چیئرمین سی ڈی اے کی پاک سیکریٹریٹ میں نئی پارکنگ کی تعمیر کیلئے ایم پی او کو اپنے وسائل بروئے کار لا کر جلد کام مکمل کرنے کی ہدایت
اشاعت کی تاریخ: 15th, May 2025 GMT
چیئرمین سی ڈی اے کی پاک سیکریٹریٹ میں نئی پارکنگ کی تعمیر کیلئے ایم پی او کو اپنے وسائل بروئے کار لا کر جلد کام مکمل کرنے کی ہدایت WhatsAppFacebookTwitter 0 15 May, 2025 سب نیوز
اسلام آباد(سب نیوز)چیئرمین سی ڈی اے و چیف کمشنر اسلام آباد اور ڈائریکٹر جنرل سول ڈیفنس محمد علی رندھاوا نے ممبر انجینئرنگ نفاست رضا کے ہمراہ پاک سیکرٹیریٹ کے ملازمین اور وزٹرز کے پارکنگ کے مسائل کو حل کرنے کیلئے مختص کردہ پارکنگ ایریا میں جاری کام کا جائزہ لینے کیلئے اچانک دورہ کیا۔ انجینئرنگ ونگ کے متعلقہ افسران نے چیئرمین سی ڈی اے کو نئے پارکنگ ایریا کے قیام کے حوالے سے بریفننگ دی۔
دورے کے دوران چیئرمین سی ڈی اے کو بتایا گیا کہ پارکنگ ایریا تقریبا 133729 مربع فٹ کے رقبے پر تیار کیا جا رہا ہے، جس میں نئی پارکنگ میں 1000 سے زائد گاڑیاں کھڑی کی جاسکیں گی۔ یہ اقدام پاک سیکرٹیریٹ اور دیگر قریبی علاقوں کے ملازمین اوروزٹرز کو درپیش پارکنگ کے طویل عرصے سے موجود مسئلے کو حل کرنے میں معاون ثابت ہوگا۔ یہ بات بھی واضح کی گئی کہ پارکنگ ایم پی او کی اپنی صلاحیتوں اور اپنے وسائل کے بروئے کار لاکر تیار کی جارہی ہے۔ دورے کے دوران چیئرمین سی ڈی اے نے مشینری پول آرگنائزیشن (ایم پی او) کو ہدایت کی کہ وہ اپنے وسائل اور صلاحیتوں کو استعمال کرتے ہوئے اپنی کوششیں اور تیز کریں۔ چیئرمین سی ڈی اے نے کہا کہ یہ اقدام سی ڈی اے کے اندر خود انحصاری، کارکردگی اور صلاحیت کی تعمیر کے عزم کی عکاسی کرتا ہے۔ دارالحکومت میں سرکاری دفاتر اور وزٹرز کو درپیش پارکنگ کے چیلنجز کو مدنظر رکھتے ہوئے
انہوں نے کہا کہ یہ اقدام خاص طور پر سیکرٹیریٹ اور اسکے قریبی عمارات کے اطراف پارکنگ کی سہولیات سے متعلق مسائل کو حل کرے گا۔ چیئرمین سی ڈی اے محمد علی رندھاوا نے ایم پی او کی مشینری، افرادی قوت اور مہارت کو فعال طور پر استعمال کرنے پر انکو سراہا۔ چیئرمین سی ڈی اے نے ہدایت کی کہ پارکنگ کے بنیادی ڈھانچہ کو ایم پی او کی اپنی نگرانی میں تیار کیا جائے تاکہ بیرونی کنٹریکٹرز پر انحصار کم سے کم ہو۔ یہ بھی بتایا گیا کہ پارکنگ منصوبے پر کام دن رات تیزی سے آگے بڑھ رہا ہے، جو سی ڈی اے کی ادارہ جاتی کارکردگی کو بہتر بنانے، اندرونی صلاحیتوں کو بڑھانے اور خودکفالت کو فروغ دینے کے عزم کی عکاسی کرتا ہے۔ یہ اقدام نہ صرف فوری شہری مسائل کو حل کرنے کیلئے ہے، بلکہ سی ڈی اے کی اپنی ونگز کو بااختیار بنا کر طویل مدتی پائیدار حل کو فروغ دینے کیلئے بھی ہے۔ چیئرمین سی ڈی اے نے ادارے کو متحرک، وسائل سے بھرپور اور مثر ادارے میں تبدیل کرنے کے وژن کو دہرایا، جو اپنی اندرونی طاقت کے ذریعے پیچیدہ شہری چیلنجز سے نمٹنے کی صلاحیت رکھتا ہو۔ ایم پی او کا ان منصوبوں میں پیشگی تعاون دیگر محکموں کیلئے ایک مثال قائم کرے گا، جو مجموعی تنظیمی ترقی اور عوامی خدمت کی بہتری میں معاون ثابت ہوگا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربھارت کے خلاف پاک فوج کی شاندار کارروائیوں پر چاہت فتح نے نغمہ جاری کردیا بھارت کے خلاف پاک فوج کی شاندار کارروائیوں پر چاہت فتح نے نغمہ جاری کردیا امیر جماعت اسلامی پنجاب ڈاکٹر طارق سلیم کی حافظ نعیم الرحمن سے ملاقات بدمعاش پاکستانیوں نے بھاری رشوت دے کر بھارت کو گھٹیا جہاز بکوادیے، مرکنڈے کاٹجو کا طنز ڈی جی آئی ایس پی آر کا بھارت کی جانب سے جنگ بندی کی خلاف ورزی کی صورت میں تیز اور یقینی جواب کا... حج سے محروم پاکستانی عازمین کیلئے وزارت مذہبی امور کی آخری کوشش، سعودی حکام کو درد بھرا خط لکھ دیا سیکریٹری خارجہ آمنہ بلوچ نے بھارت کے نیو نارمل جیسے بیانات کو بے بنیاد قرار دیدیا
Copyright © 2025, All Rights Reserved
رابطہ کریں ہمارے بارے ہماری ٹیم
ذریعہ
ذریعہ: Daily Sub News
کلیدی لفظ: چیئرمین سی ڈی اے سی ڈی اے کی اپنے وسائل ایم پی او کرنے کی
پڑھیں:
امریکی ایوان نمائندگان کی ٹرمپ کو ایران جنگ روکنے کی ہدایت، قرارداد منظور
امریکا کے ریپبلکن اکثریتی ایوان نمائندگان (ہاؤس آف ریپریزنٹیٹوز) نے صدر ڈونلڈ ٹرمپ کو ایران کے خلاف امریکی فوجی کارروائیاں روکنے کی ہدایت دینے والی قرارداد منظور کر لی جسے کانگریس کی جانب سے صدر ٹرمپ کے لیے ایک اور علامتی پیغام قرار دیا جا رہا ہے۔
یہ بھی پڑھیں: آبنائے ہرمز میں کسی بھی جہاز پر حملہ ہوا تو ایران کا بنیادی ڈھانچہ تباہ کردیں گے، ڈونلڈ ٹرمپ کی دھمکی
قرارداد 214 کے مقابلے میں 208 ووٹوں سے منظور ہوئی جبکہ چار ریپبلکن ارکان نے بھی ڈیموکریٹس کا ساتھ دیتے ہوئے اس کی حمایت کی۔
یہ قرارداد واشنگٹن سے تعلق رکھنے والی ڈیموکریٹ رکن پرامیلا جے پال نے پیش کی جس میں صدر ٹرمپ کو ہدایت دی گئی ہے کہ کانگریس کی منظوری کے بغیر ایران کے خلاف امریکی مسلح افواج کی کارروائیاں بند کی جائیں۔
تاہم ماہرین کے مطابق اس قرارداد کی حیثیت زیادہ تر علامتی ہے، کیونکہ حالیہ مہینوں میں بھی کانگریس اس نوعیت کی متعدد قراردادیں منظور کر چکی ہے مگر ان کے نتیجے میں جنگی کارروائیاں نہیں رک سکیں۔
مزید پڑھیے: ایران مذاکرات کے لیے بے تاب، لیکن بامعنی بات چیت ہی ہوگی، ڈونلڈ ٹرمپ
قرارداد کی حمایت کرنے والے چار ریپبلکن ارکان میں ٹام بیریٹ (مشی گن)، برائن فٹزپیٹرک (پنسلوانیا)، وارن ڈیوڈسن (اوہائیو) اور تھامس میسی (کینٹکی) شامل ہیں۔
Today, the House PASSED my bipartisan War Powers Resolution to end the war in Iran by a vote of 214-208.
This is a big victory for the vast majority of Americans who want President Trump to end this illegal war and focus on their lives right here at home. pic.twitter.com/ZaE3NtTJdP
— Rep. Pramila Jayapal (@RepJayapal) July 23, 2026
اگرچہ ریپبلکن پارٹی کو ایوان نمائندگان اور سینیٹ دونوں میں معمولی برتری حاصل ہے تاہم اس قرارداد کی منظوری کو صدر ٹرمپ کی پالیسیوں پر اپنی ہی جماعت کے بعض ارکان کے تحفظات کی علامت بھی قرار دیا جا رہا ہے۔
ادھر امریکی سینیٹ میں بھی ایران سے متعلق ایک علیحدہ مگر ملتی جلتی قرارداد پر ووٹنگ متوقع تھی۔
یہ پیشرفت ایسے وقت میں سامنے آئی ہے جب صدر ٹرمپ نے ایران کے خلاف فوجی کارروائیوں میں مزید شدت لانے کا اعلان کیا ہے اور امریکی فوجیوں کی ہلاکتوں کی بھی تصدیق کی ہے۔
مزید پڑھیں: ایران کو ایک امریکی فوجی کے قتل کی کئی گنا زیادہ قیمت چکانی پڑےگی، ڈونلڈ ٹرمپ کی تہران کو وارننگ
صدر ٹرمپ نے جمعرات کو ایران اور اس کے اتحادی یمنی حوثی گروپ کو بڑی فوجی سزا دینے کا عندیہ دیا۔ دوسری جانب، عارضی جنگ بندی کے مؤثر طور پر ختم ہونے کے 2 ہفتے بعد امریکی فوج نے ایران پر ایک اور رات فضائی حملے کیے، جس کے جواب میں ایران نے پڑوسی ممالک میں قائم امریکی فوجی اڈوں کو نشانہ بنایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی ایوان نمائندگان ایران امریکا کشیدگی ٹرمپ کو جنگ روکنے کی ہدایت ڈیموکریٹ رکن پرامیلا جے پال ہاؤس آف ریپریزنٹیٹوز
ٹی20 ورلڈ کپ 2026: پاکستان نے سپر 8 کے لیے جگہ پکی کر لی