کارکنان کیخلاف مقدمہ درج کرنا آمرانہ اقدام ہے،عمرہ سموں
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)سندھیانی تحریک کی مرکزی صدر عمرہ سمو ں نے 21 دسمبر کو عوامی تحریک کی جانب سے لاڑکانہ شہر میں 26 ویں اور 27 ویں آئینی ترمیم سمیت سندھ کو ٹکڑے ٹکڑے کرنے کے سازش اور کارپوریٹ فارمنگ کے خلاف اعلانیہ احتجاجی ریلی میں بھرپور شرکت کرنے کا اعلان کرتے ہوئے کہا ہے کہ گزشتہ اتوار کے روز سندھیانی تحریک کے تاریخی مارچ کے قائدین سمیت سندھیانی تحریک کی 500 بہنوں کے خلاف کیس درج کرنا حکومت کاآ مرانہ اقدام ہے اور ہم حکومت کے اس طرح کے اقدامات سے 26 میں اور 27 ویں آئینی ترمیم کے خلاف جدوجہد سے دستبردار نہیں ہوں گے۔وہ حیدرآباد پریس کلب میں پریس کانفرنس سے خطاب کر رہی تھی۔اس موقع پر مرکزی رہنمائوں سبھانی ڈاہری ، حسنہ راہو جو،صائمہ مگنہار اور دیگر بھی موجود تھیں۔انہوں نے کہا کہ 26 ویں اور 27ویں آئینی ترمیم نہ صرف ملک کی عدلیہ اور آئین پر حملہ ہے بلکہ بنیادی انسانی حقوق کے لیے زہر قاتل ہے، ملک میں 27 ویں آئینی ترمیم کے ذریعے ایک عام شہری کے لیے ایک قانون اور مخصوص لوگوں کے لیے دوسرا قانون بنایا گیا ہے اور اس ترمیم کا مقصد حکمرانوں نے اپنی لوٹ مار ذاتی اور گروہی مفادات بے انتہا کرپشن اور جرائم کی سزاؤں سے بچناہے جو کہ بنیادی انسانی حقوق عالمی اصولوں شہری برابری حقوق اور انصاف پر مشتمل نظام کی سنگین توہین ہے ۔انہوں نے کہا کہ ایک طرف ملک میں 26ویں اور 27ویں آئینی ترمیم کے خلاف وکلا، سیاسی اور سماجی قوتوں کا احتجاج جاری ہے تو دوسری طرف اس دوران حکمرانوں کے بیان آناشروع ہو چکے ہیں کہ وہ 28ویں آئینی ترمیم بھی لائیں گے جس کے ذریعے ملک میں نئے 12 صوبے بنانے ،بلدیاتی نظام کو تبدیل کرنے اور این ایف سی ایوارڈ میں صوبوں کا حصہ کم کرنے سمیت دیگر خطرناک ترمیم شامل ہیں ۔سندھیانی تحریک کی رہنماؤں نے مزید کہا کہ پیپلز پارٹی کی قیادت بلاول زرداری کو وزیراعظم بنانے کیلئے سندھ کے ٹکڑے ٹکڑے کرنے کیلئے تیار ہے اور تاریخ گواہ ہے کہ پیپلز پارٹی کی قیادت نے سندھ اور سندھی عوام سے مسلسل غداری کی ہے اور سندھ کو ناقابل تلافی نقصان پہنچایا ہے اور اب پیپلز پارٹی کی قیادت سندھ کی لاکھوں ایکڑ زمین کارپوریٹ فارمنگ کمپنیوں کے حوالے کر رہی ہے جسے کسی صورت قبول نہیں کیا جائے گا۔
ذریعہ
ذریعہ: Jasarat News
کلیدی لفظ: ویں ا ئینی ترمیم سندھیانی تحریک تحریک کی کے خلاف ہے اور
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی