وزیرداخلہ محسن نقوی اور وزیر اوورسیز پاکستانیز سالک حسین کا لاہور ایئرپورٹ کا اچانک دورہ
اشاعت کی تاریخ: 16th, November 2025 GMT
لاہور ایئرپورٹ پر وفاقی وزیرداخلہ محسن نقوی اور وزیر اوورسیز پاکستانیز چوہدری سالک حسین نے اچانک دورہ کیا۔ اس دوران دونوں وزرا نے امیگریشن کاونٹرز پر عملے کی کارکردگی، رش کی صورتحال اور مسافروں کے مسائل کا جائزہ لیا۔
وزیر داخلہ محسن نقوی نے امیگریشن کاونٹرز پر غیر معمولی رش دیکھ کر برہمی کا اظہار کیا اور ہدایات دیں کہ امیگریشن پراسیس کو تیز اور شفاف بنایا جائے تاکہ مسافروں کو مشکلات کا سامنا نہ ہو۔
یہ بھی پڑھیے: ایف آئی اے بلوچستان زون کا انسانی اسمگلروں کے خلاف کریک ڈاؤن، 6 ملزم گرفتار
دورے کے دوران دونوں وزرا نے بیرون ملک جانے والے مسافروں سے گفتگو کی اور ان سے امیگریشن عمل سے متعلق مسائل دریافت کیے۔ وزیر اوورسیز پاکستانیز سالک حسین نے پروٹیکر کے تحت سفر کرنے والے افراد کی دستاویزات بھی خود چیک کیں۔
اسی دوران پروٹیکر کے ذریعے ڈرائیور کی جاب کے لیے بیرون ملک جانے والے ایک نوجوان کے پاس ڈرائیونگ لائسنس نہ ہونے پر اسے سفر سے روک دیا گیا، جس پر سالک حسین نے سخت برہمی کا اظہار کرتے ہوئے فوری انکوائری کا حکم دے دیا۔
ایف آئی اے اہلکار کی مبینہ ملی بھگت سے بیرون ملک جانے والے ایک اور مسافر کو بھی امیگریشن نے کاونٹر پر روک لیا۔ وزرا نے آف لوڈ کیے گئے مسافر کو نجی کمپنی کو ادا کی گئی رقم واپس دلوانے کی یقین دہانی کرائی۔
یہ بھی پڑھیے: کوئٹہ انٹرنیشنل ایئرپورٹ پر ایران ایئر کی پہلی پرواز کا خیر مقدم
وزیرداخلہ محسن نقوی نے دونوں مسافروں کو روکنے والے ایماندار امیگریشن اہلکاروں کو بلا کر شاباش دی، اپنی جیب سے انعام دیا اور انہیں تعریفی سرٹیفکیٹس دینے کا اعلان بھی کیا۔
انہوں نے واضح ہدایات جاری کرتے ہوئے کہا کہ ضروری دستاویزات کے بغیر کسی بھی شخص کو بیرون ملک سفر کی اجازت نہ دی جائے، غیر قانونی امیگریشن کسی صورت برداشت نہیں ہوگی، اور ملک کی بدنامی کا باعث بننے والوں کو ہرگز سفر نہیں کرنے دیا جائے گا۔
یہ بھی پڑھیے: وزیر خزانہ محمد اورنگزیب کی سعودی ہم منصب سے ملاقات، پی آئی اے اور ایئرپورٹ کی نجکاری سے متعلق بریفنگ
سالک حسین نے بھی زور دیا کہ پروٹیکر کے تحت جانے والے ہر مسافر کی ملازمت سے متعلق مستند دستاویزات کی باقاعدہ تصدیق ضروری ہے۔
وزراء نے متعلقہ اداروں کو ہدایت کی کہ غیر قانونی سرگرمیوں میں ملوث کسی ایف آئی اے یا دیگر محکموں کے اہلکار کے خلاف سخت کارروائی عمل میں لائی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئرپورٹ ایف آئی اے وزیر داخلہ.ذریعہ: WE News
کلیدی لفظ: ایئرپورٹ ایف ا ئی اے وزیر داخلہ سالک حسین نے بیرون ملک محسن نقوی جانے والے
پڑھیں:
غیرقانونی امیگریشن برداشت نہیں، دستاویزات کے بغیر کسی کو سفر کی اجازت نہ دی جائے: وزیر داخلہ
لاہور(ڈیلی پاکستان آن لائن)وفاقی وزیر داخلہ محسن نقوی نے کہا ہے کہ غیر قانونی امیگریشن برداشت نہیں کی جائے گی، ضروری دستاویزات کے بغیر کسی مسافر کو سفر کی اجازت نہ دی جائے۔
نجی ٹی وی چینل جیو نیوز کے مطابق وفاقی وزیر داخلہ محسن نقوی اور وزیر برائے اوورسیزپاکستانیز چوہدری سالک حسین نے لاہور ائیرپورٹ کا اچانک دورہ کیا، دونوں وزراء 2 گھنٹے تک لاہور ائیرپورٹ پر موجود رہے اور امیگریشن پراسیس کا مشاہدہ کیا۔
اس موقع پر وزیر داخلہ نے امیگریشن کاونٹرز پر رش دیکھ کر اظہار ناراضگی کیا اور پراسیس جلد نمٹانے کے احکامات جاری کیے۔
لیبیا کے ساحل پر تارکین وطن کی دو کشتیاں الٹ گئیں، 4 افراد ہلاک
وفاقی وزرا نے بیرون ممالک جانے والے مسافروں سے بات چیت کی، امیگریشن پراسیس سےمتعلق پوچھا، وفاقی وزیر سالک حسین نے سفری دستاویزات پر پروٹیٹکرسٹیکرز چیک کیے۔
اس دوران ڈرائیورکی ملازمت کے لیے بیرون ملک جانے والے نوجوان کو ڈرائیونگ لائسنس نہ ہونے روک دیا گیا جبکہ وفاقی وزیر سالک حسین نے برہمی کا اظہار کرتے ہوئے انکوائری کا حکم دیا اور ہدایت کی کہ پروٹیٹکرکے تحت مسافروں کی متعلقہ ملازمت کی دستاویزات کی تصدیق کی جائے۔
رپورٹ کے مطابق ایف آئی اے اہلکارکی مبینہ ملی بھگت سےبیرون ملک جانے والے مسافر کو امیگریشن کاونٹرپر روکا گیا اور آف لوڈ کیے گئے مسافر کو نجی کمپنی کو ادا کی گئی رقم واپس دلانے کی یقین دہانی کروائی گئی۔
مولانا فضل الرحمان نے مرکزی مجلس شوریٰ کا ہنگامی اجلاس طلب کر لیا
وفاقی وزیرداخلہ نے دونوں نوجوانوں کو روکنے والے امیگریشن اہلکاروں کو بلا کر شاباش دی، اپنی جیب سے انعام دیا اور تعریفی سرٹیفکیٹس بھی دینے کا اعلان کیا۔
اس موقع پر محسن نقوی نے کہا کہ ضروری دستاویزات کے بغیر کسی بھی مسافر کو سفر کی اجازت ہرگز نہ دی جائے، غیرقانونی امیگریشن قطعاً برداشت نہیں ہوگی۔
محسن نقوی کا کہنا تھا ملک کی بدنامی کا باعث بننے والے کسی مسافر کو سفر کی اجازت نہیں دی جائے گی جبکہ ایف آئی اے یا کسی بھی ادارے کے ملوث اہلکاروں کے خلاف سخت ایکشن ہوگا۔
پاکستان اور سری لنکا کے درمیان سیریز کا آخری ون ڈے آج کھیلا جائے گا
مزید :
حکومت کو آئینی ترمیم کیلئے سینیٹ میں 64 اور قومی اسمبلی میں 224 ووٹ درکار