العيالہ: متحدہ عرب امارات میں ٹرمپ کی آمد پر بال لہراتی لڑکیوں کا روایتی عرب رقص تنقید کی زد میں کیوں؟
اشاعت کی تاریخ: 16th, May 2025 GMT
امریکی صدر ڈونلڈ ٹرمپ کے دورۂ مشرقِ وسطیٰ کے دوران جہاں ان کی جانب سے کیے گئے تاریخی معاہدے خبروں کی ذینت بن رہے ہیں وہیں اس دوران ان کے شاہانہ استقبال پر بھی بات ہو رہی ہے۔
سعودی عرب سے شروع ہونے والے ان کے دورے میں پہلے ان کا سفید عربی گھوڑوں سے استقبال کیا گیا اور مقبول جامنی قالین بچھایا گیا۔ قطر آمد پر گھوڑوں کے ساتھ ساتھ اونٹوں کا اضافہ بھی کیا گیا اور محل لے جانے والے ان کے قافلے میں سائبر ٹرکس بھی موجود تھے۔
تاہم جب وہ متحدہ عرب امارات پہنچے تو وہاں ان کے استقبال کے لیے موجود سفید کپڑوں میں ملبوس مقامی لڑکیوں نے ایک مخصوص رقص کیا جو اکثر افراد نے اس سے پہلے نہیں دیکھ رکھا تھا۔
اس رقص کے دوران وہ اپنی لمبی زلفیں لہرا رہی ہیں اور اس دوران ٹرمپ ان کے بیچ سے ہو کر گزرتے ہیں۔
سوشل میڈیا پر جن صارفین نے یہ رقص پہلے کبھی نہیں دیکھا تھا، وہ یہ سوال پوچھتے دکھائی دیے کہ یہ آخر ہے کیا، تاہم پاکستان میں اس حوالے سے یہ تنقید سامنے آئی کہ ایک کسی اسلامی ملک میں اس طرح کی پرفارمنس کیوں دی جا رہی ہے۔
العیالہ کیا ہے؟
ہم نے اس پرفارمنس کے بارے میں یونیسکو کی ویب سائٹ کے علاوہ، متحدہ عرب امارات کے محکمہ ثقافت و سیاحت سے بھی معلومات حاصل کی ہیں۔
دراصل العیالہ شمال مغربی عمان اور پورے متحدہ عرب امارات میں پیش کی جانے والی ایک مقبول ثقافتی پرفارمنس ہے۔ العیالہ میں گنگنانے، دف بجانے کے علاوہ رقص بھی شامل ہوتا ہے اور اس میں جنگ کا منظر دکھانے کی کوشش کی جاتی ہے۔
یہ روایت عرب بدو قبائل کی ہے جو ایسا جنگ کے لیے اپنی تیاری یا کسی خوشی کے موقع پر کرتے تھے۔
تقریباً بیس آدمیوں پر مشتمل دو قطاریں ایک دوسرے کے آمنے سامنے ہوتی ہیں اور ان کے پاس بانس کی پتلی سوٹیاں ہوتی ہیں جو نیزوں یا تلواروں کے متبادل کے طور پر پکڑی جاتی ہیں۔
قطاروں کے درمیان موسیقار بڑے اور چھوٹے ڈھول، دف اور پیتل کی تھالیاں بجاتے ہیں۔ مردوں کی قطاریں اپنے سروں اور سوٹیوں کو دف کی تال کے ساتھ ہم آہنگی سے ہلاتے ہیں اور ساتھ ہی گیت بھی گاتے ہیں، جبکہ دوسرے فنکار تلواریں یا بندوقیں تھامے قطاروں کے گرد گھومتے ہیں، جنھیں وہ کبھی کبھار آسمان کی طرف پھینکتے اور پکڑتے ہیں۔
متحدہ عرب امارات میں، روایتی لباس پہنے لڑکیاں اپنے لمبے بالوں کو ایک طرف سے دوسری طرف اچھالتی ہیں۔ اس مخصوص رقص کو ‘النشاعت’ کہا جاتا ہے جبکہ اس کی جدید طرز میں اسے خلیجی رقص بھی کہا جاتا ہے۔
بدو تہذیب میں یہ ان خواتین کی جانب سے مردوں کی جانب سے تحفظ فراہم کرنے کے عوض اعتماد کے اظہار کا طریقہ ہوتا ہے۔
العیالہ سلطنت عمان اور متحدہ عرب امارات دونوں میں شادیوں اور دیگر تہواروں کے موقعوں پر پرفارم کیا جاتا ہے۔ اسے پرفارم کرنے والے مختلف قومیتوں اور عمر کے لوگ ہوتے ہیں۔ سرکردہ پرفارمر کو یہ مقام وراثت میں ملتا ہے اور اس کے ذمے باقی پرفارمرز کی ٹریننگ کرنا ہوتا ہے۔ العیالہ پرفارم کرنے کے لیے عمر، جنس یا سماجی کلاس کی کوئی قید نہیں ہے۔
تنقید کی وجہ کیا ہے؟
خلیجی ممالک کے دوروں کے دوران ٹرمپ کو ملنے والے شاہانہ استقبال پر اس دوران تنقید بھی ہو رہی ہے۔
تاہم متحدہ عرب امارات میں ہونے والے استقبال پر تنقید کی وجوہات مختلف ہیں۔ صارف اشوک سوائن نامی نے لکھا کہ ’خلیجی ممالک ٹرمپ کو خوش کرنے کے لیے سب کچھ کر رہے ہیں۔ جب مغربی حکومتوں کی خواتین رہنما ان ملکوں کا دورہ کرتی ہیں تو انھیں سر پر دوپٹہ کرنا پڑتا ہے، اب متحدہ عرب امارات کی خواتین ایک مغربی رہنما کے لیے سر ڈھکے بغیر رقص کر رہی ہیں۔‘
چیلسی ہارٹ نامی صارف نے لکھا کہ ’ایک وقت تھا جب یہ رقص نجی محفلوں میں ہوتا تھا تاہم اب اسے متحدہ عرب امارات کی جانب سے اپنی ثقافت دنیا بھر میں اجاگر کرنے کے لیے اسے عام کیا جا رہا ہے۔‘
ایک صارف میاں عمر نے کہا کہ ’ایک اسلامی ملک میں یہ ہونا بدقسمتی ہے۔‘ ایک صارف نے انھیں جواب دیتے ہوئے لکھا کہ ’آپ بہت کم علم ہیں اور نہیں جانتے کہ یہ تقریب پرانے دور کی روایت ہے جو عربی ثقافت کے بارے میں ہے۔‘
ایک اور صارف نے لکھا کہ ’جب میں عرب ملک میں کام کر رہی تھی تو وہاں مجھے کسی نے بتایا کہ عربی صرف ایک مضبوط رہنما کی عزت کرتے ہیں۔‘
Post Views: 4.ذریعہ: Daily Mumtaz
کلیدی لفظ: متحدہ عرب امارات میں کی جانب سے ہیں اور کرنے کے لکھا کہ کے لیے
پڑھیں:
پاک فوج روایتی، غیر روایتی اور ہائبرڈ خطرات سے نمٹنے کے لیے پوری طرح لیس ہے، فیلڈ مارشل
پاک فوج روایتی، غیر روایتی اور ہائبرڈ خطرات سے نمٹنے کے لیے پوری طرح لیس ہے، فیلڈ مارشل WhatsAppFacebookTwitter 0 14 August, 2025 سب نیوز
اسلام آباد(آئی پی ایس) پاکستان کے 78ویں یوم آزادی کے موقع پر چیف آف آرمی اسٹاف فیلڈ مارشل سید عاصم منیر نے قوم کے نام خصوصی پیغام میں تمام اہلِ پاکستان کو دل کی گہرائیوں سے مبارک باد پیش کی اور وطنِ عزیز کی خاطر قربانیاں دینے والے بزرگوں اور برصغیر کے مسلمانوں کو خراجِ تحسین پیش کیا۔
آرمی چیف نے کہا کہ پاکستان نہ صرف عالم اسلام کا ایک مضبوط اور ناقابلِ تسخیر قلعہ ہے بلکہ یہ بین المذاہب ہم آہنگی اور مذہبی آزادی کی روشن مثال بھی ہے، جہاں مذہبی اقلیتیں آج بھی ملکی ترقی میں اپنا بھرپور کردار ادا کر رہی ہیں۔
فیلڈ مارشل نے کہا کہ دہشتگردی کے عفریت کو شکست دینے کے لیے پاکستان نے بے پناہ جانی اور مالی قربانیاں دی ہیں۔
انہوں نے پہلگام کے افسوسناک سانحے کا ذکر کرتے ہوئے کہا کہ پاکستان نے نہ صرف اس کی شدید مذمت کی بلکہ شفاف عالمی تحقیقات کی پیشکش بھی کی۔
انہوں نے کہا کہ بھارتی حکومت نے روایتی ہٹ دھرمی کا مظاہرہ کرتے ہوئے پاکستان کی شہری آبادی کو نشانہ بنایا، تاہم قوم کی حمایت سے مسلح افواج نے بھارتی جارحیت کا منہ توڑ جواب دیتے ہوئے آپریشن بنیان مرصوص کیا، جو تاریخ میں افواجِ پاکستان کی بہادری اور ولولہ انگیز جذبے کی علامت بن چکا ہے۔
فیلڈ مارشل عاصم منیر نے واضح کیا کہ پاک فوج روایتی، غیر روایتی اور ہائبرڈ خطرات سے نمٹنے کے لیے پوری طرح لیس ہے۔
انہوں نے کہا کہ ہم خطے میں امن، ترقی اور خوشحالی چاہتے ہیں لیکن اپنی آزادی اور خودمختاری پر کبھی سمجھوتہ نہیں کریں گے، اور ملکی سالمیت کو نقصان پہنچانے کی کسی بھی مہم جوئی کا بلا جھجک فوری جواب دیا جائے گا۔
انہوں نے ایک بار پھر اس عزم کا اظہار کیا کہ پاکستان مقبوضہ جموں و کشمیر کے مظلوم عوام کی جدوجہد کی مکمل حمایت جاری رکھے گا۔ ان کا کہنا تھا کہ کشمیریوں کو ان کا حقِ خود ارادیت دلانا ہی مسئلے کا واحد منصفانہ اور پائیدار حل ہے۔
آرمی چیف نے کہا کہ پاکستان فلسطین کے مظلوم عوام کے ساتھ کھڑا ہے اور عالمی برادری کو فلسطینیوں کے حقوق کے تحفظ کے لیے فوری اقدامات کرنے چاہئیں۔
فیلڈ مارشل نے جدوجہد آزادی کے تمام شہدا کو سلام پیش کرتے ہوئے کہا کہ ان کی جرات، بہادری اور ایمان سے لبریز عزم ہماری رہنمائی کا چراغ ہے۔
انہوں نے کہا کہ پاک فوج کی پیشہ ورانہ مہارت اور جنگی تیاری پر مکمل اعتماد ہے اور ہم وطن کی سرحدوں کی حفاظت کے لیے کسی بھی قربانی سے دریغ نہیں کریں گے۔
انہوں نے عہد کیا کہ اپنی تمام تر توانائیاں پاکستان کے استحکام اور ترقی کے لیے وقف کر دیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمعرکہ حق اور آپریشن بنیان مرصوص سے آزادی کی خوشیاں دوبالا ہوگئی ہیں، صدر و وزیراعظم ملک بھرمیں یوم آزادی قومی جوش و جذبے کیساتھ منایا جا رہا ہے اسلام آباد: یوم آزادی اور معرکہ حق کی مرکزی تقریب میں ترکیہ اور آذربائیجان کی مسلح افواج کا دستہ بھی شریک جناح اسپورٹس کمپلیکس اسلام آباد میں یومِ آزادی اور معرکہ حق کی مرکزی تقریب جاری،وزیر اعظم کا راکٹ فورس کی تشکیل کا اعلان اعجاز چودھری کی خالی ہونے والی سینیٹ نشست پر ضمنی انتخاب کا شیڈول جاری مقبوضہ کشمیر میں کل پاکستان کا یوم آزادی بھرپور انداز میں منانے کااعلان،15اگست کو یوم سیاہ منایا جائیگا چہلم پر فول پروف سیکیورٹی کیلئے ملک بھر میں پاک فوج اور سول آرمڈ فورسز تعیناتCopyright © 2025, All Rights Reserved
رابطہ کریں ہمارے بارے ہماری ٹیم
رانا ثنا اللہ کی زیرصدارت اجلاس ،سیاحت کے فروغ اور ایوی ایشن سیکٹر کی ترقی بارے جائزہ لیاگیا