پاکستان کی مسلح افواج نے دشمن کی جارحیت کا منہ توڑ جواب دیا، پوری قوم کو فخر ہے، سینیٹر شیری رحمٰن
اشاعت کی تاریخ: 15th, May 2025 GMT
اسلام آباد (اُردو پوائنٹ اخبارتازہ ترین - اے پی پی۔ 15 مئی2025ء) سینیٹ کے اجلاس میں جمعرات کو پاکستان پیپلز پارٹی کی سینئر رہنما اور سینیٹر شیری رحمٰن نے حالیہ کشیدہ صورتحال میں پاک فوج، سیاسی قیادت اور اپوزیشن جماعتوں کے مثبت کردار کو زبردست الفاظ میں سراہا۔شیری رحمٰن نے کہا کہ پاکستان کی مسلح افواج نے دشمن کی جارحیت کا منہ توڑ جواب دیا، جس پر پوری قوم کو فخر ہے۔
انہوں نے پاک فوج کے پیشہ ورانہ کردار اور قربانیوں کو خراج تحسین پیش کرتے ہوئے کہا کہ اس نازک گھڑی میں افواج پاکستان نے قوم کی امیدوں پر پورا اتر کر دشمن کے ناپاک عزائم کو خاک میں ملا دیا۔سینیٹر شیری رحمٰن نے سیاسی ہم آہنگی پر بھی زور دیا اور کہا کہ تمام سیاسی جماعتوں نے کشیدہ صورتحال میں بالغ نظری کا مظاہرہ کرتے ہوئے ایک پیج پر رہنے کی روایت کو برقرار رکھا، جو جمہوری روایات کے لیے نیک شگون ہے۔(جاری ہے)
انہوں نے چیئرمین پیپلز پارٹی بلاول بھٹو زرداری کے کردار کو بھی سراہا اور کہا کہ بلاول بھٹو نے عالمی سطح پر پاکستان کا مقدمہ بھرپور انداز میں لڑا اور ملکی موقف کو مضبوط طریقے سے پیش کیا۔وزیراعظم شہباز شریف کے کردار پر اظہار خیال کرتے ہوئے سینیٹر نے کہا کہ وزیراعظم نے جنگ جیسے نازک حالات میں ایک فعال اور موثر قیادت کا مظاہرہ کیا، ان کا کردار قابل تعریف ہے۔شیری رحمٰن نے اپوزیشن لیڈر اور دیگر اپوزیشن جماعتوں کے کردار کو بھی مثبت قرار دیا اور کہا کہ ملک کی سالمیت اور یکجہتی کے لیے اپوزیشن نے بھی ایک ذمہ دارانہ رویہ اپنایا، جو کہ قومی مفاد میں ہے۔ سینیٹر شیری رحمٰن نے اس امید کا اظہار کیا کہ قومی اتحاد و یگانگت کا یہ سلسلہ مستقبل میں بھی جاری رہے گا تاکہ پاکستان ہر محاذ پر کامیاب ہو ۔شیری رحمٰن نے کہا کہ پوری پاکستانی قوم یکجہتی کے ساتھ یوم تشکر منا رہی ہے اور یہ اتحاد ہماری طاقت کا منہ بولتا ثبوت ہے۔ انہوں نے بھارت کی جارحیت کو ناکام بناتے ہوئے کہا کہ بھارت کا غرور خاک میں ملا دیا گیا ہے، اور دشمن کی سازشیں کامیاب نہیں ہوئیں۔پاک فوج کے حوالے سے انہوں نے خصوصی طور پر چیف آف آرمی سٹاف اور پاک فضائیہ کا شکریہ ادا کیا، جنہوں نے دشمن کے خلاف بھرپور محاذ سنبھالا۔ سینیٹر نے کہا کہ ذوالفقار علی بھٹو اور بے نظیر بھٹو نے پاکستان کو ناقابل تسخیر دفاعی حیثیت دی، جو آج بھی ہماری طاقت کا باعث ہے۔انہوں نے بھارت پر جنگ مسلط کرنے کا الزام لگاتے ہوئے کہا کہ بھارت نے غیر منصفانہ اور جارحانہ جنگ ہم پر تھوپی، جس کا پاکستان نے بھرپور جواب دیا۔ شیری رحمٰن نے پاکستان کو ایک ذمہ دار ایٹمی ملک قرار دیا اور کہا کہ ہم اپنی سلامتی اور خودمختاری کے لیے ہر صورت تیار ہیں۔مودی حکومت اور وزیر اعظم نریندر مودی کو دہشت گرد قرار دیتے ہوئے انہوں نے کہا کہ مودی اور ان کی قیادت دہشت گردی کی پشت پناہی کرتی ہے، جو خطے میں عدم استحکام کا باعث ہے۔شیری رحمٰن نے پاکستان ٹیلی ویژن (پی ٹی وی) کو بھی سراہا کہ اس نے جنگ کے دوران بطور ریاستی ادارہ اپنی ذمہ داری بخوبی نبھائی اور قوم کو صحیح معلومات فراہم کیں۔انہوں نے کہا کہ بھارت نے پہلگام واقعے کے فوری بعد بغیر کسی تحقیقات کے الزام پاکستان پر تھوپ دیا،ابھی تک بھارت اس حملے میں ملوث کوئی تحقیقات نہیں کیں کوئی نام سامنے نہیں آیا،بھارت نے بغیر کسی اشتعال کے پاکستان پر حملہ کیا۔انہوں نے کہا کہ پاکستانی ائیرفورس نے ایک گھنٹے کے اندر بھارت کو ناقابل تلافی نقصان پہنچایا،بھارتی تباہ شدہ جہازوں کا ملبہ پوری دنیا نے دیکھا،پاکستانی فضائیہ نے بھارتی دفاع کے دل پر انتہائی بہادری سے وار کیا، ہمارے پائلٹس نے بہادری، پیشہ وارانہ مہارت اور قابلیت کے ناقابل فراموش ثبوت دئیے۔ اپوزیشن جماعتوں کا شکریہ ادا کرتے ہوئے انہوں نے کہا کہ اپوزیشن نے اس نازک وقت میں بھی اتحاد برقرار رکھا اور ملکی مفاد کو فوقیت دی، جو قابل تحسین ہے۔ سینیٹر شیری رحمٰن نے کہا کہ پاکستان کی طاقت اس کے اتحاد اور قربانیوں میں مضمر ہے، اور قوم کو چاہیے کہ وہ اس جذبے کو ہمیشہ زندہ رکھے۔.
ذریعہ
ذریعہ: UrduPoint
کلیدی لفظ: تلاش کیجئے سینیٹر شیری رحم ن نے انہوں نے کہا کہ کہ پاکستان اور کہا کہ کرتے ہوئے قوم کو نے پاک
پڑھیں:
بعض حکمران عناصر بینظر انکم سپورٹ پروگرام کو ختم کرنا چاہتے ہیں، تاہم پیپلز پارٹی ایسا نہیں ہونے دے دی، بلاول بھٹو
چیئرمین پاکستان پیپلز پارٹی بلاول بھٹو زرداری نے کہا ہے کہ ایران میں جاری جنگ کے اثرات کے باعث معاشی بحران نے جنم لیا ہے اور موجودہ معاشی چیلنجز سے نمٹنے کی صلاحیت صرف پیپلز پارٹی کے پاس ہے، گلگت بلتستان کے عوام 7 جون کو تیر پر مہر لگائیں۔
اسکردو میں جلسے سے خطاب کرتے ہوئے انہوں نے پاکستان کی جانب سے امن کے قیام کے لیے کی جانے والی کوششوں کو قابل فخر قرار دیتے ہوئے امید ظاہر کی کہ جنگ بندی کے لیے کی جانے والی کاوشیں کامیاب ہوں گی۔
مزید پڑھیں: کسی پر تنقید کرکے نہیں بلکہ کارکردگی پر ووٹ مانگتا ہوں، نواز شریف کا گلگت میں خطاب
چیئرمین پیپلز پارٹی نے کہاکہ ان کی جماعت ملک کے پسماندہ اور محروم طبقات کی حقیقی نمائندہ ہے۔ ایسی ترقی اور معاشی پالیسی کا کیا فائدہ جس میں امیر مزید امیر اور غریب مزید مشکلات کا شکار ہو جائے۔
ان کا کہنا تھا کہ بینظیر انکم سپورٹ پروگرام ملک کا واحد ایسا ادارہ ہے جو براہ راست مستحق خاندانوں تک پہنچتا ہے اور اس پروگرام کے خلاف ہونے والی سیاسی سازشیں ناکام ہوں گی۔
بدقسمتی اس ملک کی ہے کہ ہمارے سیاست دان ایسے ہیں کہ جب معاشی حالات خراب ہوتے ہیں تو وہ یہ نہیں سوچتے کہ ہم اپنے امیر دوستوں کی سبسڈی کیسے ختم کریں، وہ یہ نہیں سوچتے کہ کاروباری طبقہ کتنا ٹیکس دے رہا ہے، وہ سیدھا اس پر پہنچتے ہیں کہ بینظیر انکم سپورٹ پروگرام کو ختم کرو، مگر ہم یہ… pic.twitter.com/ioZikOPLZU
— WE News (@WENewsPk) June 2, 2026
انہوں نے دعویٰ کیا کہ بعض حکمران عناصر اس پروگرام کو ختم کرنا چاہتے ہیں، تاہم پیپلز پارٹی اسے بچانے کے لیے ہر ممکن اقدام کرے گی اور آئندہ بجٹ میں اس کے فنڈز میں اضافے کے لیے وزیراعظم سے بات کی جائے گی۔
بلاول بھٹو زرداری نے کہا کہ پاکستان کو ایٹمی طاقت بنانے کی بنیاد شہید ذوالفقار علی بھٹو نے رکھی جبکہ میزائل ٹیکنالوجی کے فروغ میں شہید محترمہ بینظیر بھٹو کا کردار نمایاں رہا۔
انہوں نے کہا کہ ماضی میں گلگت بلتستان کو شمالی علاقہ جات کہا جاتا تھا لیکن اس خطے کو موجودہ شناخت صدر آصف علی زرداری نے دی۔ ذوالفقار علی بھٹو نے بلتستان کی سرزمین سے پاکستان کو ایٹمی قوت بنانے کا اعلان کیا تھا۔
انہوں نے کہاکہ اگر 18ویں آئینی ترمیم کے تحت صوبوں کو دیے گئے اختیارات گلگت بلتستان کو بھی منتقل کر دیے جائیں تو خطے کے متعدد مسائل حل ہو سکتے ہیں۔
بلاول بھٹو نے کہاکہ حق حاکمیت کے بعد عوام کو حق ملکیت بھی ملنا چاہیے اور اسلام آباد کو تسلیم کرنا ہوگا کہ گلگت بلتستان کے وسائل پر سب سے پہلا حق مقامی آبادی کا ہے۔
انہوں نے کہا کہ جب تک اس حقیقت کو تسلیم نہیں کیا جاتا، نہ گلگت بلتستان اور نہ ہی پاکستان حقیقی ترقی کر سکتا ہے۔
پیپلز پارٹی کے چیئرمین نے سندھ حکومت کی کارکردگی کا حوالہ دیتے ہوئے کہا کہ سیلاب سے متاثرہ خاندانوں کو گھر فراہم کیے گئے اور یہی عوامی خدمت پیپلز پارٹی کی سیاست کا بنیادی محور ہے۔
ان کے مطابق پارٹی ہمیشہ عام آدمی، مزدور اور محروم طبقات کے حقوق کی سیاست کرتی آئی ہے۔
انہوں نے کہا کہ صدر آصف علی زرداری نے روٹی، کپڑا اور مکان کے نعرے کو بینظیر کارڈ کے ذریعے عملی شکل دی، جبکہ بینظیر انکم سپورٹ پروگرام کو دنیا کے کئی ممالک نے قابل تقلید ماڈل قرار دیا۔
بلاول بھٹو زرداری نے کہا کہ مسلم دنیا میں ایٹمی صلاحیت رکھنے والا واحد ملک پاکستان ہے اور اس صلاحیت کا سہرا شہید ذوالفقار علی بھٹو کے سر جاتا ہے۔
انہوں نے کہاکہ آج بھی گڑھی خدا بخش سے پاکستان کے دفاع کی روایت جڑی ہوئی ہے۔ جنرل مشرف کے دور میں غیر ملکی ممالک کو پاکستان میں اڈے حاصل تھے، تاہم سلالہ واقعے کے بعد صدر آصف علی زرداری نے ان اڈوں کو بند کروا دیا۔
انہوں نے سی پیک کے تحت تھرکول منصوبے کو سب سے کامیاب منصوبہ قرار دیتے ہوئے کہا کہ وہاں 80 فیصد ملازمتیں مقامی افراد کو فراہم کی گئیں۔
ان کا کہنا تھا کہ پیپلز پارٹی کی کوشش ہوتی ہے کہ زیادہ سے زیادہ روزگار کے مواقع پیدا کیے جائیں، جبکہ دیگر سیاسی قوتیں لوگوں کو بے روزگار کرنے کی پالیسی اپناتی ہیں۔
انہوں نے کہا کہ ان کی جماعت غریب نوجوانوں کو روزگار فراہم کرکے معاشی طور پر مضبوط بنانا چاہتی ہے۔
مزید پڑھیں: کسی بھی نئی آئینی ترمیم میں گلگت بلتستان کے عوامی حقوق کا تحفظ یقینی بنانا چاہیے، بلاول بھٹو
چیئرمین پیپلز پارٹی نے سندھ میں سیلاب کے بعد بحالی کے اقدامات کا ذکر کرتے ہوئے کہا کہ ایسا محسوس ہوتا تھا جیسے پورا صوبہ پانی میں ڈوب گیا ہو، تاہم حکومت 20 لاکھ متاثرہ گھروں کی تعمیر کر رہی ہے اور اتنے ہی خاندانوں کو مالکانہ حقوق کے ساتھ رہائش فراہم کی جا رہی ہے۔
بلاول بھٹو نے کہاکہ فیصلہ کیا گیا تھا کہ سڑکوں کی تعمیر سے پہلے متاثرین کو گھر دیے جائیں۔ اس منصوبے کے نتیجے میں قریباً 10 لاکھ افراد کو روزگار ملا۔
انہوں نے گلگت بلتستان کے عوام سے اپیل کی کہ 7 جون کو تیر کے انتخابی نشان پر مہر لگائیں، پیپلز پارٹی یہاں بھی سندھ طرز کے عوامی فلاحی منصوبے متعارف کرائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو چیئرمین پیپلز پارٹی گلگت بلتستان الیکشن وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ