز میں پاکستان کے میڈلز کی تعداد چار ہوگئی ہے۔
ارشد ندیم نے قوم کا سر فخر سے بلند کیا ہے، چیئرمین پی سی بی محسن نقوی
پاکستان کرکٹ بورڈ (پی سی بی) کے چیئرمین محسن نقوی نے اسلامی یک جہتی گیمز میں شان دار کارکردگی کا مظاہرہ کرنے پرمبارک باد دیتے ہوئے کہا کہ ارشد ندیم کی جیت پر ان کے کوچ اور فیملی کو بھی مبارک باد پیش کرتا ہوں۔
انہوں نے کہا کہ ارشد ندیم نے آج پھر ہر پاکستانی کا سر فخر سے بلند کیا ہے، ارشد ندیم کی جیت کھیل و امن سے محبت کرنے والے پاکستان کی فتح ہے۔
ان کا کہنا تھا کہ ارشد ندیم نے پاکستانی پرچم کو سربلند کرکے قوم کو خوشیاں دیں، ہر پاکستانی خوش ہے اور قوم کو پاکستان کے باصلاحیت سپوت پر ناز ہے اور ارشد ندیم نے سب کے دل جیت لیے ہیں۔
ذریعہ: Express News
کلیدی لفظ: یاسر سلطان نے جہتی گیمز میں گولڈ میڈل جیت یک جہتی گیمز میں پاکستان تھرو کی اور پاکستان کے راو نڈ میں اسلامی یک میٹر کی
پڑھیں:
سندھ پولیس گیمز، 14 برس کا تعطل ختم، ہیڈکوارٹرز میں تقریب کے ساتھ گیمز کا آغاز
کراچی:سندھ پولیس گیمز کا14 برس سے جاری تعطل اختتام کو پہنچا اور پولیس ہیڈ کوارٹرز گارڈن میں افتتاحی تقریب کے ساتھ پولیس گیمز 2025 کا آغاز ہوگیا۔
سندھ پولیس گیمز 2025 کی افتتاحی تقریب کے مہمان خصوصی صوبائی وزیر داخلہ، قانون و پارلیمانی امور ضیا الحسن لنجار تھے جہاں آئی جی سندھ غلام نبی میمن، سابق مشہور کھلاڑیوں، سیاست دانوں اور فن کاروں سمیت دیگر بھی شریک تھے۔
ڈی آئی جی ٹریفک اور سندھ پولیس اسپورٹس بورڈ کے چیئرمین سید پیر محمد شاہ کی زیر نگرانی 4روزہ گیمز میں 18 مختلف کھیلوں کے مقابلوں میں 900 میڈلز اور 78 ٹرافیز کے لیے مختلف یونٹس کے12دستوں میں شامل بشمول 117 خواتین 1570 اہلکار اپنی اہلیت اور صلاحیتوں کا بھرپور مظاہرہ کررہے ہیں۔
سندھ پولیس گیمز 2025 میں ایتھلیٹکس، باکسنگ، باڈی بلڈنگ، کرکٹ، فٹ بال، ہینڈ بال، ہاکی، ہاف میراتھن، جوڈو، کراٹے، نیٹ بال، سوئمنگ، شوٹنگ بال، شوٹنگ، ٹگ آف وار اور والی بال کے مقابلے ہوں گے جبکہ اسلٹ کورس کو نمائشی مقابلہ کی حیثیت حاصل ہے۔
تقریب سے خطاب کرتے مہمان خصوصی وزیر داخلہ ضیا الحسن لنجار نے کہا کہ پولیس پر ماضی میں بہت تنقید ہوتی رہی ہے، ہماری کوشش تھی کہ عوام کو پولیس کا مثبت اور حقیقی چہرہ دکھائیں، پولیس کی کوششوں سے ہی کراچی کے حالات بہت بہتر ہوئے ہیں اور امن قائم ہوا۔
انہوں نے کہا کہ کھیلوں کے میدان آباد کرنا چاہتے ہیں، محکمہ پولیس میں کھیلوں اور فن کاروں کا بھی کوٹا ہونا چاہیے۔
آئی جی سندھ غلام نبی میمن نے کہا کہ 14سال بعد سندھ پولیس گیمز کا انعقاد خوش آئند ہے، کراچی اور اندرون سندھ پولیس کو مختلف جرائم کے چیلنجز درپیش تھے، 3سال مسلسل آپریشن کلین اپ جاری رہا، تمام اداروں نے مل کر اقدامات کیے جن کے مثبت نتائج سامنے آئے ہیں۔
ان کا کہنا تھا کہ پولیس نے بھی اپنا کردار ادا کیا، ہم نے جارحانہ پولیسنگ کی، نوگو ایریاز کا خاتمہ کیا،کراچی میں اسٹریٹ کرائمز میں 30فیصد کمی آئی، اغوا برائے تاوان نہ ہونے کے برابر ہے اور محکمہ پولیس میں فٹنس پر خصوصی توجہ دی جا رہی ہے جس کے لیے کھیلوں کی سرگرمیوں کو فروغ دیں گے۔
ایڈیشنل ائی جی کراچی جاوید اوڈھو نے کہا کہ امن کے قیام کے لیے پولیس نے بے انتہا قربانیاں دی ہیں، جرائم کی شرح میں بہت کمی دیکھنے میں آرہی ہے،کچے کے علاقے میں قانون کی رٹ قائم کرنے میں کامیابی ملی ہے، دیگر محکموں کی طرح پولیس میں بھی کھیلوں کو فروغ دیا جائے گا۔
ڈی آئی جی ٹریفک اور سندھ اسپورٹس بورڈ کے چیئرمین پی سید پیر محمد شاہ نے کہا کہ 14 برس کے بعد پولیس کے لیے کھیلوں کا انعقاد ایک اہم ٹاسک تھا جس کو مکمل کرنے میں کامیابی ملی،گیمز کی کامیابی سے انعقاد سے مثبت پیغام جائے گا۔
پی سی بی نے سہ ملکی سیریز کا شیڈول اور وینیو تبدیل کر دیا