مقبوضہ کشمیر میں بھارتی مظالم کا نیا سلسلہ: جعلی اِنکاؤنٹرز اور بے گناہ شہریوں کی گرفتاریاں
اشاعت کی تاریخ: 17th, May 2025 GMT
پہلگام حملے کے بعد مقبوضہ کشمیر میں بھارتی فوج نے ایک بار پھر جعلی سرچ آپریشنز اور جھوٹے انکاؤنٹرز کا سلسلہ تیز کر دیا ہے۔
کشمیری ذرائع ابلاغ کے مطابق پہلگام میں مبینہ حملے کو بنیاد بنا کر بھارتی فورسز نے بڑے پیمانے پر کارروائیاں شروع کی ہیں، جنہیں انسانی حقوق کی سنگین خلاف ورزی قرار دیا جا رہا ہے۔
کشمیر میڈیا سروس کی رپورٹ کے مطابق، گزشتہ 48 گھنٹوں کے دوران بھارتی فورسز نے 40 سے زائد گھروں پر چھاپے مارے اور 25 سے زائد کشمیری نوجوانوں کو گرفتار کیا۔ دوسری جانب دی اکنامک ٹائمز نے انکشاف کیا ہے کہ بھارتی فوج نے گزشتہ تین دنوں میں 60 سے زائد کشمیری شہریوں کو مختلف کارروائیوں کے دوران حراست میں لیا۔
صورتحال اس وقت مزید تشویشناک ہوگئی جب الجزیرہ نے اپنی رپورٹ میں بتایا کہ 22 اپریل 2025 سے لے کر اب تک بھارتی فورسز نے دو ہزار سے زائد معصوم کشمیریوں کو گرفتار کیا ہے۔ صرف پچھلے ہفتے کے دوران 6 مختلف اضلاع میں جعلی انکاؤنٹرز میں کم از کم 5 نوجوانوں کو شہید کیا گیا، جس کی تصدیق کشمیر میڈیا سروس نے کی ہے۔
15 مئی 2025 کو پلوامہ میں بھارتی فوج نے تین کشمیری نوجوانوں کو شہید کیا، جن کے بارے میں دی اکنامک ٹائمز کا کہنا ہے کہ ان کا تعلق مقامی آبادی سے تھا۔ ان ہلاکتوں کے بعد پہلگام حملے کی آڑ میں بھارتی فورسز نے 48 مزید نوجوانوں کو مبینہ طور پر جعلی مقابلوں میں شہید کر دیا، جیسا کہ کشمیر میڈیا سروس نے رپورٹ کیا۔
ان سرچ آپریشنز کے دوران خواتین اور بزرگ شہریوں پر بھی تشدد کیا گیا، جو کہ بین الاقوامی انسانی حقوق کے قوانین کی صریح خلاف ورزی ہے۔ الجزیرہ نے اپنی رپورٹ میں اس پہلو کو بھی اجاگر کیا ہے۔ کشمیری عوام کی آواز دبانے کے لیے بھارتی فورسز نے موبائل اور انٹرنیٹ سروسز کو مسلسل بند رکھا ہوا ہے، جس سے اطلاعات کی آزادانہ ترسیل رک گئی ہے۔
بھارتی حکومت کی جانب سے ان کارروائیوں کو ’’دہشت گردی کے خلاف آپریشن‘‘ قرار دیا جا رہا ہے، تاہم شہید ہونے والے نوجوانوں کے اہلخانہ نے ان الزامات کو مسترد کرتے ہوئے کہا ہے کہ ان کے بچے بے گناہ تھے اور ان پر لگائے جانے والے تمام بھارتی دعوے جھوٹ پر مبنی ہیں۔
.ذریعہ: Express News
کلیدی لفظ: بھارتی فورسز نے نوجوانوں کو میں بھارتی کے دوران
پڑھیں:
بھارتی جارحیت کے سامنے پاکستانی اور کشمیری یکجا ہیں: رانا ثنااللہ
مظفرآباد(ڈیلی پاکستان آن لائن )وزیراعظم شہباز شریف کے معاون خصوصی برائے سیاسی امور رانا ثناءاللہ نے کہا ہے کہ بھارتی جارحیت کے سامنے پاکستانی اور کشمیری یکجا ہیں۔
روز نامہ جنگ کے مطابق مظفر آباد میں میڈیا سے گفتگو میں رانا ثناءاللہ نے کہا کہ بھارت نے تکبر اور غرور کیا تو اسے ہزیمت اٹھانا پڑی، پرامید ہیں کہ اس مرتبہ مسئلہ کشمیر کا حل نکلے گا۔
انہوں نے کہا کہ پاکستان کی مسلح افواج اور پاکستان کو اللہ تعالیٰ نے سرخرو کیا، بھارت نے دوبارہ کوئی ایسی حرکت کی تو پہلے سے بھی زیادہ سخت جواب ملے گا۔
وزیراعظم کے معاون خصوصی نے مزید کہا کہ کشمیری اور پاکستانی قوم بھارتی جارحیت کے سامنے یکجا ہے، پہلگام واقعے کے بعد بھارت نے مقبوضہ کشمیر کے لوگوں پربے پناہ ظلم کیا۔ا±ن کا کہنا تھا کہ کشمیریوں کی دعاﺅں سے مسئلہ کشمیر دوبارہ دنیا کے سامنے اجاگر ہوا ہے، امید ہے اس مرتبہ مسئلہ کشمیر کا حل نکلے گا۔
ٹرمپ کا ایران سے متعلق تبصرہ " جواب دینے کے قابل نہیں" سپریم لیڈر کا رد عمل بھی آگیا
مزید :
آپریشن بُنیان مّرصُوص کی کامیابی، وزیراعظم کا آج ملک بھر میں یوم تشکر منانے کا اعلان