جنگ بندی خوش آئندہے؛ دیرپا امن کیلیے مل کر کام کریں گے؛ برطانوی وزیر خارجہ
اشاعت کی تاریخ: 17th, May 2025 GMT
برطانوی وزیرِ خارجہ ڈیوڈ لیمی دورۂ پاکستان کے بعد خوشگوار یادیں اور امن کے لیے شراکت داری کے عزم کا یقین لیے اپنے وطن لوٹ گئے۔
برطانوی وزیر خارجہ ڈیوڈ لیمی نے اپنے وطن پہنچ کر مائیکرو بلاگنگ ویب سائٹ پر ایک ویڈیو پیغام جاری کیا ہے۔
جس میں انھوں نے پاک بھارت جنگ بندی کو سراہتے ہوئے کہا کہ برطانیہ دہشت گردی کے خلاف جنگ میں مل کر کام کرنے کے لیے پُرعزم ہے۔
وزیر خارجہ ڈیوڈ لیمی نے اس عزم کا بھی اظہار کیا کہ برطانیہ پاکستان بھارت سمیت بین الاقوامی شراکت داروں کے ساتھ مل کر امن کو دیرپا بنانے میں اپنا کردار ادا کرے گا۔
برطانوی وزیر خارجہ نے کہا کہ بھارت کے ساتھ انتہائی خوش آئند جنگ بندی کے بعد پاکستان کا دورہ کیا۔ ہمارے ان ممالک کے ساتھ گہرے روابط ہیں۔
ڈیوڈ لیمی نے کہا کہ دہشت گردی کا مقابلہ کرنے اور اس امن کو پائیدار بنانے کے لیے تعاون پر زور دیا ہے۔
قبل ازیں میڈیا سے گفتگو میں برطانوی وزیر خارجہ نے کہا تھا کہ فریقین پر سندھ طاس معاہدے کی پاسداری کیلئے زور دیں گے۔
انھوں نے اس بات کا بھی اقرار کیا تھا کہ امریکا اور خلیجی ممالک سے مل کر پاک بھارت جنگ بندی کوپائیداربنانے اور اعتماد سازی کے لیے کام کررہے ہیں۔
Important visit to Pakistan following the hugely welcome ceasefire with India.
Because of the deep links between our countries, the UK is determined to play our part with India, Pakistan and international partners to help counter terrorism and ensure this peace lasts. pic.twitter.com/vtDO5vnZ8q — David Lammy (@DavidLammy) May 17, 2025
ذریعہ: Express News
کلیدی لفظ: برطانوی وزیر خارجہ ڈیوڈ لیمی کے لیے
پڑھیں:
وزیرِ خارجہ سے ایران کے نائب وزیر برائے سیاسی امور کی ملاقات
تصویر:سوشل میڈیاایران کے نائب وزیر برائے سیاسی امور نے وزیرِ خارجہ اسحاق ڈار سے ملاقات کی ہے۔
ترجمان دفترِ خارجہ کے مطابق یہ ملاقات 13ویں پاک ایران سیاسی مشاورتی اجلاس سے قبل ہوئی، جس میں سیاسی مشاورت کے ایجنڈے کی تیاریوں سمیت دوطرفہ امور، علاقائی صورتحال اور عالمی معاملات پر تفصیلی گفتگو کی گئی۔
ملاقات میں دونوں ممالک نے پاک ایران تعلقات کو مزید مضبوط اور مؤثر بنانے کے مختلف پہلوؤں پر بھی تبادلہ خیال کیا۔
ترجمان دفتر خارجہ کے مطابق 13واں پاک ایران سیاسی مشاورتی اجلاس آج اسلام آباد میں منعقد ہو رہا ہے، جس میں پاکستانی وفد کی قیادت سیکریٹری خارجہ آمنہ بلوچ کر رہی ہیں جبکہ ایرانی وفد کی قیادت نائب وزیر برائے سیاسی امور مجید تخت روانچی کے سپرد ہے۔
امریکا کے آسمان پر روشنیوں اور رنگینیوں کا رقص