بھارت نے الزامات کے ثبوت نہیں دیئے، برطانوی وزیر خارجہ، اسحاق ڈار سے ملاقات
اشاعت کی تاریخ: 17th, May 2025 GMT
اسلام آباد (نوائے وقت رپورٹ+ خبرنگار خصوصی) نائب وزیراعظم اسحاق ڈار نے برطانیہ کے سیکرٹری خارجہ ڈیوڈ لیمی سے اسلام آباد میں ملاقات کی جس میں انہوں نے پاکستان بھارت کشیدگی اور پاکستان کے موقف سے آگاہ کیا۔ ترجمان دفتر خارجہ کے مطابق دونوں رہنماؤں نے جنوبی ایشیا کی حالیہ صورتحال بالخصوص پاکستان بھارت جنگ بندی پر تفصیلی بات چیت کی۔ دونوں رہنماؤں نے پاکستان برطانیہ دو طرفہ تعلقات پر بھی وسیع بات چیت کی۔ تجارت، معاشی تعاون اور ترقیاتی شراکت داری میں ہونے والی پیش رفت پر اطمینان کا اظہار کیا۔ برطانوی وزیر خارجہ ڈیوڈ لیمی کا کہنا ہے کہ بھارت نے پہلگام واقعے سے متعلق پاکستان پر لگائے گئے الزامات کے کوئی ثبوت نہیں دکھائے۔ ڈیوڈ لیمی نے کہا کہ پہلگام میں دہشتگرد حملہ خوفناک تھا۔ برطانیہ ہر قسم کی دہشتگردی کی مذمت کرتا ہے۔ پاکستان بھی دہشتگردی کا شکار رہا ہے۔ ہمیں اس بات کو یقینی بنانا ہے کہ انتہا پسندی کو فروغ نہ ملے۔
.ذریعہ: Nawaiwaqt
پڑھیں:
علاقائی رابطہ کاری ترقی و تجارت کے لیے ناگزیر ہے، وزیر خارجہ اسحاق ڈار
ڈپٹی وزیراعظم و وزیر خارجہ سینیٹر اسحاق ڈار نے وزارت خارجہ میں ریجنل ٹرانسپورٹ وزرا کی 23 اور 24 اکتوبر کو اسلام آباد میں منعقد ہونے والی کانفرنس کے حوالے سے مقیم سفرا اور بین الاقوامی اداروں کے نمائندوں کو بریفنگ دی۔
اس موقع پر وزیر خارجہ نے کہا کہ علاقائی رابطہ کاری اقتصادی ترقی کے فروغ، تجارت میں اضافے اور ثقافتی رشتوں کو مضبوط بنانے کے لیے نہایت اہم ہے۔
مزید پڑھیں:میثاق جمہوریت تاریخی سنگ میل ہے، سینیٹر اسحاق ڈار
انہوں نے اس امید کا اظہار کیا کہ تمام علاقائی ممالک بھرپور شرکت کریں گے کیونکہ مشترکہ انفراسٹرکچر کے ذریعے تعاون اور ترقی کے وسیع امکانات موجود ہیں۔
اجلاس میں وفاقی وزیر مواصلات، علاقائی ممالک کے سفیروں، بین الاقوامی اداروں کے نمائندوں اور وزارت خارجہ و متعلقہ محکموں کے اعلیٰ حکام نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ریجنل ٹرانسپورٹ وزرا سینیٹر اسحاق ڈار
کپل شرما سے بھتہ مانگنے والا گینگسٹر گرفتار