لاہور،آغا خان ایجنسی کیلیے سرچ و ریسکیو کا تربیتی کورس شروع
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
لاہور (آئی این پی)سیکرٹری ایمرجنسی سروسز، ڈاکٹر رضوان نصیر نے ایمرجنسی سروسز اکیڈمی کے منیجرز ٹریننگ سینٹر میں آغا خان ایجنسی فار ہیبیٹیٹ کے شرکا کے لیے منعقد کیے گئے کولپس اسٹرکچر سرچ اینڈ ریسکیو کورس کے شرکا سے خطاب کرتے ہوئے کہا کہ ایمرجنسی سروسز ڈپارٹمنٹ اور آغا خان ایجنسی فار ہیبیٹیٹ ، پاکستان مختلف شعبوں میں بہترین تعاون رکھتے ہیں اور اس کورس کا مقصد ملک بھر میں آغا خان کی منتخب کردہ کمیونٹی اور افراد کی تربیت کے ذریعے حادثات پر ریسپانس کرنے کی صلاحیت کو بڑھانا ہے۔ سیکرٹری ایمرجنسی سروسز نے کہا کہ یہ اقدام شرکا کی تکنیکی ریسکیو مہارتوں اور ایمرجنسی ریسپانس کی صلاحیتوں کو بہتر بنانے میں مددگار ثابت ہوگا تاکہ وہ عالمی سطح کے معیار اور ایمرجنسی سروس کے مربوط نظام کے مطابق ایمرجنسیز اور حادثات کی صورت میں ایمرجنسی سروسز کی بھر پور معاونت کر سکیں۔کور س کے شرکاء سے خطاب کرتے ہوئے سیکرٹری ایمرجنسی سروسز، ڈاکٹر رضوان نصیر نے کہا کہ 2005 کے زلزلے کے فوراً بعد یو ایس ایڈ کی مدد سے پروگرام فار انہانسمنٹ آف ایمرجنسی ریسپانس (PEER) کا آغاز انتہائی مؤثر ثابت ہوا، جس نے ریسکیورز کی ایمرجنسی ریسپانڈرز کی بین الاقوامی معیار کی تربیت کو یقینی بنایا۔ PEER پروگرام کا ایک کورس جو کہ کولپس اسٹرکچر سرچ اینڈ ریسکیو (CSSR) ہے کو ایمرجنسی سروسز اکیڈمی میں ایمرجنسی سروسز کے عملے کی تربیت کے بعد نئے ریسکیورز اور ضلعی سطح پرکمیونٹی کی تربیت کے لیے موجود ہے۔ آج ریسکیو 1122 نے بھر پور محنت سے اقوام متحدہ کی INSARAG سرٹیفیکیشن سرچ اینڈ ریسکیو حاصل کی ہے۔ یہی وجہ ہے کہ ریسکیو 1122 نے ترکیہ میں زلزلے کے دوران بین الاقوامی سطح پر ریسپانس فراہم کیااور کئی جانیں بچائی۔ڈاکٹر رضوان نصیر نے مزید کہا کہ بین الاقوامی طور پر مصدقہ ٹرینرز آغا خان ایجنسی کے شرکاء کو تربیت فراہم کریں گے اور مجھے یقین ہے کہ آپ سب اس کورس سے بھرپور فائدہ حاصل کریں گے اور اپنی پیشہ ورانہ CSSR علم اور مہارتوں کو بہتر بنائیں گے۔اس سے قبل، ایمرجنسی سروسز اکیڈمی کے رجسٹرار نے سیکرٹری ایمرجنسی سروسز کو CSSR کورس کے مفصل شیڈول سے آگاہ کیا اور اس کے اہم و تربیتی مقاصد کی وضاحت کی۔ انہوں نے سیکرٹری ایمرجنسی سروسز کو بتایا کہ یہ کورس شرکاء کو ضروری مہارتیںسیکھانے، تکنیکی جدت اور کولپس اسٹرکچر سرچ اینڈ ریسکیو آپریشنز کی جامع سمجھ بوجھ فراہم کرنے کے لیے ڈیزائن کیا گیا ہے، تاکہ ایک مؤثر اور مربوط ایمرجنسی ریسپانس کے لیے کمیونٹی کی سطح پر لوگوں کو تیار کیا جاسکے۔
ذریعہ
ذریعہ: Jasarat News
کلیدی لفظ: سیکرٹری ایمرجنسی سروسز سرچ اینڈ ریسکیو ا غا خان ایجنسی کی تربیت کہا کہ کے لیے
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا