ملتان، قومی یوم تشکر کے موقع پر پاک فوج کے حق میں ریلی اور جشن کا اہتمام، علامہ اقتدار نقوی و دیگر شریک
اشاعت کی تاریخ: 18th, May 2025 GMT
دربار شاہ شمس پر افواج پاکستان کی دشمن کے خلاف شاندار کامیاب آپریشن بنیان المرصوص کا جشن منایا، اس موقع پر مدینہ الاولیا ملتان کے عزاداری سے تعلق رکھنے والے بانیان مجالس، لائسنس داران جلوس عزا، متولی امام بارگاہ، ماتمی انجمنوں کے سالار، علما و ذاکرین اور معززین علاقہ نے کثیر تعداد میں شرکت کی۔ اسلاٹائمز۔ قومی یوم تشکر کے موقع پر مرکزی تنظیم لائسنس داران عزاداری امام حسین کے زیراہتمام پاک فوج کے کامیاب آپریشن بنیان المرصوص کی کامیابی پر ریلی کا انعقاد دربار شاہ شمس ملتان پر کیا گیا۔ مدینہ الاولیا ملتان میں انتظامی سطح کے بعد اجتماعی یوم تشکر کی تقریبات کے سلسلے میں مرکزی تنظیم لائسنس داران عزاداری امام حسین علیہ السلام کے اراکین و مرکزی صدر نے دربار شاہ شمس پر افواج پاکستان کی دشمن کے خلاف شاندار کامیاب آپریشن بنیان المرصوص کا جشن منایا، اس موقع پر مدینہ الاولیا ملتان کے عزاداری سے تعلق رکھنے والے بانیان مجالس، لائسنسداران جلوس عزا، متولی امام بارگاہ، ماتمی انجمنوں کے سالار، علما و ذاکرین اور معززین علاقہ نے کثیر تعداد میں شرکت کی۔ شرکا نے پاکستان زندہ باد، پاک فوج زندہ باد کے نعرے بلند کیے اور علما نے پاکستان کی سلامتی، استحکام اور ترقی کے لیے دعا کروائی۔ ریلی کے شرکا میں مرکزی صدر سید موسی رضا شاہ بخاری، علامہ سید اقتدار حسین نقوی، علامہ غلام مصطفی انصاری، مخدوم سید چن چراغ مشہدی، اخلاق حیدر صدیقی، سید طاہر عباس شاہ بخاری، سید عارف اختر کاظمی، مرزا خرم عباس، ثقلین رضا پہلوان، سید نوازش حسین شاہ بخاری، سید شہنشاہ حسین بخاری، مہر قیصر عباس، سید اقبال مہدی زیدی ایڈوکیٹ، سید ذوالفقار حسین کاظمی و دیگر لائسنس داران، متولیان، بانیان مجالس موجود تھے۔
.
ذریعہ
ذریعہ: Islam Times
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ٹی20 ورلڈ کپ 2026: پاکستان نے سپر 8 کے لیے جگہ پکی کر لی