قسطوں پر انرجی سیور پنکھے، عوام کے لیے بڑی خوشخبری
اشاعت کی تاریخ: 19th, May 2025 GMT
اسلام آباد (نیوز ڈیسک) عوام کو انرجی سیور پنکھے قسطوں پر دینے کی تیاری کرلی گئی ، جس سے بجلی کے بل کم آئیں گے۔
تفصیلات کے مطابق وفاقی حکومت نے عوام کو انرجی سیور پنکھے قسطوں پر دینے کی تیاریاں کرلی، ذرائع نے بتایا کہ انرجی سیور پنکھے لگانے کے پلان کا اعلان آئندہ مالی سال کے بجٹ میں کیا جائے گا، پنکھے قسطوں پر دینے کا مقصد بجلی کی بچت ہے۔
ذرائع نے کہا کہ وزیر اعظم نے انرجی سیور پنکھے آسان قسطوں پر دینے کی تجویز منظور کرلی ہے، زیادہ بجلی استعمال کرنے والے پنکھوں کی تبدیلی کا قومی پلان تیار کرلیا ہے۔
صارفین بینکوں کی مالی معاونت سے توانائی کی بچت کرنے والے فین لگوا سکیں گے اور پنکھوں کی قیمت کی ادائیگی بجلی کے بلوں کے ذریعے اقساط میں کر سکیں گے۔
ذرائع کے مطابق اے سی فینز کو ڈی سی فینز میں بدلنےسے 5 ہزارمیگاواٹ تک بجلی کی بچت ہو گی اور انرجی سیورپنکھوں کی بدولت بجلی بچت سے نئی پیداواری صلاحیت کی ضرورت نہیں رہے گی۔
ذرائع نے بتایا کہ حکومت انرجی سیور پنکھے بلاسود فراہم کرنے کی تیاریاں کر رہی ہے، عوام کو بلاسودآسان قسطوں پر پنکھوں کی فراہمی کی اسکیم پر آئی ایم ایف سے بھی مشاورت ہوگی، پنکھوں کی قسطوں پر فراہمی سے عوام کے بجلی کے بل کم آئیں گے۔
مزیدپڑھیں:پاکستانی ڈاکیومنٹری ’ہنگنگ بائے اے وائر‘کانز فلم فیسٹیول میں شامل
ذریعہ: Daily Ausaf
کلیدی لفظ: انرجی سیور پنکھے پنکھوں کی
پڑھیں:
علمی، ادبی، تاریخی اور ثقافتی اداروں کیلئے وزیراعظم کا اعلان قوم کیلئے خوشخبری ہے، سینیٹر عرفان صدیقی
اسلام آباد(نیوز ڈیسک) مسلم لیگ (ن) کے سینیئر رہنما اور سینٹ میں پارلیمانی پارٹی لیڈر سینیٹر عرفان صدیقی نے کہا ہے کہ علمی، ادبی، تاریخی اور ثقافتی اداروں کے بارے میں وزیراعظم محمد شہباز شریف کا واضح اعلان نہ صرف ان اداروں بلکہ پوری قوم کے لیے اچھی خبر ہے۔ وزیراعظم شہباز شریف ان اداروں کی کارکردگی اور دائرہ اثر بڑھانے کیلئے سنجیدہ اور مؤثر اقدامات کا ارادہ رکھتے ہیں، جس کیلئے جلد ایک کمیٹی قائم کی جا رہی ہے۔ ان خیالات کا اظہار انہوں نے قومی تاریخ اور ادبی ورثہ کے وفاقی وزیر اورنگزیب کھچی اور وزیراعظم کے معاون خصوصی حذیفہ رحمان سے گفتگو کرتے ہوئے کیا جنہوں نے آج سینیٹر عرفان صدیقی کے چیمبر میں ان سے ملاقات کی۔ وفاقی وزیر اور معاون خصوصی نے سینیٹر عرفان صدیقی کا شکریہ ادا کیا کہ انہوں نے علمی و ادبی اداروں کے تحفظ کے لیے آواز اٹھائی اور فنونِ لطیفہ سے تعلق رکھنے والے طبقے کے مطالبات وزیراعظم تک پہنچائے۔ انہوں نے کہا کہ علمی اداروں میں اصلاحات کی ضرورت ہے اس سلسلے میں وزیراعظم کی ذاتی دلچسپی سے یقیناً بہت اچھے نتائج مرتب ہوں گے۔ انہوں نے توقع ظاہر کی کہ اس قومی مشن کیلئے انہیں سینیٹر عرفان صدیقی کی رہنمائی اور معاونت حاصل رہے گی۔ سینیٹر عرفان صدیقی نے وفاقی وزیر اور وزیراعظم کے معاون خصوصی کو یقین دلایا کہ وہ علم و ادب کے فروغ اور معاشرے میں ہم آہنگی اور خیر سگالی کے جذبات پیدا کرنے کیلئے ہر ممکن تعاون کیلئے ہمیشہ دستیاب رہیں گے۔ سینیٹر عرفان صدیقی نے مزید کہا کہ قومی تاریخ اور ادبی ورثہ کے اداروں کو اپنی اہمیت اور افادیت تسلیم کرانے کیلئے وقت کے نئے تقاضوں کے مطابق نئے منصوبوں کا اغاز کرنا ہوگا اور اپنی کارکردگی کو زیادہ بہتر بنانا ہوگا۔ سینٹر عرفان صدیقی نے دونوں رہنماؤں سے درخواست کی کہ وہ تمام اداروں کے سربراہان کے تقرر کے لیے اقدامات کریں تاکہ ان کی کارکردگی بہتر بنائی جا سکے۔ ملاقات میں وزارت قومی تاریخ و ادبی ورثہ ڈویژن کے وفاقی سیکرٹری اسد الرحمن گیلانی بھی موجود تھے۔
Post Views: 4
دفاع وطن کیلئے جان قربان کرنیوالے ہمارے اصل ہیرو ہیں، آصف علی زرداری