بھارتی فضائیہ نے کتنے طیارے کھوئے؟ راہول گاندھی کا لوک سبھا میں مودی سرکار سے سوال
اشاعت کی تاریخ: 18th, May 2025 GMT
بھارت میں اپوزیشن لیڈر راہول گاندھی نے مودی حکومت سے سوال کیا کہ بتایا جائے کہ پاکستان کے حملے میں بھارتی فضائیہ نے کتنے طیارے کھوئے ہیں؟۔
بھارتی اخبار کی رپورٹ کے مطابق بھارت اور پاکستان کی جانب سے فوجی کارروائی کے خاتمے کے بعد اپنے پہلے بیان میں، لوک سبھا میں اپوزیشن کے رہنما راہول گاندھی نے وزیر خارجہ ایس جے شنکر پر تنقید کی کہ انہوں نے کہا تھا کہ بھارت نے پاکستان کو دہشت گردی کے ڈھانچے کو نشانہ بنانے کے بارے میں اطلاع دی تھی۔
راہول گاندھی نے کہا کہ یہ ’جرم‘ ہے کہ ہم پاکستان کو ’حملے کی شروعات‘ کے حوالے سے مطلع کریں، اور انہوں نے یہ جاننا چاہا کہ انڈین ایئرفورس نے ’اس کے نتیجے میں‘ کتنے طیارے کھوئے۔
وزارت خارجہ نے راہول گاندھی کے بیان کا جواب دیتے ہوئے اسے ’حقائق کی غلط نمائندگی‘ قرار دیا ہے۔
انہوں نے حکومت سے سوال کیا کہ حملوں سے پہلے پاکستان کو مطلع کرنے کا کون مجاز تھا؟ وزیر خارجہ جےشنکر نے کُھلے عام اس بات کو تسلیم کیا۔
راہول گاندھی نے کہا کہ بتایا جائے کہ حملے کے بعد بھارتی فضائیہ نے کتنے طیارے کھوئے؟
واضح رہے بھارتی وزیر خارجہ جے شنکر نے ایک بیان میں کہا تھا کہ پاکستان میں حملوں سے پہلے پاکستان کو بتا دیا تھا۔
پاکستان کی جانب سے بھارت کی جارحیت کے جواب میں آپریشن بنیان مرصوص کی کامیابی کے بعد سے بھارت میں مودی سرکار شدید ترین تنقید کی زد میں آئی ہوئی ہے، عام بھارتی شہری بھی نریندر مودی پر شدید تنقید کرنے لگے ہیں۔
گودی میڈیا کے ذریعے جعلی بیانیہ تشکیل دینے کی بھونڈی کوشش میں ناکامی کے بعد سے دنیا بھر میں بھارتی میڈیا پر فیک نیوز کی باقاعدہ سرپرستی کی باتیں کی جارہی ہیں۔
چین میں سوشل میڈیا پر بھارت کے لڑاکا رافیل طیارے گرائے جانے پر میمز کی بھرمار ہے، جب کہ جے 10 سی اور جے ایف 17 تھنڈر بنانے والی کمپنی کے پاس آرڈرز پر آرڈرز آنے کی توقعات کی وجہ سے یہ طیارے بنانے والی کمپنی کے شیئرز کی قیمتوں میں نمایاں اضافہ ہوا ہے۔
Post Views: 4.
ذریعہ
ذریعہ: Daily Mumtaz
کلیدی لفظ: راہول گاندھی نے پاکستان کو کے بعد
پڑھیں:
عشق پاکستانی نوجوان کو ایل او سی کے پار لے گیا
مقبوضہ کشمیر کی لڑکی کا عشق پاکستانی نوجوان کو لائن آف کنٹرول (ایل او سی) کے پار لے گیا۔
پاکستان نے 30 اور 31 مئی کی درمیانی شب مقبوضہ بھارتی علاقے اُڑی پہنچنے والے پاکستانی نوجوان ذیشان میر کے لیے قونصلر رسائی کی درخواست دے دی۔
سفارتی ذرائع کے مطابق پاکستانی ہائی کمیشن نئی دلی نے بھارتی وزارت خارجہ کو ذیشان میر کے بارے میں خط لکھا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ